منتدى كلية العلوم بدمنهور
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منتدى كلية العلوم بدمنهور


 
الرئيسيةبوابه جديدةأحدث الصورالتسجيلدخول

 

 إن بعد الظن قسم..!

اذهب الى الأسفل 
كاتب الموضوعرسالة
????
زائر




إن بعد الظن قسم..! Empty
مُساهمةموضوع: إن بعد الظن قسم..!   إن بعد الظن قسم..! Emptyالأحد مارس 28, 2010 8:47 pm


إن بعد الظن قسم..!



- إن بعد الظن قسم..
إن قبل القسم قبض
إن بعد القسم ضرب
- مش مهم
طب ما بره القسم ضرب..!
- لأ مهم
أصل بره القسم حرب..
بس جوه القسم عسكر..
- طب ما بره القسم عسكر..
- لأ يا عم
بره ممكن تلقى واحد
عسكري بتشيرت ضيق
وللا لابس جلابية
وللا ماسك سيف وسنجة
وللا شايل حمل منجة
مش ح تطلع هيه هيه
ع الأقل
جوه تعرف إن كله بدلة ميري وكلهم عايزين قفاك..
بس بره
تمشي تتلفت وراك..
- مش مهم..
أصل جوه وللا بره ح تفرق إيه..؟
كله هم..
بره عالم قلقانين على حالة البلد
ولا حد جوه
بعد فترة
تلقى جوه القلقانين على حالة البلد
ولا حد بره...!!
-شوف يا عم
طول ما فيها قلقانين
راح يخلوا الناس تظن
راح يخلوا الناس تئن
وييجي يوم
واللي بره راح يقوم
يحتل جوه..!!
وطول ما فيه ازمة قلق
حالنا يفضل هوّ هوّ..
- بص يا بني
كله م الظن اللي ماشي ف البلد
ولا يعني عشان هتفت بقيت ولد..؟
ما انت كل العيب عليك..
..إنت ليه أصلا تظن..؟؟
ما انت عارف
إن بعد الظن قسم...!!


_________________

حبس الشعرا....
إهداء إلى أمين الديب



- قال إيه...
بيلموا الناس اللي بيكتبوا شعر...
..لا يا شيخ..
- آه والله..
ده الأبنودي ونجم اتاخدُم قدام عيني...
- واللهِ..؟!
-واحمد عبد المعطي حجازي مرمي ف قلب البوكس..
- يا عيني...
- وجويدة وشوشة رابطينهم هما الاتنين في كلبش..
-معلش..
-معلش...؟
هو انا باكدب وللا باهوش..؟
...أنا ما بهزرش..!
- عارف عارف..
ما هو أصل الأرنب إدى الفيل بالكف
نزّله ع الأرض يرِفّ..
والبلدوزر
شال طوبة من طوب الهرم الحر..
قام وقع الطوب بيكُرّ..!
والنيل وقعوا فيه امبارح شربة ملح..
بقى بحر الصبح..!!
- طب روح اتدفى ونام..
الظاهر يا بني جالك الدور
أو جت لك أنفلونزا طيور...!
- لأ واد فقري
عمرك طلع اطول من عمري..
ما هو لو طلع الحق كلامك
يبقى كلامي مضبوط دوغري..!
- أنا مش فاهمك..
بص يا عم..
أنا مش ح انكر كل كلامك
ولا رح أقول: ده كلام مش مقنع..
بس ان كان..
يبقى بلدنا بتغلي نيران..
يبقى غيطان القمح تولع
يبقى الفلاح يرفع سيفه..
ويرفض يزرع..
يبقى رضيعنا يبطل حب
ويبدأ يكره..
يبقى الشاعر يرمي اقلامه
ويمسك مدفع...
يرمي اقلامه..
ويمسك مدفع..
الرجوع الى أعلى الصفحة اذهب الى الأسفل
good girl
كيميائى ذهبى
كيميائى ذهبى
good girl


اوسمه : إن بعد الظن قسم..! Wesam13

انثى
عدد الرسائل : 3278
العمر : 31
الموقع : فى احلى منتدى
المزاج : اللهم لك الحمد كما ينبغى لجلال وجهك وعظيم سلطانك
جنسيتك : مصر
السٌّمعَة : 16
تاريخ التسجيل : 14/02/2010

إن بعد الظن قسم..! Empty
مُساهمةموضوع: رد: إن بعد الظن قسم..!   إن بعد الظن قسم..! Emptyالثلاثاء مارس 30, 2010 2:55 am

إن بعد الظن قسم..! 944788 إن بعد الظن قسم..! 944788

بجد رااااااااااائع يا روميو
والكلمات معناها جميل اوى
والتشبية فيها جميل جدا

تسلم ايدك بجد
الرجوع الى أعلى الصفحة اذهب الى الأسفل
????
زائر




إن بعد الظن قسم..! Empty
مُساهمةموضوع: رد: إن بعد الظن قسم..!   إن بعد الظن قسم..! Emptyالثلاثاء مارس 30, 2010 12:12 pm

إن بعد الظن قسم..! 996699 إن بعد الظن قسم..! 230730
الرجوع الى أعلى الصفحة اذهب الى الأسفل
 
إن بعد الظن قسم..!
الرجوع الى أعلى الصفحة 
صفحة 1 من اصل 1
 مواضيع مماثلة
-
» ما هو شعورك عندما يساء الظن فيك؟؟؟؟؟

صلاحيات هذا المنتدى:لاتستطيع الرد على المواضيع في هذا المنتدى
منتدى كلية العلوم بدمنهور :: قسم الشعراء واصحاب المواهب Department of poets and talented people :: شعر و شعراء - همس القوافي Poems and poets - General Chat-
انتقل الى: