بسم الله الرحمن الرحيم
ازيكوا يارب تكونوا كلكم بخير
جاتنى فكره انى اكتب يوميات الشله بتاعتى
الشله اللى انا بعتز بيها جدا
الشله دى معظم اعضاء المنتدى يعرفوها كويس جدا
عشان كده مش حاكتب اسماء منعا للاحراج
ودلوقتى حوصف لكم يوم من يوميات شلتنا
الشخصيات حتكون شخصيه1وشخصيه 2 وشخصيه3
و................انتوا بقى تخمنوا مين هم الشخصيات دى
بس فى الاول والاخر التوبيك ده علشان نفرفش شويه مش اكتر
يعنى حتلاقوا معظم كلامنا ضحك وتريقه يعنى من الاخر بنروح الكليه علشان ندرس ونضحك ونشوف بعض
يالا نبدا على بركه الله
شخصيه1---ايه يا بنى انت وهو القعده مالها بقت رخمه كده ليه
شخصيه2----بقولكم ايه ..تعالوا نطلعوا فوق
شخصيه 3..انت بتموت وتطلع فوق وبتحب التنطيط ما احنا قاعدين اهوه يابنى
شخصيه2....طيب ياعم انت بتزعق كده ليه
ودخلت علينا الشخصيه 4 وقالت
شخصيه4....اجمع اجمع اجمع اجمع ..يالا بينا نقعد ورا
الكل خد ديله فى سنانه وروحنا جرى لما نشوف حيقوووول ايه
شخصيه 4...يا اخوانه ياخوانه احنيه عايزين نظبط المنتدى بتاعنا عن كده
شخصيه1...بقى كل الدوشه دى علشان الكلمتين دول امشى ياد يا......
ملحوظه...اللى حينطق كلمه اخوانه ياريت يكسر حرف النون
دخل علينا الشخصيه رقم5 وسلم علينا وهو بيغنى وبيقول
شخصيه5...كنت فاكرها ملاك كنت فاكرها ملاك لكن طلعت بشر سبتنى اللى عشانها دوقت سنين الضياع
شخصيه3...يابنى فكك بقى من افلام ابيض واسود دى خلاص بقى بلاش وجع دماغ
شخصيه 5رد وهوبيغنى برده...اجمل سنين العمر ضيعتها مع قلب خاين قلب كان زى الزمن
شخصيه3....نفسى اشوفك بتغنى حاجه حلوه حرام عليك والله وحشتنا الفرحه نفسى افرح
شخصيه6 ابوضحكه جنان دخل الكليه مكشر جدا سلم علينا واليكم الحوار
شخصيه1و2و3و4و5فى نفس واحد مالك يابوب
شخصيه....مخنوق والله مش عارف اول ما بدخل الكليه بكره نفسى مش عارف ليه يمكن علشان مش بذاكر اليومين دول
شخصيه1...ياعم انا احلى حاجه مظبط كورسات محاضره ايه بلا وجع دماغ عيش يابوب ومتنعاش الهم
شخصيه3...بس برضه المحاضرات مهمه برضه
شخصيه1..مانت بتحضر محاضرات عملت ايه شلت برضه
المهم بعد فتره دخل علينا الشخصيه رقم7 وقال
شخصيه7...بيس يا مان بيس بيس
شخصيه3...بيس بيس يامان
وبعد فتره ملل قولنا نجيب فى سيره البنات شويه حاجه تفك الملل ده
ويادوب مكملناش الكلمه عدت جمبينا بنت جميله اوى وكلنا فى نفس واحد قولنا
هوباااااااااااااااااااااااااااااااااااااااااااااااااااااااااا ربنا يخليك لنا يارب ونشوفك دايما كده
مكملناش الكلمه ولقينا واحده بس ايه رخمه رخامه سابت الدنيا كلها وسابت الكليه كلها وجايه تسالنا المحاضره الساعه كام
طبعا بصينا لبعض كلنا وقولنافى نفس واحد يارب خدها
