قرار جمهورى بإنشاء "جامعة دمنهور" وتضم 12 كلية

قرار جمهورى بإنشاء "جامعة دمنهور" وتضم 12 كلية




كتب محمد البديوى


أصدر الرئيس محمد حسنى مبارك قراراً بإنشاء جامعة فى دمنهور بمحافظة البحيرة تحمل نفس الاسم، وينص القرار على إلغاء فرع جامعة الإسكندرية بدمنهور، وضم الكليات التابعة لهذا الفرع إلى الجامعة الجديدة.

وقال الدكتور هانى هلال وزير التعليم العالى والدولة للبحث العلمى إنه يهنئ شعب دمنهور وقياداته المحلية والشعبية والقيادات الجامعية بالإسكندرية ودمنهور الذين تضافرت جهودهم، حسب قوله، من أجل العمل على استيفاء فرع دمنهور لمقوماته المادية والبشرية واستكمال البنية الأساسية اللازمة لتطوير كلياته من منشآت ومعامل، مما جعله جديراً بالتحويل إلى جامعة مستقلة.

وأشار الوزير إلى أن نسبة التعليم العالى بمحافظة البحيرة حاليا تصل إلى 13%، واعتبر أن إنشاء الجامعة سيؤدى إلى زيادة هذه النسبة إلى 20% خلال عشر سنوات لكى تقترب من النسبة الموجودة على مستوى الجمهورية.

وأضاف الوزير أن قرار رئيس الجمهورية يقضى بأن تضم الجامعة 12 كلية هى: "الآداب- التجارة- الزراعة- التربية- التمريض- العلوم- الطب البيطرى- الصيدلة- رياض الأطفال- الطب- طب الأسنان- الهندسة".

الله يطمنك بالخير

دايما


بتبشرنى كدة يا علي بالحاجات الي زى العسل

انا سمعت الكلام ده برضه

عشان كده مطمنه

وبعديم متخافوش

د.علاء قال ايه؟

ده فى مصلحه الطلبه

بس ازاى

الجواب كان ايه

مردش علينا

يعنى لسه برضه العلم عند الله

والله انا شايفه انه عادى وحاجه كويسه
وكمان ما هى كده كده كانت لازم تتفصل عن جامعة اسكندرية
وبكده هتزود نسبة التعليم العالى فى محافظة البحيرة
وبعدين عادى يعنى ماهى جامعة اسكندرية فى الأول ماكانش ليها اسم

اه كمان دلوقتى انا بدرس بنظام الساعات المعتمده
يعنى بدرس مجموعة كورسات وفى شهادتى هيتكتبلى تخصصى وتقديراتى بالدرجات
وفى اى شغل هياخدونى بإحتياجهم لتخصصى و تميزى فيه
لكن مش هيقرروا على اساس إسم الجامعة بتاعتى
ما هو ممكن اكون متخرجه من احسن الجامعات بس مستوايا مش كويس

و فى الآخر بمجهودنا وسمعة الدفعات اللى هتتخرج منها
هو اللى هيدى للجامعة قيمة

هو ده الكلام الصح

على دايما بيدخل علينا بالاخبار السعيده


انا جد زعلانه والله

احنا كنا عند دكتر عادل النهاردة وقال


لو ختم الجامعة نزل في شهر 7 زى ما بيقولوا


حتى ربعة كمان حتكون جامعة دمنهور


يعنى لو الختم طلع قبل نتيجة رابعة ما تطلع

النتيجة حتطلع جامعة دمنهور

ما بقتش تفرق سينا من سونيا
كلها اللى عنده سكه حيشتغل
لو جامعه تل ابيب

واللى معهوش
حيأجر فيال فى كينيا

صح كدة


وهو الدكتر عادل قال كدة بردوا والله

لخليفة

يا نهار ابيض
مفيش اي امل ان دفعة 3تكون تبع جامعة اسكندرية؟
احنا مش ساعات معتمدة ولا ينفع تحويل
يا رب يكون من اول الدفعة اللي بعدنا
مش كفاية اني ف قسم ملوش شغل

وهتعملى ايه يعنى لما تكونى فى قسم ليه شغل
ده انا ادمرت النهارده من مدحت والله
ضغطى على اووووووووووووووووووى
مش قادرة افتح عينى والله

ازاى تقولى ان القسم بتاعك يا جوليت ملهوش شغل
امال مين اللى حيغيرلنا الوندوز

هتعملى ايه يعنى لما تكونى فى قسم ليه شغل
ده انا ادمرت النهارده من مدحت والله
ضغطى على اووووووووووووووووووى
مش قادرة افتح عينى والله

معلش يا نور ربنا يقويكي هي كلية متعبة اصلا



ازاى تقولى ان القسم بتاعك يا جوليت ملهوش شغل
امال مين اللى حيغيرلنا الوندوز

مهو مش فتحوا اي قسم ف حاسب او احصا عشان مش في دكاترة حاسب ف دمنهور
قسمي رياضة فيزيا جنرل حشتغل ايه وكمان حبقى جامعة دمنهور يعني ممكن بعد كل ده اقعد ف البيت اقشر بصل

خلاص ابقى قطعه انت

دى اجمل خبر سمعته وفرحت بيه
لان دى اسم لمحافظتنا ولما يجوا

يعينوا معيدين ياخدوا من الكليه
مش يجيبوا أوحش معيدين فى الجامعات
عندنا
مصلحة بردوا