منتدى كلية العلوم بدمنهور


 
الرئيسيةبوابه جديدةالتسجيلدخول

 

 قصيدة جحا للشاعر هشام الجخ

اذهب الى الأسفل 
كاتب الموضوعرسالة
فلورندا
كيميائى
كيميائى
فلورندا

mms mms : mms
انثى
عدد الرسائل : 424
العمر : 28
العمل/الترفيه : طالب _القراءه
المزاج : الحمد لله
جنسيتك : مصر
السٌّمعَة : 0
تاريخ التسجيل : 17/04/2010

قصيدة جحا للشاعر هشام الجخ Empty
مُساهمةموضوع: قصيدة جحا للشاعر هشام الجخ   قصيدة جحا للشاعر هشام الجخ Emptyالإثنين سبتمبر 13, 2010 2:26 pm

شعور سخيف
إنك تحس بإن وطنك شيء ضعيف
صوتك ضعيف
رأيك ضعيف
إنك تبيع قلبك وجسمك
وإنك تبيع قلمك وإسمك
ما يجيبوش حق الرغيف

سألوا جحا عن سر ضحكه
قالك أصل اتنين وشبكو
اللى كان من تحت ميت
واللى كان من فوق كفيف

دا شعور سخيف
وشعور سخيف
إنك تكون رمز الشحاتة
تبنى مبنى للشحاتة
تعمل وزراة للشحاتة
يا ساقية دورى ... عدى فوقى ودوسى
نصبوا عليا وشحتونى فلوسى
ربطونى فيكى .. حتى ما اتغميت
هما اللى فرحوا ووحدى أنا اتغميت

أنا اللى صاحب البيت
عايش بدون لازمة
ولما مرة شكيت
إدونى بالجزمة

أنا اللى زارعك دهب
بتأكلينى سباخ
إن كان دة تقل ودلع
بزيادة دلعك باخ
لا شفت فيكى هنا
ولا شفت فيكى ترف
كل اللى فيكى قرف

كرامتنا متهانة
واللقمة بإهانة
بتخلفينا ليه لما انتى كارهانا
يعنى ايه تبقى إنتى هبة النيل يا مزة
وكل يوم المية تقطع
يعنى ايه لما اشتكى غلو الفاتورة
يقولو تشكى بس تدفع

لما قش الرز ثروة بتتحرق
وأما نفط الأمة ثروة بتتسرق
وأما جلادك على ولادك بيبطش
وأما علمك ما يلاقيش يآكل فيطفش

يعنى ايه نرفع ايدينا بالسلام لجل الغزاة
ويعنى ايه لما ابقى ماشى فى حالى اتشد اشتباه
يعنى ايه لما اتحبس أربع سنين حبس احتياطى

يعنى ايه مش حاسة بالعمر وغلاوته
بتصبى مر العمر ليه
دة انا كنت ح اوهب لك حلاوته

أنا عمرى ما أتأمرت
ولا حطيت شروطى
ومكان ما ترسى مركبك
بابنى شطوطى
أنا كنت جيشك لما مماليلك باعوكى
وكنت يوسف لما عشتى سنين عجاف
وضلوعى دى اللى فى معركة قادش حموكى
وشفايفى دى اللى ما بطلتش فى يوم هتاف
دة انا كل شبر فى أرضك اتمرمغت فيه
وكل يوم عشتيه
أنا اتغذبت بيه


علا صوت أدانك جرس
فى الشدة صاحينلك
من امتى كانوا الحرس
هما اللى باقينلك

بعتينى علشانهم
وعنيكى معصوبة
ياهلترى خاينة
ولا زيى مغصوبة



علمونا بالعصاية
ورضعونا الخوف رضاعة
علمونا فى المدارس
يعنى ايه كلمة قيام
علمونا نخاف من الناظر
فيتمنع الكلام
علمونا ازاى نخاف
وازاى نكش
بس نسيوا يعلمونا الاحترام
فمتزعلوش
لما ابقى مش باسمع كلامكم
وماتزعلوش لما ابقى خارج عن النظام

مستنى ايه من طفل ربوه بالزعاق
غير المشاكل والخناق
كل اللى بيقولك بحبك دول نفاق
أنا لما قلت لك بحبك
كان نفاق

الحب يعنى اتين بيدوا
مش ايد بتبنى وستميت تيت تيت يهدو
الحب حالة
الحب مش شعر وقوالة
الحب يعنى براح فى قلب العاشقين للمعشوقين
يعنى الغلابة يناموا فى الليل دفيانين
الحب يعنى جواب لكل المسجونين
هما ليه بقوا مسجونين
يعنى أعيش علشان هدف
علشان رسالة
يعنى احس بقيمتى فيكى
إنى مش عايش عوالة

يعنى لما اعرق تكافئيى بعدالة
الحب حالة
الحب مش شعر وقوالة

الحب حاجة ما تتوجدش فى وسط ناس
بتجيب غداها من صناديق الزبالة

بارت مراعينا والبئر قد جفَ
والجوع يكوينا والصبر ما كّفى
والقلب لا يهدا والجرح لا يشفى
ولأننا طوع
زنا لهم خفا
جاءوا بموكبهم
واشتغلت الزفة

الدفة مظبوطة
وأصلا مافيش دفة
والكفة مش مايلة
علشان مافيش كفة

و جحا اللى جاى بالليل لساه بيتخفى
شايف ديدان الغيط سارحة ومارحماشى
من جبنه شاف الدود سابه وراح ماشى
ولا اتكسف للناس
ولا حس على طوله
الناس عشمها كبير جريوا بيشكوله
ضحك جحا ضحكة مواشى
مادام بعيد عن طينى ... ماشى