بعد شويه لقينا الشخصيه رقم2 بتقول
شخصيه2...بقولكم ايه تعالوا نطلعوا فوق
طبعا محدش رد على الشخصيه دى
شخصيه1...انا عرفت حوار جديد لانج محدش يعرفوا غيرى
الكل ساب اللى فى ايده وقال خير يابوب
شخصيه1...البنت الفلانيه الواد الفلانى راح كلمها اول امبارح والبنت شتمته
كلنا فى نفس واحد...وبعدين كمل
شخصيه1...قالت له بقولك ايه انا مش عايزه اكلم حد انت ايه مش بتحس معندكش دم
كلنا ضحكنا ومرت دقايق طويله وبعدين جوعنا جدا
روحنا فطرنا فطار صح الصح وحبسنا بكوبيه الشاى او الحاجه الساقعه وبعديها قولنا نلعب شويه شطرنج
شخصيه1...ماتيجى نلعب شطرنج
شخصيه3...هو انا كل يوم لازم اعلم عليك كده
شخصيه1...تعلم على ده انا لسه غالبك من شهر ونص
لعبنا شطرنج شويه وقعدنا بعد كده نلعب لعبه الصراحه
بس مش عارف ليه كل ما نلعب اللعبه دى كلنا بنبهدل الشخصيه رقم2و6دايما اسئلتنا معاهم بنبقى ساخنه جدا وحرجه جدا
شخصيه2......اووووووووووووووووف بقولكوا ايه....تعالوا نطلع فوق
بس حنمله ايه نصيبنا كده
شخصيه3.....يوووووووووووووووووه البنت دى اول مابشوفها بتعصب ومبقاش طايق نفسى
كلنا فى نفس واحد
ومين سمعك يابنى والله محدش طايقها خالص
طبعا عرفتوا مين هى البنت
شخصيه3....الواحدمش عارف ياجدع البنات بتعمل كده ليه مره يجوا يسلموا عليكوا ومره ينفضوا
شخصيه1...بص يابوب البنات دول عايزين يفقوا مع حسين يضحكوا معاه مشى حسين يشوفوا ابراهيو مشى ابراهيم وماله خليل كويس
هما عايزين يضحكوا وخلاص ويسلوا وقتهم
الكل بص على الشخصيه1 وقولنا فى نفس واحد
حلاوتك يابوب احلى حاجه لما بتبقى مضايق الكلام بيقى طالع فى السليم
وعدت جبينا بنت من الدفعه الجديده بس ايه عارف الكليه كلها بالطلبه بالامن بالعميد بالشعب
شخصيه1.....اووووووووووووووووووووف البنت دى خنقه بجد هى مش بتسيب حد كده خالص
شخصيه3.....البنت دى خانقه بجد البنت دى لو جارلها حاجه الكليه تقعد خمسه ايام طوارى
شخصيه4.....يا اخوانه ان شاء الله فيه اجتماع يوم السبت الجى هاااااااااام جدا
كلنا فى نفس واحد اوووووووووووووووووووووووووووووووووووووووف حاضر ياعم
شخصيه6.....الاغنيه اللى انا بسمعها دى بحبها اوى بتفكرنى بمواقف حصلت لى
شخصيه5...الله عليك دايما ذوقك حلو فى الاغانى ابعتهالى بسرعه
وبعد محضرنا المحاضرات وكل واحد خلص اللى جى علشانه
وبعد مع قعدنا نضحك ضحك كتير جدا ونتريق كتير جدا
ودعنا بعض وقولنا ان شاء الله بالليل على المنتدى متنسوش
وبكده يومنا خلص هو فيه حاجات كتير طبعا عملتلها مونتاج وان شاء الله لو عجبتكم الفكره حيبقى ان شاء الله فيه حاجات تانيه كتيره اوى
باشكركم كلكم ومستنى تعليقاتكم الجميله
فى حفظ الله وتحياتى لكم
wael
mms : 
