منتدى كلية العلوم بدمنهور


 
الرئيسيةبوابه جديدةالتسجيلدخول

 

 دورة طرق المذاكرة و القراءة و التلخيص الفعالة

اذهب الى الأسفل 
كاتب الموضوعرسالة
.
كيميائى ذهبى
كيميائى ذهبى
.

mms mms : mms
اوسمه : دورة طرق المذاكرة و القراءة و التلخيص الفعالة 08122914

انثى
عدد الرسائل : 3654
العمر : 29
جنسيتك : مصر
السٌّمعَة : 17
تاريخ التسجيل : 26/03/2009

دورة طرق المذاكرة و القراءة و التلخيص الفعالة Empty
مُساهمةموضوع: دورة طرق المذاكرة و القراءة و التلخيص الفعالة   دورة طرق المذاكرة و القراءة و التلخيص الفعالة Emptyالسبت مايو 22, 2010 5:39 pm

بسم الله الرحمن الرحيم

الدورة دي انا هانقلهالكم من منتدي استاذ معز مسعود
لانها مفيدة جدا

الإمتحانات قربت ؟؟!!

عايز تقرا حاجات كتير و حاسس إنك هتنساها تاني بسرعة ؟؟!!

مش عارف تركز في المذاكرة ؟؟!!

مش عارف تنظم وقتك ؟؟!!

إحضر معانا دورة في

طرق المذاكرة و القراءة و التلخيص الفعالة

إستعداداً للإمتحانات .


سموا الله و جددوا نيتكم إنك تحاولوا تستفيدوا بالكلام ده عشان تبقوا مسلمين أفاضل تنفعوا الأمة الإسلامية



أول حاجة هنتكلم عنها هي مهارة تنظيم الوقت أو إدارة الوقت Time management
في
الحقيقة لو بصينا للعنوان [تنظيم الوقت] هنلاقيه مش دقيق أوي ... هنظم
الوقت إزاي يعني ؟ ماهو منظم أصلا ... مش اليوم 24 ساعة و الساعة 60 دقيقة
و الدقيقة 60 ثانية ؟


طيب إيه رأيكم في [إدارة الوقت] ؟ هو
الوقت قابل للإدارة ؟ إدارة يعني تحكم ... و الحقيقة إننا مش بنتحكم في
الوقت ... بالعكس .. ده هو اللي بيتحكم فينا .


أحسن مسمى لقيته .. هو مهارة إستغلال الوقت...


طيب هو الوقت مهم أوي ليه يعني ؟


أولا عمرك و حياتك كلها تعتبر وقت .. وقت لازم نتعلم إزاي نستغله صح
تاني حاجة : الوقت مورد شديد الندرة مينفعش تخليه يزيد خالص ... مهما حاولت هتفضل
الساعة 60 دقيقة .

تالت حاجة مش هتقدر تخزنه .. الوقت اللي بيمر مش هيرجع تاني خالص
رابع حاجة و أهم حاجة : إن ربنا هيسألنا عليه ...

كلام جميل ...

طيب إيه هو المطلوب يعني ؟

إزاي نعرف اللي بيستغل وقته كويس ؟
الشخص الفعّال ... هو اللي بيحصل على النتائج المطلوبة في الوقت المتاح ...

طيب إزاي بيعمل كده بقى ؟

فيه حاجة إسمها أساليب إدارة الوقت Time Management techniques
و دول كتير جداً جداً .. هنستعرض بعضهم مع بعض ... و نشوف نستخدمهم إزاي ؟

الأول عايزين نقول حاجة ... الكلام اللي هيتكتب ده مش كلام نظري و لا كلام فاضي ... ده
كلام متجرب ..

اللي عايز يتغير للأفضل ميستخسرش في نفسه إنه يجرب الكلام ده ...


