استفتاء....هل توافق علي اقامة الجدار العازل بيننا وبين فلسطين

السلام عليكم ورحمة الله وبركاته

حبيت اعمل استطلاع للراي عن (الجدار العازل)

المقام والذي يتم اكمال انشائه بين حدود مصر وفلسطين

هل توافق ام لا توافق..ولماذا في كلتا الاحوال او لا اعرف

منتظر ارائكم في الاستطلاع وفي السبب لرفضكم او موافقتكم

من وجهه نظلاي لا اوافق...بس بصراحه مش متابع الموضوع ومش عارف ابعاده ايه ...

انا اوافق على الجدار العازل لان هذا من سيادة الدولة ولا يحق للغير تخطاها ولكن طبعا وجود فتح المعبر

الجدار ده ليه عيوب ومزايا

بس انا موافقه على بناء الجدار

اوافق
لانه مش حيمنع انتقال المساعدات و لا بيقطع علاقتنا مع حد
ومش معناه اننا بنتخلى عن موقفنا بدليل محاولات الحوار السلمي اللي بيتم دايما تحت اشراف مصري

مرسي علي اراء الجميع
بس ياريت اللي قال انه موافق يقول ليه واللي مش موافق يقول ليه

انا غيرت راى يا جماعه

انا قولت موافقه على اللى انا قريته بس بحسب ان المعبر اللى بنا وبين غزة هو اللى بيدخل لنا المخدرات والاسلحه وعمليات التهريب
كنت بحسب ان ده عيوبه وده اكيد مضر لينا

وميزته انه بيدخل معونات لغزة فازاى هما يقتلو من عندنا واحد

بس لما سالت وفهمت

ان المعابر اللى مع اسرائيل والحدود التانيه هى اللى بتدخلنا الحجات دى مش معبر غزة

فاحنا مينفعش نبنى الجدار ده لان ده المنفذ الوحيد لغزة للمعونات كفايه اللى اسرائيل بتعملو فيهم

وكمان الجدار ده مغزاه كبير ومن وراه حكايه سياسيه بلاش اتكلم عنها

والاعلام السئ عندنا هو اللى خلانا موافين على بناء الجدار ده

احنا المفروض نشارك فى حمله المليون للتوقيع ضد بناء الجدار

ياريت تسالو اكتر قبل ما تشاركو

ده اللينك لو حابين تدو بصوتكم
http://www.amlalommah.net/

استني يعني انا دلوقت مش فاهمة
الجدار ده صح ولا غلط

جوليت13 كتب:

اسالي عن الموضوع
وانتي هتعرفي اذا كان الجدار حلو ولا
ومستني ردك

وانت يا على مقولتش رايك موافق و لا؟؟؟

انا قعدت ساعة ابحث في الموضوع ده
الاراء عكس بعضها و كلها مقنعة!
بس انا لسة عند رايي

انا اوافق على اقامه الجدار

خلينا بقى نبعد شويه
قصة اسرائيل و فلسطين دى عمرها ما حتخلص الا بعد قرون كثيرة
وكفاية العسكرى اللى مات وملوش اى ذنب
حماس قتلته
ودة يا عم وجع دماغ ع الفاضى
هما اصلا مش عارفين يعملوا ايه

اما يخلصوا من مشكلة مين يتحمل مسئوليه حكم غره ((فتح ولا حماس)) الاول
دى شكلها حتقلب بحرب بينهم
وتبقى كملت يا معلم

يا جماعة موضوع الجدار ده خطير جدا و لازم نفهموا كلنا دلوقت بغض النظر عن موضوع فتح و حماس ومش حنقول كمان ان الناس دى مسلمين زينا
بس الحكاية ببساطة ان دول مجموعة من الناس اسرلئيل محصراهم من كل ناحية و مانعة عنهم الغذاء و الكساء و الوقود و مواد البناء و الادوية و الكلام ده من3 سنين
و السنة اللى فاتت اعلنت عليهم الحرب و عملت المجازر اللى كلنا شفناها من قتل اطفال و نساء الى اخره ودلوقت المنفذ الوحيد اللى مجموعه الناس دول يقدروا يحصلوا بيه على بعض احنياجاتهم الرئيسية هو معبر رفح
و احنا تحت الضغط الامريكى و الاسرائيلى قافلين المعبر فالناس دول مالقوش قدامهم حل غير حفر الانفاق عشان يدخلوا منها الاكل و الدواء
و على فكرة الحكاية دى بتخدم الاقتصاد بتعنا لان ده يعتبر تصدير لمنتجاتنا