الدود قاعد لك يا جحا ولابد فى طينك
بعد ما يمص فى دمانا مش حيحلاله الا طينك

احنا اهلك
احنا رجالتك
أمانك
إحنا وقت الشدة سندك
إحنا زادك

يا جحا احمى ولادك
لو كنت عايز تحمى طينك
سوف أرحل
ربما يلقانى من ارجو لقاه
هامشى ويا الشحاتين

وابكى على حلمى اللى تاه
بس مش هاشحت رغيف
هاشحت وطن لله






عيزه رائيكم
لو عجبتكم ابحثوا فى حلقه هشام الجخ مع منى الشاذلى فى العاشره مساء
الرجوع الى أعلى الصفحة اذهب الى الأسفل
.
كيميائى ذهبى
كيميائى ذهبى
.

mms mms : mms
اوسمه : قصيدة جحا للشاعر هشام الجخ 08122914

انثى
عدد الرسائل : 3654
العمر : 29
جنسيتك : مصر
السٌّمعَة : 17
تاريخ التسجيل : 26/03/2009

قصيدة جحا للشاعر هشام الجخ Empty
مُساهمةموضوع: رد: قصيدة جحا للشاعر هشام الجخ   قصيدة جحا للشاعر هشام الجخ Emptyالأربعاء سبتمبر 15, 2010 9:19 am

انا سمعت الحلقه كانت جاامد جداااا


هيبقى ليه مستقبل جاااامد


http://www.voobys.com/video/video.php?q_search=%D9%82%D8%B5%D8%A7%D8%A6%D8%AF+%D9%87%D8%B4%D8%A7%D9%85+%D8%A7%D9%84%D8%AC%D8%AE&id=2qNvmLAQJfc&pos=12

_________________


اذكر الله
الرجوع الى أعلى الصفحة اذهب الى الأسفل
http://www.google.com
~
كيميائى ذهبى
كيميائى ذهبى
~

اوسمه : قصيدة جحا للشاعر هشام الجخ Modera10

انثى
عدد الرسائل : 2879
العمر : 30
الموقع : فى احضان امى مصر
المزاج : الحمد لله على كل حال
جنسيتك : مصر
السٌّمعَة : 12
تاريخ التسجيل : 27/06/2010

قصيدة جحا للشاعر هشام الجخ Empty
مُساهمةموضوع: رد: قصيدة جحا للشاعر هشام الجخ   قصيدة جحا للشاعر هشام الجخ Emptyالأربعاء سبتمبر 15, 2010 9:58 am

جميله يافلورندا
كانه بيحكى حالنا بالظبط فى مصر

_________________

قصيدة جحا للشاعر هشام الجخ Get-7-2010-3ly1305z

اللهم انك اعطيتني خير احباب في الدنيا دون ان اسألك..
فلا تحرمني من صحبتهم في الجنه وانا اسألك..
اللهم اسعدهم وفرج همهم ..
وحقق لهم مايتمنوا واجعل الجنة مقرا لهم ..
اللهم لاترد دعواتي لهم فإني أحبهم فيك
الرجوع الى أعلى الصفحة اذهب الى الأسفل
http://demo.ahlamontada.net/
????
زائر



قصيدة جحا للشاعر هشام الجخ Empty
مُساهمةموضوع: رد: قصيدة جحا للشاعر هشام الجخ   قصيدة جحا للشاعر هشام الجخ Emptyالأربعاء سبتمبر 15, 2010 2:02 pm

ههههههههههههه حلوة قوى
شكرا يا فلورندا على الموضوع
الرجوع الى أعلى الصفحة اذهب الى الأسفل
فلورندا
كيميائى
كيميائى
فلورندا

mms mms : mms
انثى
عدد الرسائل : 424
العمر : 28
العمل/الترفيه : طالب _القراءه
المزاج : الحمد لله
جنسيتك : مصر
السٌّمعَة : 0
تاريخ التسجيل : 17/04/2010

قصيدة جحا للشاعر هشام الجخ Empty
مُساهمةموضوع: رد: قصيدة جحا للشاعر هشام الجخ   قصيدة جحا للشاعر هشام الجخ Emptyالخميس سبتمبر 16, 2010 6:58 pm

روز
شكرا لمرورك وشكرا لانك حطيتى الرابط

بسمه امل
انتى الاجمل


شاعر الازمان
شكرا لمرورك
الرجوع الى أعلى الصفحة اذهب الى الأسفل
جوليت 13
كيميائى ذهبى
كيميائى ذهبى
جوليت 13

اوسمه : قصيدة جحا للشاعر هشام الجخ Kalbapigeon.com-8dee2f9698

انثى
عدد الرسائل : 1963
العمر : 28
الموقع : عالم تاني
العمل/الترفيه : دايما مشغولة
المزاج : عاااااااااالي
جنسيتك : مصر
السٌّمعَة : 10
تاريخ التسجيل : 28/01/2009

قصيدة جحا للشاعر هشام الجخ Empty
مُساهمةموضوع: رد: قصيدة جحا للشاعر هشام الجخ   قصيدة جحا للشاعر هشام الجخ Emptyالجمعة سبتمبر 17, 2010 6:49 am

اول مرة اسمعله كان ف برنامج هالو ايجيبت
شاعر جامد بجد وطريقةالقاءه روعة
ثانكس يافلورندا وحشتيني
الرجوع الى أعلى الصفحة اذهب الى الأسفل
http://demo.ahlamontada.net/forum.htm
 
قصيدة جحا للشاعر هشام الجخ
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى كلية العلوم بدمنهور :: قسم الشعراء واصحاب المواهب Department of poets and talented people :: شعر و شعراء - همس القوافي Poems and poets - General Chat-
انتقل الى: