ماذا لو كان جنسك هو العكس...........

انا عايز اعرف كل واحد من المنتدى لو حيقلب
يعنى بقى النوع التانى
حيعمل ايه او حتعملى ايه فى الكليه
مع صحابك او زمايلك
يعنى حياتك تتوقعها ازاي
او تتوقعيها
وطبعا الوضع للجديد ده للبنت او الولد حيسحب مزايا قديمه
وحيتعود على صفات تانيه

يعنى حتعمل ايه لو صحيت لقيت نفسك بنت
وحتعملى ايه لو بقيتى ولد

انا بحمد ربنا
جدا جدا
انى طلعت
ولد
عشان اللى بيحصل مع البنات فعلا
الحمد لله
تلاقينى لو بنت
دة بيعكسنى ودة
بيبصلى
حاجة تغيص
لا
الحمدة لله ا
اللهم احفظنا بحمد ربنا

طيب ياريت

انا اتخيلت بس والله الشباب وخدين رحتهم على الاخر اما البنات كل حاجه


لا وغلط وعــــــــــــــــــــــــيب وميصحش (ده كلام العائله )

البنت اخرها تنور فى البيت وبس

بس يالا كله خير وبركه دانا لو كنت ولا انا كان زمان حجات كتير من حياتى اتحزفت


بس سبحان الله القادر على كل شى

بس دلوقتى احس ان المراه وخده حقها على الاخر


اشكرك جدا على الموضوع الاكثر من رائع

لو صحيت من النوم لقيت نفسي ولد حنام تاني ههههههه
لا بجد حبقى واد روش واعيش حياتي ومش حقعد ف البيت يومين ع بعض حسافر ع طول لسبب و من غير وحشتغل كل حاجة تقابلني وقبل مخلص دراسة حكون محددة قصدي محدد هدفي سواء وظيفة او سفر برة مفيش مشكلة


ف الدراسة ححب بنت جدعة وشاطرة اصور منها المحاضرات ولما اخلص اسيبها ولما اشتغل اخلي امي تدور لي ع عروسة هههههه
لالالا اللي ححبها حرتبط بيها بس مش حجيب لها محاضرات برده


ايه وجع الدماغ ده
انا بنت الحمد لله