لكن اسرائيل معجبعاش فضغطت على الحكومة بتاعتنا اكتر قامت الحكومة بدات تبنى السور ده تحت الارض باشراف امريكى كامل و ده يعتبر انتهاك للسيادة المصرية على ارضنا وكده حيصبح المليون و نصف اللى فى قطاع غزة فى سجن كبير احنا احد اسواره عشان كده يا الحكومه توقف الجدار ياتفتح معبر رفح

كلنا لازم نضغط ونعمل رأى عام عشان الحكومه تفتح معبر رفح والناس تحصل على احتياجتها بشكل قانونى واحنا ممكن نبقى مكانهم فى وقت من الاوقات

بالنسبه للجدار
الفولاذي لمنع الأنفاق التي توصل المساعدات إلى المسلمين في غزة محرم
شرعاً، وهو من أعظم الذنوب في الإسلام ؛ لما فيه من تولي الكافرين ضد
المسلمين، ولما فيه من ظلم إخواننا المسلمين في غزة ومحاصرتهم وخنقهم، وقد
ثبت عن النبي صلى الله عليه وسلم في صحيح البخاري من حديث ابن عمر رضي
]الله عنهما: " أن امرأة دخلت النار في هرة حبستها حتى ماتت جوعاً، لا هي
أطعمتها ولا هي تركتها تأكل من خشاش الأرض". فكيف بحبس شعب مسلم بأكمله.

ويدخل في الإثم كلُّ من شارك في جريمة بناء الجدار
الفولاذي بقوله أو فعله حتى عمال البناء ؛ لأنه من التعاون على الإثم
والعدوان . قال الله تعالى " وَتَعَاوَنُواْ عَلَى الْبرِّ وَالتَّقْوَى
]وَلاَ تَعَاوَنُواْ عَلَى الإِثْمِ وَالْعُدْوَانِ وَاتَّقُواْ اللَّهَ
إِنَّ اللَّهَ شَدِيدُ الْعِقَابِ " (المائدة 2).

أما تصريح وزير الخارجية المصري فهو مصادم لنصوص
الشريعة الآمرة بالأمر بالمعروف والناهي عن المنكر قال الله تعالى "
وَالْمُؤْمِنُونَ وَالْمُؤْمِنَاتُ بَعْضُهُمْ أَوْلِيَاء بَعْضٍ
يَأْمُرُونَ بِالْمَعْرُوفِ وَيَنْهَوْنَ عَنِ الْمُنكَرِ " (التوبة 71).

والواجب الشرعي على المسلمين عموماً ، وعلى أصحاب القوة والقرار والتأثير: السعي الحثيث في إيقاف بناء الجدار ، وفك الحصار ، ورفع الظلم عن إخواننا المسلمين في غزة ، أسال الله تعالى أن ينصرهم ويعزهم ويحفظهم بالإسلام

استفتاء....هل توافق علي اقامة الجدار العازل بيننا وبين فلسطين 809528554

استفتاء....هل توافق علي اقامة الجدار العازل بيننا وبين فلسطين 809528554

استفتاء....هل توافق علي اقامة الجدار العازل بيننا وبين فلسطين 971241540

» صحيفة أمريكية: مصر تقر بفشل مهمة الجدار الفولاذي على الحدود مع غزة
» ....وتبقى الذكرى دوما بيننا.
» حوار بينى وبين قلبى !!!!
» توافق الابراج(شوف حبيبتك او شوفى حبيبك والتوافق ما بينكم فى الابراج)
» شمس تشرق وأخري تغرب وبين الأضلع قلب ينبض