صفحات من الحياه : (ياريت كل الاعضاء تدخل ضروري)

الحقيقة مش لاقيه كلام اقدر ارد بيه على هذه المواقف الصعبة
بجد ربنا يوفقك للخير ويعوضك عن كل شىء يا اخى العزيز

اخيرا نورتينى ياسمسمة

لا ولا يهمك والله دى حياتى وده قدرى

ولعله خير

اخبارك ايه

نورتينى حقيقى

انا فعلا مش هلاقى كلام غير اللى سمسمه قالته
ربنا يقويك ويقدرك تحقق اللى تتمناه فى الخير وطاعه ربنا
ويعوضك عن كل حاجه شوفتها وسببت لك الم بحاجه تانيه تفرح طول حياتك
وتسعد بيها نفسك وكل من حولك

قول يا عندليب وقطعنى



والله العظيم انا كنت متاكد انك حتقول الموضوع الثالث دة


بس كويس انك ما قولتش حروف المرة دة



حبيبي يا راضوووووووووووو يا كبير

انا اول مرة ادخل الموضوع بس حقيقى فكرة رائعة ومجهود جميل

وكل واحد قال موقف حقيقى المفروض الواحد يتعلم منه بجد

اما بالنسبة لرضا فربنا يوفقك يارب واتمنى لك التوفيق ان شاء الله وحياة افضل فكن مع الله يكن الله معك

ميرسى لكل اللى نورونى فى الموضوع

شكرا لدووووووودووووووووو
الملاك
وسنيوريتا

بسم الله الرحمن الرحيم

انا صاحبت فى حياتى ناس كتير وليا صداقات فى اى مكان اتواجد فيه
الحمد لله ربنا خلقنى احب الناس واحب الصحوبية اوووووى \

انا ساكن فى دمنهور والله مكون صداقات من المحمودية وابو حمص وكفر الدوار وشبراخيت واسكندرية
والناس دى عرفتها عن طريق السفر والشغل والدراسة وغيره

انا اتعلمت من الصحاب ان فى صاحب يحبلك الخير طول الوقت زى نفسه وده بيبقى اسمه صديق اى اسمى مكان فى الحياة
واحب الصحاب اللى طول الوقت ينصحنى سواء ان على ثواب او خطا لان
صديقك من صدقك وليس من صدقك

اتعلمت برده من الصفحة دى ان الصديق الحق تجده الى جوارك فى الضراء قبل السراء ولا عمر الصداقة كان معياره الفسح واننا نخرج مع بعض
وصديقك الحق ان غبت عنه يلتمس لك ولو 70 عذر زى ماديننا الحنيف قال
وياتى لعتابك لا لاهانتك ولا لتجريحك

وحقيقى انا ليا اصدقاء مش اقدر اعيش من غيرهم ومعظمهم معانا فى المنتدى
اتمنى ماكنش طولت
وانى اكون افدت ولو بالقليل
الصديق الحق هو الاخ الذى لم تلده امك
الذى اذا تعبت منه فررت اليه تشكو همك وحزنك


لى عودة والسلام عليكم ورحمةالله وبركاته

لا كدة اوفر بقي


ارحمنا يا كبير



ههههههههههههههههههه



حبيبي يا راضوووووووووووو


المنتدى منتداك يا باشا اعمل الي انت عايزة

نورت يابيه

اقتباس :

اتعلمت برده من الصفحة دى ان الصديق الحق تجده الى جوارك فى الضراء قبل السراء ولا عمر الصداقة كان معياره الفسح واننا نخرج مع بعض
وصديقك الحق ان غبت عنه يلتمس لك ولو 70 عذر زى ماديننا الحنيف قال
وياتى لعتابك لا لاهانتك ولا لتجريحك

ياريت كل اللى بنعتبرهم اصدقائنا ياخدوا بالهم من الكلام ده
بجد كلامك رائع

اقتباس :

اخبارك ايه
نورتينى حقيقى

الحمد لله ادينى عايشه
والتوبيك منور بالمواقف والعبر الجميلة دى

شكراً

ايه الكلام الجامد ده
انا اول مره ادخل الموضوع
بس حلو اوى

والله كلامك قمه الروعه والجمال


الله ع الدنيا اللى تخلى الواحد فى وقت الضيق يتعلم الصح من الغلط

بجد حاجه فى صفحاتك اللى كتبتها انك فى كل مره تتعلم فيها تتجه اللى الله

ودى احلا حاجه بتعملها بجد سبحان الله هو فعلا بايده كل شئ


فى انتظار باقى كلامك الاكثر من رائع

ربنا يخليكى ياجود

كلامك ده كتيييييييييييييييييييييييييير اووووووووووى عليا

بقى انا صاحب حكم

متشكر

متشكر ياطباخ نورت الصفحة والله



اختى الفاضلة ميرة
الحمد لله على كل شئ احنا فعلا مالناش غير ربنا

سبحان الله جربى وخدى راى الناس فى مشكلة كده تكون تعبت دماغك
ومعلش بقى مرة واحدة سيبك من الناس د ى

