هل البعيد عن العين بعيد عن القلب ؟؟؟

هل البعيد عن العين بعيد عن القلب!!!!


دائما تتكرر على مسامعنا هذه الجملة
::: اللي بعيد عن العين بعيد عن القلب :::
قد يرى البعض منكم أن هذه المقولة صحيحة لأن البعيد عن العين لا نذكره كثيراً فيكون بعيد عن القلب
ولكن قد أرى ويرى غيري أن هذه المقولة خاطئة
::: فالبعيد عن العين بعيد من الفكر ولكنه في القلب :::

أى أن الذي لا نراه قد لا نذكره ولكن تظل مكانته في قلوبنا محفوظة
فأى المقولتين صحيحة؟؟
:::اللي بعيد عن العين بعيد عن القلب :::
أم
::: إذا العين لا تراك فالقلب لن ينساك :::

مستنية الاراء بتاعتكم

: إذا العين لا تراك فالقلب لن ينساك

انا مع دى يادودوووووووووووووووووووووو

كتب راضوووووووووو

إذا العين لا تراك فالقلب لن ينساك


جميل يارضا وده رايى كمان

لا طبعا

جربى كده تسافرى وتتغربى وتكونى بعيده عن اسرتك

حتلاقيهم ف قلبك وعينك وكل حواسك

توبيك جميل اوى يا نور

إذا العين لا تراك فالقلب لن ينساك
انا كمان مع دى وف رأيى انها صح
لان فعلا فيه ناس كتير مبقتش بشوفهم لكن عمرى ما نسيتهم
بالعكس بفكر فيهم ويمكن من كتراشتياقى ليهم غلاوتهم بتزيد عندى

موضوع جميل يا دودو

بالعكس
اللي في القلب في القلب مش شرط يبقي بعيد او قريب
إذا العين لا تراك فالقلب لن ينساك

naweha kheer كتب:

لا طبعا

جربى كده تسافرى وتتغربى وتكونى بعيده عن اسرتك

حتلاقيهم ف قلبك وعينك وكل حواسك

توبيك جميل اوى يا نور

اكيد طبعا معاك حق
بس انت هتشوفهم ازاى وانت بعيد
اوك معاك صورهم كلهم
بس برضه تفرق انك مش شايفهم قدامك

شكرا ياوائل على مرورك

Just a Muslim girl كتب:

إذا العين لا تراك فالقلب لن ينساك
انا كمان مع دى وف رأيى انها صح
لان فعلا فيه ناس كتير مبقتش بشوفهم لكن عمرى ما نسيتهم
بالعكس بفكر فيهم ويمكن من كتراشتياقى ليهم غلاوتهم بتزيد عندى

موضوع جميل يا دودو

والله كلامك زى العسل ياسمسمه
وانا معاكى فى كل كلمه قلتيها

White Heart كتب:

بالعكس
اللي في القلب في القلب مش شرط يبقي بعيد او قريب
إذا العين لا تراك فالقلب لن ينساك

ياسلام على الحكم الجميله
ايه ده يالوله انتى حولتى فلسفه ونسيتى العلوم

شكرا يعسل على مرورك

نور العيون كتب:

naweha kheer كتب:

لا طبعا

جربى كده تسافرى وتتغربى وتكونى بعيده عن اسرتك

حتلاقيهم ف قلبك وعينك وكل حواسك

توبيك جميل اوى يا نور

اكيد طبعا معاك حق
بس انت هتشوفهم ازاى وانت بعيد
اوك معاك صورهم كلهم
بس برضه تفرق انك مش شايفهم قدامك

شكرا ياوائل على مرورك

انا حكيلك حاجه حصلت ليا

تصديقها

متصديقهاش

انتى حره

انا كنت مسافر السنه اللى فاتت ف شغل


وانا بشتغل

الكلام ده الساعه 4 الفجر

حصل ف ايدى جرح كبير اوى

والدم سايل من ايدى

عيطت

وقولت فينك يا امى

لقيت الموبايل بيرن

لقيتها امى اللى بتتصل

مردتش ارد

لما رجعت بقولها انتى اتصلت بيا ف وقت زى ده ليه مع انى عارف انك بتنامى بدرى

قالت لى مش عارفه بس انا حسيت انك ف مشكله عندك

هل هى كانت شايفانى؟

وعلى فكره وانا مسافر وبكلم امى بكون متخيلها ف دماغى بالظبط كانها قدامى

انا قصدى من الكلام ده كله

مش شرط تكونى مش شايفهم

المهم

تكونى حساهم


وجعت دماغك معلش

بجد كلامك جميل ياوائل وانا مصدقاه
عارف ليه
لان الموقف ده حصل مع ابن عمى
كان جاى من الجيش فى اول اجازة بس ايه طويله خالص
ويومها مكنش قال لحد
امه اليوم ده قامت بدرى وعملت كل الاكل اللى بيحبه
واما سالتها
قالتلى انا حسه انه جاى النهارده
وفعلا جه بالليل وقال انا مرديتش اقول لانى عارف
ان امى حسه بيا وهتعرف انى جاى

مرة تانيه شكرا ياوائل