أول أداة هنتسخدمها هي سجلات النشاط Activity Logs

هات ورقة و قلم و إبدأ إكتب الحاجات اللي بتعملها في يومك .. و إستمر في كده لمدة يومين ...
مثلاً :

يوم الإحد 23 مايو

الساعة 10 صباحا إفطار لمدة نصف ساعة
.
الساعة 10:30 الإنترنت و المنتدى و الفيس بوك لمدة 3 ساعات
.
الساعة 2 : تحضير المواد اللي هذاكرها لمدة ساعة
.
الساعة 3 : مذاكرة أول مادة لمدة ساعتين
.
الساعة 5 : هتابع الردود على المنتدى و الفيس لمدة ساعة .

الساعة 6 : الغدا لمدة نص ساعة ..

و إستمر على كده لحد ما تنام .... اللي هتعمله إكتبه و إكتب وقت بدايته و إستمر قد إيه .
و هكذا يوم أو يومين كمان ...

عايزك كل يوم تبص على السجل بتاعك ... المنتدى 3 ساعات ... طيب بكره نحاول نخليهم ساعتين و نص
.
التحضير للمذاكرة ساعة ... مينفعش يبقى نص ساعة ؟

كل يوم حلل السجل بتاعك ..

و حاول تعمل الخطوات دي :

1- إحذف بعض الأنشطة غير المهمة أو العير مفيدة أو متعبة بدون منفعة
.
2- خلي الأنشطة المهمة في الأوقات اللي نشاطك بيكون عالي فيها
.
3- حاول تقلل مرات تكرار نشاط معين يعني مثلاً حدد إن هتستخدم الإنترنت مرتين بس .. مرة بعد الظهر و مرة قبل النوم و بس
.
4- لو فيه حاجات إنت بتعملها مش مطلوبة منك أو هي تعتبر واجب حد تاني سيبه هو يعملها و إشغل الوقت ده في حاجة تنفعك إنت أحسن
.

بالطريقة دي هتلاقي إستغلالك لوقتك بيتحسن يوم بعد يوم .. و وقت المذاكرة هيزيد بطريقة مشجعة ..




يتبع ان ش الله

يارب نكون بنستفيد من المواضيع دى ...

RoSe-DreaM


_________________


اذكر الله
الرجوع الى أعلى الصفحة اذهب الى الأسفل
http://www.google.com
.
كيميائى ذهبى
كيميائى ذهبى
.

mms mms : mms
اوسمه : دورة طرق المذاكرة و القراءة و التلخيص الفعالة 08122914

انثى
عدد الرسائل : 3654
العمر : 29
جنسيتك : مصر
السٌّمعَة : 17
تاريخ التسجيل : 26/03/2009

دورة طرق المذاكرة و القراءة و التلخيص الفعالة Empty
مُساهمةموضوع: رد: دورة طرق المذاكرة و القراءة و التلخيص الفعالة   دورة طرق المذاكرة و القراءة و التلخيص الفعالة Emptyالأحد مايو 23, 2010 2:57 pm

وقبل كل شيء نتوجه بجزيل الشكر لصاحب الدورة
(James Bond)

من منتدي استاذ معز مسعود

على موافقته على نقل الدورة
جزاه الله كل خير وجعلها الله فى فى ميزان حسناته

ساعات كتير بتحس إن وراك حاجات كتير أوي مهمة لازم تتعمل ؟

بتنسى تعمل حاجات مهمة ؟

بتحس إنك مضغوط و إن مفيش وقت ؟

الحل إسمه : To-Do list


بإستخدام الـ To-Do list هتتأكد إن كل الحاجات اللي المفروض تعملها هتتعمل في أوقاتها المناسبة ..

طيب إزاي نستخدمها ؟

أولاً: هات ورقة و قلم و إكتب كل اللي وراك في الأسبوع أو الإسبوعين اللي جايين .. كل مهمة في سطر .

ثانياً
: هتلاقي فيه مهام ضخمة جداً زي مثلاً : الإنتهاء من مذاكرة مادة كذا
بالكامل . قسمها لمهام صغيرة (الإنتهاء من الباب الأول و التاني /
الإنتهاء من الباب الثالث و الرابع/ المراجعة)
لو لسه شايف المهام كبيرة ... قسمها تاني و تالت لحد ما تحس إن المهام الموجودة قدامك أقصى وقت ممكن تستغرقه ساعتين .

ثالثأ بعد كده إكتب أمام كل مهمة درجة أهميتها ..
أ مهم جدا
ب مهم
جـ مش مهم أوي بس يستحسن عمله
د مش مهم خالص

بعد ما تكتب درجات الأهمية بص لها تاني ... يمكن تلاقي حاجة محتاجة تتعدل .

خلصت ؟ طيب تمام جداً ..

نعمل إيه بعد كده ؟؟؟


دلوقتي بقى إمسك القائمة دي و رتبها من حيث درجة الأهمية يعني كل الـ أ الأول بعدها كل الـ ب .. و هكذا .
كده يبقى إنت قدامك مخطط لكل المطلوب منك ... إبدأ نفذه بقى

كلنا محتاجين نقرأ بسرعة خصوصاً الأيام دي ... و في نفس الوقت محتاجين نقرا و نفهم اللي بنقرأه ..

هنتكلم عن القراءة السريعة و بكره إن شاء الله نتكلم عن القراءة الفعّالة و إزاي نثبت اللي قرأناه في دماغنا ..

أول حاجة عشان تقرا بسرعة .. تكون عارف إنت بتقرا الصفحة دي ليه مثلاً .

مثلاً .. عشان أعرف إسم العالم فلان و الإختراع كذا و مواصفات الإختراع .
أو عشان أعرف رقم القانون كذا و بنوده .


لما تحدد المطلوب قبل القراءة ده هيسهل عملية القراءة و يخليها أسرع .

حاجة
تانية ... حرك عينك بسرعة على السطر .. و إقرا اللي تقدر عليه .. لو فيه
كلمات فاتتك مترجعلهاش ... أكيد هتفهمها من السياق بعد شوية ..

أول مرة قرأت قطعة و فهمت منها 50 %

جرب تاني في قطعة تانية هتلاقي معدل الفهم زاد ..

شوية شوية هتلاقي سرعة قراءتك بتزيد ...


في أسلوب إسمه SQ3R لو طبقناه هنلاقي سرعة قرائتنا و فهمنا زادت أوي ...

هانشرح الاسلوب دة حاااااااااااااالا

*مهارات القراءة السريعة

1. الآليات، وتشمل حركات اليد المتنوعة.

2. الرؤية والفهم، وتشمل مفردات الألفاظ والمجال البصري وغيرها.

3. الحِفظ، ويشمل التدرّب والمِران على القراءة السريعة تدريجياً وغيرها.

4. الحالة العاطفية، وتشمل المواقف الإيجابية وتنمية مؤشر القراءة وغيرها.



كل الخطوات مجتمعة

*قراءة علمية –استخدم طريقة القراءة متعدّدة الأوجه:

صحصحوا بقى عشان الكلام هنا مهم

تستخدم هذه الطريقة لقراءة المادة العلمية لأنها منظمة بشكل منطقي وتعرف هذه الطريقة بـ (sq3r) اختصار:

S=survey –امسح،

q=question أسأل

R=read –اقرأ.

R=recite –احفظ.

R= write –اكتب.

R= review –استعرض.


(1) استعرض: تصفح كل شيء من الصفحة الأولى إلى الفهارس، واسأل نفسك، لماذا أقرأ هذا الكتاب؟
وماذا سيضيف لي؟

(2) نظرة عامة على الكتاب: انظر بشكل سريع لمحتويات الكتاب لبرمجة عقلك للتعامل مع هذا الكتاب.

(3) اقرأ من أجل الفهم والاستيعاب.

(4) بعد المعاينة أعد استعراض ما قرأت وحاول زيادة الاستيعاب.

اعمل على تصميم خريطة ذهنية (إعادة فورية) لتذكر النقاط الرئيسة لما قرأت.

هذه الخطوات ستجعلك دوماً في حالة استعداد جيد للقيام بمهامك بكل ثقة.



