ورقة لحمه

بصوا بقى هقولك طريقه ورقة اللحمة اللى بجد يعنى اللى يتاكل وراها صوبعكم

هنشتغل على اساس معانا كيلو لحمه

المكونات : كيلو لحمه _كيلو بطاطس _كيلو الا ربع بصل _نص كيلو طماطم _شويه ملح _بلحه والبهارات بتاعتها_ورق زبدة _ورق لورى_ورق حرارى

ملحوظة : على قد وزن اللحمة بتكون البطاطس زيها او اكتر شويه صغيرين يعنى كيلو لحمه بنجيب كيلو بطاطس او كيلو وربع وهكذا

طريقة العمل بقى

هنقطع البطاطس والبصل طرنشات (دواير يعنى ) _ هنبشر الطماطم _ هنقطع اللحمة قطع زى ما انت عايز الحجم بقى _ هنلخط كله على بعضه وعليهم ملح طبعا

هنروح للعطار نقوله عايزين بلحه والبهارات بتاعتها وهو هيفهم وهيظبطكم نجيب البهارات ونحطها علي الخليط ده ونقطع ورق اللورى الاخضر ده ونحطه هو كمان على الخليط

من الاخر كله على بعضه

نيجى بقى للنهاية يفضل اننا نجيب طبق حرارى نفرشه من تحت بورق زبدة من عند العطار برده ونحط عليه الخليط ده كله ونغطيه بالورق الحرارى

ملحوظة :اننا نسوى الورقة دى عند اى فرن لانها بتستوى على نار هدية وبتطلع مظبوطة بره عن البيت

جربوا بقى وشوفوا الطعم

ويارب تعجبكم الطريقه ولما تاكلوها كلولى معاكم

هههههههههههههههههههههههههههههه انت اول مشاركة من شاب يا جدعاااااااااااااااااااان لابجد الله عليك يا حمادة اعمليها انت واعزمنا بس ميرسى ليك

عن نفسى انا موافق ع العزومه بس انتوا بقى

واللى انتى متعرفهوش انى اصلا ست بيت جدعة اوى وامى بتقولى يا بخت اللى هتتجوزك انت هتريحها على الاخر

لان فى اكل مينفعش اكله الا انا اللى اعمله ( نفس بقى )

هو فى طريقه تانيه لورقه اللحمه احنا بنعملها كده ع طول
شكرا ليك ع الاكله الروعه

هههههههههههههههههههههههههههههههههههه انت ست بيت جدعة هههههههههههههههههههههههههه تصدق بالله انا اخرى بيض بالبسطرمة وبيطلع مش حلو وانا الوحيدة الى باكلة اة عمايل ايديا بقى

ههههههههههههههههههههههههههه
بيض ههههههههههههههههههههههه وبالبسطرمة كمان ههههههههههههههههههههههه

غلابة بقى

غلابة بقى ؟؟ ههههههههههههههههههههههههههههههههههههههههههههههههههههههههههههههههههههههه لا بجد انا مش اعرف اعمل غير البيض بالبسطرمة والشاى ومش هقولك بقى ع الشاى ياااااااااااااااااااااااااااة روعة من كتر جمالة مش بيتشرب ومش عايز تريقة :سس: :لالا: تعرف انا ممكن اكون ست بيت شاطرة بس انا مش فاضية

وراكى الديوان صح

الزعل مرفوع

ههههههههههههههههههههههههههههههههههههههههههههههه لالا انا مش بزعل من حد يا حمادة خلاص والله هتعلم الطبيخ بس لما ابقى فاضية

ماشى يا معالى الوزيرة

يا جماعا سيبكو من ده كلو

مين الى هيعملها عشان ناكل بقى

ما انا قولت يا ناس انا اللى هعملها بس مين اللى هيجى عشان اظبط العدد بس

ولا انا هتحايل عليكوا بقى