منتدى كلية العلوم بدمنهور


 
الرئيسيةبوابه جديدةالتسجيلدخول

 

 *دنيا زى الكوتشينه*

اذهب الى الأسفل 
كاتب الموضوعرسالة
dr/mido

dr/mido

ذكر
عدد الرسائل : 12
العمر : 32
الموقع : فى بيتنا
العمل/الترفيه : طالب القرب
المزاج : عال العال
جنسيتك : مصر
السٌّمعَة : 0
تاريخ التسجيل : 21/10/2010

*دنيا زى الكوتشينه* Empty
مُساهمةموضوع: *دنيا زى الكوتشينه*   *دنيا زى الكوتشينه* Emptyالأربعاء أكتوبر 27, 2010 8:11 pm

ليه يادنيا بتلعبى بينا كده
ودايما قاسيه اوى علينا
صدق يادنيا الى قال عليكى
عامله زى الكوتشينه!

بيقولوا فيكى ع الطيب خايب
دايما بتصقفى للعايب
واللى يلم الليله بحالها
فيكى يا دنيا هو الشايب

عمرك ما بتنصفى غلبان
بالعكس بتزيد الاحزان
والى فى يوم يستنجد بيكى
تانى يوم يلقى كانه ما كان

بتعاملينا كان فى تار
بينا وبينك فى ضرب نار
ليه قلباها جد علينا
مع اننا واخدينها هزار

يادنيا البنى ادم مغلوب
على امره يعنى هيعمل ايه؟
عمال يتحدف بالطوب
والامان فين هيلاقيه؟

يادنيا لو اصرخ اقول فاض بيا
شويه واطلع من هدومى
كفايه والله اللى فيا
كفايه عليا بجد همومى

حتى البنت الاموره
كان نفسها بجد تعيش
تبقى وسط الناس مستوره
بس الحظ يا عينى مفيش

نفسها تحب وتتحب
بتحلم بالفارس ابو حصان
بس الدنيا دى من غير قلب
جايه دايما على الغلبان

مش عاوزه لا قصر ولا عربيه
ولا عاوزه دهب وياقوت
عاوزه تعيش عيشه هنيه
خايفه القطر منها يفوت


يادنيا جبتى عليكى واطيكى
مش عارف راسك من رجليكى
محسسانا بالدين ليكى
يادنيا والله عيب عليكى
تعبنا من قلة الحيله
مهو ماشيين فى سكة طويله
مش باين لطريقنا رجوع

لوقلنا مره يادنيا اختشى
لينا الملايه بتفرشى
وندارى الكسفه بدموع

لا لينا لا حول ولا قوه
وحالنا ياعينى هو هو
يصعب اوى حتى على الكافر

الناس مجروحه ومتهانه
فاكرين الفرحه متعانه
والله كمان ما حد فاكر

دنيا تنسى الواحد اسمه
تنحل وبره تضعف جسمه
وان يوم فكر يقوى عليها
مبينلش غير ان يزيد همه


حتى الواد الى كتير ياما
حكوا لينا عن قشاته

كان نفسه يفوز بالبنوته
كان نفسه ينهى الحدوته
وتكون حلوه مش ملتوته

كان بيحلم زى السيما
يبقى الواد الشيك القيمه
حتى لو النهايه قديمه


سايب عمره يفوت ع الفاضى
هوفى وادى وحبه فى وادى
لو سالته هيقول ده عادى
مهو اصله فى حالة توهان

كله جاله حالة ياس
كله ماشى طريق بالعكس
ولاى حاجه ملناش نفس
لامتى هنفضل نتهان؟


بيقولوا الحظ بييجى مره
وان مستنى الدور فى طابور
ومخبى فيا حقيقه مره
خايف من كشف المستور
بتحمل طعم الدنيا المره
مهى دايره على الكل تدور


قالوا محظوظ الى يجيله
ويبقى حظه ورقة كومى
والله ده امه بتدعيله
يارب ارحمنى وخف همومى


نفسى الدنيا تضحك ليا
مش تضحك الناس عليا
نفسي مره تيجى فى صفى
نفسى الحمل عليا تخفى


ليه دايما حاسين بالغربه
مع اننا وسط اهالينا
ليه دايما بتجينا الضربه
من اعز الناس علينا

طب ليه نوفى لناس بتخون
وليه الرد بيبقى دموع
ليه مش بنحاول ونكون
اقوى ولا ده ممنوع؟


اهى سفينه وانكتب
ياناس علينا
نركب نقدف علشان
تعدى بينا
فينا الى هيعدى وفينا
الى هيغرق مننا
ناس هتنزل من السفينه
وغيرها برده مكمله

ناس بيخلص عمرها
مش لاقيه بر
وناس بتدى ضهرها
للناس بشر
وناس سايبه امرها
لله بصبر

مطرح ما المركب هتاخدنا
هنحط رحالنا وهنكمل
خلاص على الحزن اخدنا
ودايما احنا بنتحمل
ودايما احنا اتعودنا
ان الفرح وقته قليل


كلامى طال اوى انا عارف
بجد سورى يا جماعه اسف

واهو كله برده اسمه كلام
لا هياخر ولا هيقدم
ولا نافع عتاب وملام
ولا ينفع اننا نتندم

عيش الحياه زى ما هيا
الحق عمرك ده خلاص فات
متقولش الحياه دى مش هيه
واصرخ احسن من السكات





