*قراءة نص غير قصصي، اتبع ما يلي:

(1) استعرض الوثيقة بسرعة، ولاحظ الموضوع الذي توجه المعلومة بشأنه.

(2) تمرّن على زيادة قدرتك على استيعاب ما تقرأ.

(3) ضع علامات على المواد التي تحتاج إلى إعادة قراءة.

(4) ضع ما قرأت على هيئة خرائط ذهنية.

(5) استعرض ما قرأت، وتأكد من احتياجك لاتخاذ قرار ما.



*قراءة نص قصصي، اتّبع ما يلي:

(1) استعرض القصة بشكل سريع.

(2) تكيّف مزاجياً مع القصة.

(3) صمّم هياكل للإعادة الفورية.

(4) استشعر القصة وكأنك تشاهد فلماً.

(5) قسّم ما تقرأ إلى أجزاء أو فصول، وخصّص لكل جزء زمناً محدداً.


على مسؤوليتك: الحفاظ على مهاراتك في القراءة السريعة



*طوّر مهاراتك في القراءة:

(1) اقرأ كثيراً، وخصص وقتاً لممارسة مهارات القراءة.

(2) اقرأ من أجل الوصول إلى الأفكار الأساسية لما تقرأ.

(3) طوّر قدرتك على الفهم بقراءة المقالات الصعبة.

(4) خطط وقتاً محدّداً للقراءة، وصمّم على أن تنتهي في الوقت المحدّد.

(5) ركز انتباهك وابتعد عن مصادر التشتيت.

(6) تمرس على تكوين الخرائط الذهنية لما تقرأ، سيزيد هذا من فهمك ومن ثم حفظك.

(7) نوّع حركات اليد أثناء القراءة لتجريب طرق ووسائل أخرى.

(8) كن مرناً ومتحكماً في أن تكون سريعاً أو بطيئاً في القراءة لأجل فهم أفضل.

تذكّر: (أن الشخص الذي لا يقرأ ليس أفضل حالاً من الشخص الذي لا يعرف كيف يقرأ) ويل روجرز.



علّم أصدقاءك القراءة بسرعة باستخدام القواعد التالية:

1. استخدم يدك كمنظم عند تعليم القراءة باستخدام أصبع السبابة ونوّع في حركات اليد المتنوعة.

2. انظر إلى الصورة كاملة بدلاً من أن تستبعد المفردات





يتبع......،

_________________


اذكر الله
الرجوع الى أعلى الصفحة اذهب الى الأسفل
http://www.google.com
smart way
المدير
المدير
smart way

mms mms : mms
اوسمه : سفير المنتدى

ذكر
عدد الرسائل : 4366
العمر : 29
الموقع : http://demo.ahlamontada.net/forum.htm
العمل/الترفيه : معيد بكليه العلوم جامعه الاسكندريه
المزاج : nice
جنسيتك : آخر....
السٌّمعَة : 25
تاريخ التسجيل : 22/03/2009

دورة طرق المذاكرة و القراءة و التلخيص الفعالة Empty
مُساهمةموضوع: رد: دورة طرق المذاكرة و القراءة و التلخيص الفعالة   دورة طرق المذاكرة و القراءة و التلخيص الفعالة Emptyالأحد مايو 23, 2010 3:22 pm

والله في حاجات بعملها وحااجت متنفعش علي مواد كليتنا يا روز
لان موادنا علميه مش نظريه

المهم ربنا يوفق الجميع ويحققه كل اهدافه
وياريت تدعولي اليومين دول لاني محتاج دعائكم اوي

وثانكس علي التوبيك روز

_________________

I am Afraid of Being Happy
Cuz Every Time I am Happy
Something bad always Happens
الرجوع الى أعلى الصفحة اذهب الى الأسفل
http://smart.way14@yahoo.com
 
دورة طرق المذاكرة و القراءة و التلخيص الفعالة
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى كلية العلوم بدمنهور :: القسم الثقافى Cultural Section :: منتدى التنميه البشريه Human Development Forum-
انتقل الى: