تعظيم سلام

تعظيم سلام لكل واحد حامي داره

لكل واحد زي ما حب الخير لنفسه حب الخير لجاره

لكل واحد ماخفش من سواد الليل وبايديه طلع نهاره

تعظيم سلام لكل صاحب فكر لكل عالم

لكل صاحب حق وقف في وجه ظالم

لكل من صرخ بالحق وهو رافع بين ايديه كلمة مسالم

تعظيم سلام لكل بنت تساوي الف شاب

لكل اخت اتعلمت ازاي تعدي في الصعاب

لكل زوجة ربت عيالها على السنة والكتاب

لكل طفلة كنا بنقرا في عنيها الجواب

تعظيم سلام لكل الصابرين

لكل الي عاشوا عمرهم من الامان محرومين

لكل الي عاشوا وهم اصلا ميتين

للغلابة المحرومين

تعظيم سلام لكل اهلي الكادحين

تعظيم سلام لكل واحد نسي همه

للي باع نفسه علشان وطنه وحضن امه

للي كان صوته قلم والحبر دمه

للي يوم ما انجرح حضن الام ضمه


تعظيم سلام لكل اب بيرعى اولاده الصغار

لكل من طرح سعاده بعد ما شرب المرار

لكل من سهر الليالي ولاخفش من نور النهار

لكل من ثبت وما لفش ودار

لكل من شمر بايده لاجل ما يهد الجدار

لكل من صنع بروحه لحظة الانتصار