ياريت دلوقتى تمشى وتخدى الباب وراكى---جديد من wael

السلام عليكم ورحمه الله وبركاته
اولا بحب اشكر كل الاعضاء اللى ردوا على التوبيك الاول ليا فى كتابه الشعر
لانهم بجد فرحونى واسعدونى جدا بردودهم الجميله جدا
وقالولى اكتب تانى شعر وبصراحه لقيت ناس كتير بترد ومعجبه بالشعر اللى كتبته
او بمعنى ادق الكلمات اللى كتبتها وبصراحه كنت بحسب الردود دى مجامله وخلاص يعنى
بس ناس اكدوا ليا انى بعرف اكتب شعر
عموما انا كتبت كلمات جديده يارب تعجبكم باذن الله
------------------------------
-بحبك..كلمه قولتهالك زمان صعب دلوقتى تنسيها


-مهما طال الزمان والله محتلاقيها


-علشان مش حتلاقى حنيه زى اللى انتى شوفتيها


-حنيه قلب كنتى بتقولى عليه الدنيا وما فيها


-كان حبك بيجرى فى دمى وشريانى


-كان حب كله اخلاص وصدق يشهد عليا زمانى


-حب مفهوش خداع ولا كلام فى اغانى


-وفى عز حبى ليكى شوفتيلك حبيب تانى


-رميتى دبلتى وقولتى حبيبى ارجوك انسانى


انسى.....انسى حب كان هو كل حياتى


-انسى حب عشت فيه اجمل ذكرياتى


-بس حنساكى...والله لانساكى يا ارق كدابه شوفتها


-حنسى احلى حب عشته ليكى وحعتبره انتها


ياخساره...يا ميه خساره على ا لحلم الجميل الى عشت عمرى اتمناه-


-حلم ليله العمر وفستان ابيض يا محلاه


-بس مسيرك ترجعى ليا وبدموع عنيكى تترجينى


-انى ارجع لايام حبى ليكى ايام شوقى وحنينى


-وبعد طول انتظار لقيت قلب تانى


-قلب بجد حبنى مش زى قلبك انانى


-وفى يوم لقيتك قدامى.. بتبكى بحرقه ...وقولتى لى وحشتنى


-ياااااااااااااااااااااااااااااه.....قديمه.....دموعك مش حتهزنى


-مش حقدر اخون قلب رجع لى طعم لحياتى


-مش حقدر اخون قلب نسانى حزنى واهاتى


كفايه بقى كدب...وياريت دلوقتى تمشى وتخدى الباب وراكى




يارب يكون الكلام عجبكم


فى انتظار ردودكم يا احلى الاعضاء
تحياتى لكم
wael

استمر يا وائل والله

كلامك دا ينفع يتعمل اغانى فعلا

روعه روعه روعه

استمر بليز

-كان حبك بيجرى فى دمى وشريانى


-كان حب كله اخلاص وصدق يشهد عليا زمانى


-حب مفهوش خداع ولا كلام فى اغانى



يخربيت كلامك يا وائل