كان عندى ليكى سؤال يامصر..؟؟

إهداء إلى روح الشهيد خالد سعيد
**************************

كان عندى ليكى سؤال يامصر.
غناء سلمى صباحى

كان عندى ليكى سؤال يا مصر
بقوا سؤالين

س1. إيه غير الأحوال ..؟؟

س2. والدور ياترى على مين..؟؟


عايشين محاصرنا الخوف وعاصرنا

ومسيرنا ده مصيرنا
لو عشنا كده ساكتين


فى كل يوم حيروح واحد ونبكى عليه

زى اللى راح مجروح علشان بيسأل ليه..؟؟



الإسم كان خالد
والسن فى العشرين


وفى حاله كان قاعد
طلعوا عليه كلبيـــــــن


فجأه
بظلم وغدر
نهشوه وداسوا قلبنا


ورونا معنى القهر وكرهنا اوى غلبنا


جوانا غضب انفجر
ودمه اللى انهدر


تاره بإدينا كلنا
وحقه ده حقنا


ولحد ماييجى يوم
ونعدل اللى مال


راح نسأل كل يوم
ازاى بقى ده الحال..؟؟


والدور ياترى على مين..؟؟



فيديو يجب ان تشاهده
الفديو على الفيس عشان انا معرفتش اجيب اصله
ده الرابط
https://www.facebook.com/video/video.php?v=106635419388858&oid=97526900996