وصلى ركعتين احكى مشكلتك وصلى وكلمى ربنا بكل اللى جواكى والله هتقومى من على السجادة اسعد واحد
وتانى يوم او من وقتها هتلاقى الحل
لان مش فى اى حاجة فى الدنيا تستاهل تعب دماغنا


نورتينى حقيقى

والله انا جربت لما حصلى مشكلتينى كانو اكبر مشكلتينى

والله من يوميها فهمت الحياه والله عندك حق يوم مكنت

اقعد مع حد مكنتش باخد فايده اللى تلاقيهم زهقو

ويقلو انتى بقيتى كده ليه مش بتضحكى

يعنى ليه فى الابتسامه ملهمش فى الحزن والله لما توجهت وبقيت اصلى وادعى والله عندك حق


اتحلت جميع مشكلى وبقيت الحمد لله ع كل حال



انت تستحق كل الشكر والتقدير اخى العزيز


شكرا لك

الله يخليك ياعمر

شاي رفعتلك اسهم الموضوع ازاى
ادعيلى بقى


ميرسى كتيييييييييييير اختى الفاضلة
ربنا يخليكى

احنا فعلا مش لينا غير ربنا
نورتينى

ماشى ياعم عمر
كفاية عليا كده بقى

ولو انى كان فاضل صفحة الدراسة
بس بلاش احسن


كنت سعيد اوى فى المو ضوع ده

ليه كل التقدير ده

يابنى دانا اكتر واحد طولت مش عايز الناس تمل منى بس والله مش اكتر


لو حابين انى اكمل اوك

انت شخصية محترمة والله ياعمر

هههههههههههههههههههههههههههههههه

حلوة عايييييييييييييييزين رضا

بسم الله الرحمن الرحيم

الصفحة الرابعة

انا والدراسة


والله انا من صغرى كنت مستمع قبل ما ادخل المدرسة لانى اتاخرت سنة
فلما دخلت المدرسة الحمد لله كنت متفوق والله
وكل شهر وكل سنة الاول والله على المدرسة
وبعدين جبت 250 ف اعدادية ودخلت العسكرية اللى كانت كل طموحى ادخلها
ومنها جبت 92و4 من عشرة دخلونى علوم رياضة وضاعت الهندسة اللى كانت اكبر حلم بيراودنى طول الوقت

المهم دخلت علوم دى والسلام وانا لاعارف انا حاببها ولا لا

اهم حدث ليا فيها عمرى مانسيته زيي رحيل والدى بالظبط هو انى سقطت فى سنة تانية وقبل فرح اللى كنت باحبها بحوالى شهر
حسيت لم عرفت نتيجتى نس احساسى لما والدى توفى قدام عينى
اقسم بالله الدموع اتجمدت فى عينى لحوالى ساعتين
واول ما انفردت بروحى بكيت بكا افقدنى الوعى
وحسيت امر احساس وهو الاحساس بالفشل
وكانى انا افشل واحد فى الدنيا
لكنى قومت وصليت ودعيت ربنا يصبرنى
وحبيت ابان قدام امى واختى انى اقوى بكتير

وبعدها بشهر تتزوج محبوبتى ومن امام عينى وهى جارة لى
اجد نفسى امام ابشع حدثين فى حياتى بعد وفة والدى
وعلى راى المثل
خبتين فى الراس توجع

والله اتانى المرض والحمى وضيت اسوا ايام فى المستشفيات وكنت باصعب على كل الدكاترة
وكنت اخطرف باسمها حتى وانا فى عملية الزايدة اللى عملتها من 6 شهور
بقت الناس فى كل مرة يقولوا
يابختك ياست هالة بالحب ده

لحين ما قررت اخد بالى من نفسى ودراستى واتعافى من المرض
ومن يومها ادينى عايش وباخبط مع الدنيا

واتعلمت من الصفحة دى
انى اركز فى دراستى اولى واحكم عقلى قبل عواطفى علشان مش اتسرع ولا اظلم روحى ولا الانسانة اللى هيختارها قلبى بعد عقلى
والله دلوقتى نفسى اتعدى السنتين دول باى شكل
لانه احساس مؤلم اوووووووووووى لما هاشوف دفعتى اللى كنت يوم منها هتتخرج باذن الله هذا العام قدام عينى وانا لسة هيبقى بقيلى سنة

الحمد لله على كل حال ودى كانت اخر صفحاتى معكم
فى هذا الموضوع
اللى فى نظرى افضل موضوع تعاملت معه باحاسيسى وعواطفى
اتمنى انى اكون سبت بصمة كوبسة جواكم
وهاستنى ردودكم على كلامى الاخير
واراكم

شكرا لعمر المهذب وصحب الفكرة الرائعة
والسلام عليكم ورحمة الله وبركاته

فعلا مش لاقيه رد ممكن اقوله زياده عن ردى الاول
بجد ربنا يوفقك ويعوضك خير ان شاء الله
وافتكر دايما ان ربنا مش ممكن هيقدرلك غير الخير
مهما كان رد فعلك على الحدث سواء بالفرح او الحزن

ــــــــــــــــــــــــــــــــــ

وتم تثبيت الموضوع نظرا لما فيه من مواقف وفوائد للجميع