الصدمه الاخيره

يا صدمتي في أكثر
احبابـي ويـا خيبـة ظنونـي
يا ضيق صدري لا ذكرت اني عليهم مـا كذبـت

يا طعنة خلتنـي أنسـى مـن سبايبهـا طعونـي
يا جرح ماله طب حتى لـو أقـول اليـوم طبـت

البارحه والله يكـون بعـون أحاسيسـي وعونـي
أحاول اهرب مـن عمايلهـم ولكـن مـا هربـت

ما كنت أحس اني أنا وهـذا الكـون كونـي
أمر في حالـة ضيـاع ..وشبـه غيبوبـه وكبـت

أحباب أي أحباب ذول اللي على موتـي خذونـي
الظاهر اني شبت.. يا عالم وأنا مـا بعـد شبـت

سألت نفسي هم يبوني صـدق؟ والا مـا يبونـي؟
أجبت نفسي وليتنـي علـى سؤالـي مـا أجبـت

اللي لهم مـده وهـم فـي داخلـي واستغفلونـي
يا ما استغلوا طيبتي معهـم وكـل اللـي وهبـت

وهبتهم قلبي وشعري وكـل مـا حولـي ودونـي
تعبت معهم... بس ما كنـي رغـم هـذا ..تعبـت

شعرت فعلاً بالعـذاب وغصـة الدمـع بعيونـي
قربتهم مني وانـا اللـي كنـت أحسبنـي قربـت

عشانهم قررت أبيع اللـي مـن العالـم شرونـي
عشانهـم بطلـت لعـب.. وليتنـي والله لعـبـت

ما دامهم ما قدروا صدقـي ومعهـم جرجرونـي
لو أدري آخرها كذا مـن أول الـدرب انسحبـت

أحبابهم واجد ولا ادري ليـه بالـذات اخدعونـي؟
مع ان عمري ما خدعت انسـان أو حتـى قلبـت

يا قوها صدمه وأنا لون الغدر مـا هـوب لونـي
وربي ما أنلام لـو بعـد الـذي سـووه ...غبـت

ما كنت ناقص صدمه أخرى بحياتي واصدموني
مصدوم خلقه ..لين مات الحب فينـي وانعطبـت

والحين مدري كيف أعاملهـم وهـم مـا قدرونـي
ما استوعبوا للي كتبت من الجـروح ومـا كتبـت

الله يجازيهم علـى استنزافـي وحرقـة جفونـي
ما كنت حاسبهم يبيعـون الغـلا يومـي حسبـت

أثر الغلط منـي لأنـي كنـت معطيهـم جنونـي
لكني أعلنهـا صريحـه... تبـت والله ثـم تبـت

ما عاد لي رغبه.. أجدد فـي علاقتهـم طعونـي
خسرت في هذا الطريق أضعاف ضعف اللي **بت

أحسن لي ابعد واشتري نفسي ولا خيبـة ظنونـي
ان طبت من جرحي والا جعلني مـا يـوم طبـت

تحياتي للجميع
من قلبي وقلمي

h.a love for ever

» اوباما والرجعه الاخيره