عدل سابقا من قبل dr/mido في الخميس أكتوبر 28, 2010 8:58 am عدل 1 مرات
الرجوع الى أعلى الصفحة اذهب الى الأسفل
http://www.mido afifi.com
~
كيميائى ذهبى
كيميائى ذهبى
~

اوسمه : *دنيا زى الكوتشينه* Modera10

انثى
عدد الرسائل : 2879
العمر : 30
الموقع : فى احضان امى مصر
المزاج : الحمد لله على كل حال
جنسيتك : مصر
السٌّمعَة : 12
تاريخ التسجيل : 27/06/2010

*دنيا زى الكوتشينه* Empty
مُساهمةموضوع: رد: *دنيا زى الكوتشينه*   *دنيا زى الكوتشينه* Emptyالأربعاء أكتوبر 27, 2010 11:06 pm

جميل جدا ورائع

والله مش مجامله

فعلا معانيها جميله فعلا

برافووووووو عليك والله يادكتور

11111111111


*دنيا زى الكوتشينه* 944788

_________________

*دنيا زى الكوتشينه* Get-7-2010-3ly1305z

اللهم انك اعطيتني خير احباب في الدنيا دون ان اسألك..
فلا تحرمني من صحبتهم في الجنه وانا اسألك..
اللهم اسعدهم وفرج همهم ..
وحقق لهم مايتمنوا واجعل الجنة مقرا لهم ..
اللهم لاترد دعواتي لهم فإني أحبهم فيك
الرجوع الى أعلى الصفحة اذهب الى الأسفل
http://demo.ahlamontada.net/
أبو الحسن
كيميائى تحت التمرين
كيميائى تحت التمرين
أبو الحسن

mms mms : mms
ذكر
عدد الرسائل : 186
العمر : 34
العمل/الترفيه : الأديب
جنسيتك : مصر
السٌّمعَة : 0
تاريخ التسجيل : 12/10/2010

*دنيا زى الكوتشينه* Empty
مُساهمةموضوع: رد: *دنيا زى الكوتشينه*   *دنيا زى الكوتشينه* Emptyالخميس أكتوبر 28, 2010 12:07 am

مع اللغة العامية والكلمات الغير عربية إطلاقا -من لغات الفرنجة- أقصد

بها بعض الأساليب الرائعة وأظنها مكررة من قصائد أخرى بأوزانها.


عموما أحييك على المجهود لكن أحذرك من الأخطاء الشرعية التي لاتجوز ولاتضلح فيها .

فكما هو معلوم لا يجوز سب الدهر



أسأل الله التوفيق للجميه


قال القحطاني:


ولقد مَنَنْـتَ عليَّ ربِ بأنعــــم

ما لـي بشكــر أقلهـن يــدانِ



فوحـقِّ حكمتـك الــتي آتيتـني

حـتى شــددت بنورهـا برهـاني


لئــن اجْتَبَتْنـِي من رضـاك مَعُونَةٌ

حتـى تُقـوِّى أَيْـدُهَا إيمــاني


لأسبحنـــك بكـرةً وعشيــةً

ولتخدمنـك في الـدُّجَى أركـاني




ولأعبــدنك قـائمًا أو قـاعـدًا

ولأشكـرنك سائـر الأحيـــانِ


ولأكتمــن عـن البـريـة خَلَّتي

ولأشكــون إليــك جَهْدَ زماني


ولأقصـدنـك فـي جميع حوائجي

مـن دون قصــد فلانةِ وفــلانِ


ولأحسمـن عـن الأنـام مطـامعي
بحُسَــامِ يَــأْسٍ لـم تَشُبْهُ بَناني


ولأجعـلن رضـــاك أكبـر همتي

ولأضـربن مـن الـهوى شيطـاني


ولأكسـون عيـوب نفسـي بالتُّقى

ولأقبضـن عـن الفجـور عناني


ولأمنعـن النفـس عـن شهواتـها

ولأجعلـن الزهـد مـن أعــواني


ولأتلـون حـروف وحيك في الدجى
ولأحرقــن بنــوره شيطــاني



الرجوع الى أعلى الصفحة اذهب الى الأسفل
http://www.google.com
.general manager
المدير
المدير
.general manager

mms mms : mms
اوسمه : *دنيا زى الكوتشينه* %D9%88%D8%B3%D8%A7%D9%85%20%D8%A7%D9%84%D9%85%D8%AF%D9%8A%D8%B1

ذكر
عدد الرسائل : 3916
العمر : 101
الموقع : http://demo.ahlamontada.net
المزاج : عالى
جنسيتك : مصر
السٌّمعَة : 25
تاريخ التسجيل : 05/12/2008

*دنيا زى الكوتشينه* Empty
مُساهمةموضوع: رد: *دنيا زى الكوتشينه*   *دنيا زى الكوتشينه* Emptyالخميس أكتوبر 28, 2010 1:50 pm

مطرح ما المركب هتاخدنا
هنحط رحالنا وهنكمل
خلاص على الحزن اخدنا
ودايما احنا بنتحمل
ودايما احنا اتعودنا
ان الفرح وقته قليل

*دنيا زى الكوتشينه* 123877
بجد ابداع وكلمات جامده وحسن حاجه فيها اللغه تحس انك بتتكلم مع صاحبك
*دنيا زى الكوتشينه* 230730
الرجوع الى أعلى الصفحة اذهب الى الأسفل
http://demo.ahlamontada.net
 
*دنيا زى الكوتشينه*
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى كلية العلوم بدمنهور :: قسم الشعراء واصحاب المواهب Department of poets and talented people :: شعر و شعراء - همس القوافي Poems and poets - General Chat-
انتقل الى: