منتدى كلية العلوم بدمنهور


 
الرئيسيةبوابه جديدةالتسجيلدخول

 

 يعنى اية اغنية ؟ .... واية مكوناتها ؟ شرح الاجزاء بأمثلة ارجو التثبيت

اذهب الى الأسفل 
كاتب الموضوعرسالة
????
زائر



يعنى اية اغنية ؟ .... واية مكوناتها ؟ شرح الاجزاء بأمثلة ارجو التثبيت Empty
مُساهمةموضوع: يعنى اية اغنية ؟ .... واية مكوناتها ؟ شرح الاجزاء بأمثلة ارجو التثبيت   يعنى اية اغنية ؟ .... واية مكوناتها ؟ شرح الاجزاء بأمثلة ارجو التثبيت Emptyالجمعة مارس 19, 2010 11:33 am

بسم الله الرحمن الرحيم
________________

فى ناس كتير فاهمة ان كتابة الاغنية
حاجة سهلة .... او ان الواحد لما يحط كلمات مع بعضها لايقة على بعض يبقى
خلاص بقت اغنية ....
انا كنت من الناس دى .... وغيرى ... وغيرى .... وكلنا.

(تأليف الأغانى دى موهبة فطرية )
لازم صاحبها يكون عنده احساس ... يكون لبق
.. فى نفس الوقت يكون متكلم مع الناس . وحاجات تانية صعب ذكرها
( لانهامبتتذكرش وملهاش اسم )



نبدأ بقى
________________________________

فى ناس مننا متعرفش الاغنية بتتكون من اية ؟؟؟

وفى ناس عارفة انها من مذهب وسينيو وكوبليهات .... لكن معناهم اية متعرفش ؟؟؟

اخوكم ان شاء الله ( اللى هو انا ) هيحاول يفسر معانى الحاجات دى


_________________________________

المذهب

هو اول حاجة فى الاغنية بتتغنى ....
والمذهب الصح فعلا هو اللى بيشد المستمع انه يسمع باقى الاغنية ... لكن لو
المذهب مفيهوش كلمات جديدة .. والفاظ جديدة المستمع هيزهأ على طول وهيمل
ومش هيكمل الاغنية ...

___________________________

السينيو

ودة عادة بيكون الجزأ اللى بعد المذهب
واللى المفروض فى اغلب الاغانى انه بيتعاد بعد كل كوبليه وبيكون اقل من
المذهب فى الشطرات ... لان بديهى جدا انه علشان بيتعاد بعد كل كوبليه يبقى
لازم يكون حاجة صغيرة علشان مياخدش مساحة كبيرة على حساب الكوبليه ....
ولازم لازم حتما ولا بد ..... ان السينيو علشان يكون حلو لازم قافيته
تنتهى بنفس قافية المذهب .

مثال

اغنية عرفت اللى فيها

عرفت اللى فيها ... عنيه بان عليها
يا قلبى انه محبنيش
حاجات عشنا فيها ... وعشمنى بيها
واخرتها ليه طلعت مفيش
( اللى فات دة المذهب )
ليه كل اللى ياما وعدنى بيه ... واللى اتفقنا زمان عليه
ينساه وليه مينسنيش
اية دلوقتى شكلى هيبقى اية .. وياريتنى اعرف بس ليه
كان ليا فيه وبقيت مليش

( دة بقى السينيو ) واللى بيتعاد بعد الكوبليه اللى هو ( سنين عشتهاله وعيشتهاله .... )

وطبعا احنا ملاحظين ان السينيو انتهى بكلمة ( مينسنيش ... وبقيت مليش )
وماشية مع قافية المذهب اللى هى ( محبنيش .... طلعت مفيش )

مثال آخر

أغنية ( قالتلى قول ) بتاعت الهضبة

المذهب طعا اللى هو ( قالتلى قول حبيتها ولا محبتهاش .... )
( والسينيو بعده على طول وهو )

دى حكاية وخلصت مش عارف هتفيدنا بإيه
دى حكاية وعدت ونسيتها فكراها لية
حلفت لاقول وياريتنى قلت محبتهاش

والسينيو دة طبعا بيتعاد بعد كل كوبليه فى الاغنية واسمعوها تانى

وطبعا انتهى بنفس قافية المذهب زى ما احنا شايفين

______________________________________

الكوبليه شرحة فى الرد اللى جاى
الرجوع الى أعلى الصفحة اذهب الى الأسفل
????
زائر



يعنى اية اغنية ؟ .... واية مكوناتها ؟ شرح الاجزاء بأمثلة ارجو التثبيت Empty
مُساهمةموضوع: رد: يعنى اية اغنية ؟ .... واية مكوناتها ؟ شرح الاجزاء بأمثلة ارجو التثبيت   يعنى اية اغنية ؟ .... واية مكوناتها ؟ شرح الاجزاء بأمثلة ارجو التثبيت Emptyالجمعة مارس 19, 2010 12:25 pm

يعنى اية اغنية ؟ .... واية مكوناتها ؟ شرح الاجزاء بأمثلة ارجو التثبيت Icon_question
الرجوع الى أعلى الصفحة اذهب الى الأسفل
 
يعنى اية اغنية ؟ .... واية مكوناتها ؟ شرح الاجزاء بأمثلة ارجو التثبيت
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى كلية العلوم بدمنهور :: قسم الشعراء واصحاب المواهب Department of poets and talented people :: شعر و شعراء - همس القوافي Poems and poets - General Chat-
انتقل الى: