البنات المخطوبه

لو ربنا فك عقدتك واتخطبتى...
واتخطبتي.. فإليك نصائحي حتى تأخذي بخطيبك من مركب الخطوبة إلِّي محدش عارف هاترسى على إيه..
إلى مثوااااه الأخير بقفص
النسانيس.. قصدي قفص الزوجية السعيد..


أجمل ما في الخطوبة العزومات الرومانسية.. على أحلى محلات أكل ف البلد.. واللي عمرك
مانتي شايفاها بعد الجواز..
المهم نصائحي لك عند
أي عزومة مع خطيبك....

الأول لازم تعرفي إن الشوكة والسكينة بيتمسكوا من إيديهم من الطرف يعني مش من
الوسط ولازم البوز زي الخنجر
ولا من فوق طبعًااا

2.العيش أوعي تفضحينا وتقطعيه بسنانك.. ولا الرغيف نصين بأيدك
وكل لقمة نص رغيف.. أوعي.. العيش بيتقطع بالسكينة ف الطبق.. وبعدين تاخدي لقمة..
لقمة.. بالعافية.. قال يعني نفسك
مسدودة.. اضغطي على أعصابك جدااا وبعدين لما تروَّحي.. إبقي كلى زي ما انتِ عايزه....


3الشوووربة..
أبوس كعب رجلك.. بند الشوربة
ده مهم جدًاااا.. الشوربة تتشرب من غير صوت خالص.. ومن غير ماتقعدي تنفخي فيها.. زي القهوجي اللي بينفخ ف الحجر للزبون..
وطبعًاااااا عايزك تنسى تمامًا.. السلطانية
اللي بترميها على بقك ف البيت.. وتدلدقي على روحك..
بالمعلقه
وبدون صوت.. سخنة مولعة
برضه بدون صوت.. وتسيبي تلت الطبق ع الأقل.. مش تميليه.. علشان تلهطيها لآخر نقطة.....


4.الرز طبعاً
.. بيتاكل بالشوكة..
أوعي إيدك تتمد ع المعلقة.. وتغرفي من طبق الرز وتعبي.. إوعي.. الرز
بالشوكة.. وكأنك بتبوسيه مش بتاكليه..

5المكرونة..
الاسباكتي.. برضه
بالشوكة.. تتلف على طرف الشوكة.. لحد ما تخلص وبعدين تحطيها ف بوؤك من سكات.. مش تشفطي المكرونة عود عود..

[b]6السمك..
مشكلة.. شوفي.. بتفصلي اللحم عن الشوك.. إزاي..؟؟ تقطعي اللحم من
النص.. بالطول وبعدين تفردي
اللحم ع الجانبين ولما تخلصي ناحية.. متقلبيش السمكة.. بلاش فلح.. شيلي السلسلة بالشوكة والسكينة وحطيها ف جنب الطبق وكملي أكل
النص التاني.. وبدل الفيلم الهندي
ده.. نصيحة.. ماتكليش السمك خالص.. قولي مابحبش السمك وخلصي نفسك..


7.الجمبري..
-إذا كنتي عارفاه-.. أول ماطبق الجمبري ينزل.. بصيله بقرف واحتقار شديدين.. آل يعني زهقانة من
كتر أكل الجمبري الجامبو فبيت
ببااااا.. وأتنهدي جامد وقولي.. برضه..؟؟؟ وتروحي قاطعة راس الجمبريياية.. بالشوكة..
أنا ف عرضك إنسي المصمصة دلوقت..

]8]البطاطس
سواءمسلوقة أو محمرة..
أوعي تهرسيها وتدبيها ع الرز وتدي ...لا..لآ...لآ...بالشوكة حتةحتة وإنت زي ما تكوني هاتعيطي من كتر ما البطاطس صعبانة
عليكي..


9.الفاكهة.. لو
الفاكهة فيها بذر.. طلعيه من بوؤك بالراحة وحطيها ف إيدك وهي مقفولة.. وبعدين ف طفاية السجاير اللي ع
الترابيزه.. أوعي ياحبيبتي بنظام
التفتفة للبذر.. إنسي....


10ولما
تخلصي أكل تحطي إيدك على بطنك.. -اللي عصافيرها بتصوصو من العينات اللي كلتيها-.. وتقولي له مش ممكن.. أنا عمري ما
اتفجعت كدة.. أنا أودامي أسبوع..
هابطل أكل فيه.....




وبعدين تمسكي الفوطة اللي دايمًا
موجودة ع التربيزة من غير لازمة.. وتبوسيها..
آل يعني بتمسحي بوؤك..


وبعدين تستأذني منه لدخول التوليت
لإصلاح ماكياجك.. وتخشي
التواليت وتطلعي من شنطة إيديك.. لفة الفول والطعمية اللي جايباها معاكي.. وبالهنا والشفااااااااااااا

والنبى دمى عسل

هههههههههههههههههههههههههههههه

ههههههههههههههههههههههههههههه
ده علي اساس انك بتكلم كائنات فضائية
علي فكرة احنا سمعنا عن الاتيكيت برضو
ابقوا ورونا انتم بس هتاكلو ازاي
ده هزار طبعا
موضوع دمه خفيف والله
بس ابقي نزل لنا موضوع لطريقة اكل الشباب

وتطلعي من شنطة إيديك.. لفة الفول والطعمية اللي جايباها معاكي.. وبالهنا والشفااااااااااااا
جامدة الحتة دي