الانسان اصله فرخة..حد عنده اعتراض؟

اشمعنى دارون والعالم دى الناس بتسمعها لما قالوا الإنسان أصله قرد؟
وطالما العباقرة عندنا كتبوا كلامهم فى منهج الثانوية ودرسناه معاهم زى المجانين .. أحب أوضح وجهة نظر المطبخ فى المسألة دى … ما هى زاطت بقى
هتقولى .. أيه دليلك على أن الإنسان أصله فرخه؟
هقولك دليلين مفحمين أوى ..
وعن طريق اللغة العربية والإنجليزية ..
يعنى اللغات العالمية كمان ..

أولا فى العربى .. لما الطالب فى المدرسة خطه يبقى وحش بيقولوا عليه أيه؟ بيقولوا خطه “نكش فراخ” ..
وهذه وراثة من الأجداد الفراخ .. مما تتأثر الأجيال الجديدة بالمقولة.

وثانيا بالانجليزى ..
chicken out
تعبير معناه يفقد أعصابه أو يرتعد خوفا .. غير تعبير فرخة دليل على الجبن والخوف للشخص الموصوف .. شوفت الكلمة بتفرض نفسها كفعل ازاى؟ .. مش كده وبس .. ده كمان فى أغانى عن الفراخ كتيييير .. كوكو واوا مثلا دى أغنية أسبانية عن الفرخة والكتاكيت بس ده مش موضوعنا النهاردة.
تاخد بالمرة دليل طبى على السريع؟ مرض الجدري الكاذب أو الجدري المائي اسمه أيه بالانجليزى؟ اسمه
Chicken pox
مش محتاجة جدال خالص
عاوزه بقى الدليل الساحق الماحق؟ انفلونزا الطيور
جبتش حاجة من عندى؟ عندك الفيروس رايح من الفراخ للانسان .. طيب ليه؟ علشان كان الانسان زمان فرخة كبيرة واتحورت لحد ما بقت دودة ثم يرقة وبعدها كائن اسمه انسان ..

============================

ملحوظة :
المقال ساخر جدا .. أوعى حد يفتكره جد لحسن نروح فى داهية .. ده ممكن يعملوا جمعية حقوق الفراخ على أساسه ..

هههههههههههههههههههههههههه
هههههههههههههههههههههههههه

فكرتينى بنشره اخبار الخامسه والعشرون كانوا عاوزين يعملو مشروع المواطن الدجاجه

تسلمولي علي مروركم..

ههههههههههههههههههههههههههههههههههههههههههههههههههههه تسلم ايديكى يا قمر

تسلميلي يااحلي نهي...

طيب البيضه ولا الفرخه الاول
بمناسبه الفرخه

ههههههه
حلو اوي الموضوع ده
كوكو كوكو
اه يا مروة هي تفرق معاكي كتير
الكتكوت الاول يا ستي

ههههههههه...تسلميلي ياجوليت علي مرورك..وشكرا علي معلومة الكتكوت..هههههه

هههههههههه انا شكلي اقتنعت بالكلام دا شكرا ليكى ياموؤة

لا اوعي تقتنعي راجعي نفسك كويس ..شكرا لوجودك ياجميل

هههههههههههههههههههههههههههههههههه مش أدر

توبيك مجرررررم الله ينور

علي فكرة يا موءة انا مقرتش الموضوع لان الموضوع دة حرام
لان الانسان ملهوش اصل عير انة انسان
وكلنا عارفين قصة ابونا ادم
وان الانسان اصلة قرد او فرخة دة خرافات وحرام
متزعليش منى
انا قصدى النصيحة

» أنا أفضل عضو . حد عنده مانع ؟؟؟ ((ألي يغار لا يدخل ))
» اللى عنده انسان عزيز و غالى عليه يتفضل يقرأ الموضوع
» ما اجمل هذا الانسان
» الصعب في حياه الانسان
» الانسان خليفة الارض