*رساله الى من كانت حبيبتى*

مش جاى دلوقتى اعاتبك
فات وقت العتاب
ده سؤال هقوله وامشى
وفى عنيكى الجواب
خلاص بتحبى غيرى؟
ولا انا لسه فى قلبك؟
خلاص عليه بتغيرى
ولا مملكش حبك


اداكى خلاص حنانه
ولا عايش عشانه
لو حس بيكى زيى
كان نسى بيكى زمانه

بس انتى اكيد خلاص
عليه دلوقتى خدتى
ووعود وعهود معاه
اكيد كمان اخدتى

يعنى قلبك بيكون ملهوف لما يقابلك
وهو حاسس انه معرفش و احده قبلك
مش جاى دلوقتى اعاتبك
ولا اقولك ليه والومك
دنا جاى بس اقولك
انسى وياه احزانك


بتمنالك وياه سعاده
وتنسى كمان بهواه ايامى
وتحسى الفرح بزياده
وان هعيش ع ذكرى غرامى

حاولى تسعديه وهو هيسعدك
قربيله حتى لو هو بيبعدك
هيحس ان انتى عمره
ويخاف بجد عليكى
وارضى وعيشى وضحى
وكملى المشوار
بلاش طمعك يهدك
بلاش تلعبى بالنر
صدقينى بقولك
كانى اللى فى مكانه
وعشان عارفك بقولك
عيشى عمرك عشانه
متفكريش فى نفسك
وانتى هتاخى حنانه


مش جاى دلوقتى اعتبك
ولا جاى دلوقتى الومك
انا جاى بس اقولك
بجد فرحان عشانك

جميله جدا والله يامحمد

وكلها نصائح جميله

مشكور جدا على المجهود الرائع

مرسى يانور على رايك
وربنا يخليكى
شكرا ليكى بجد

جميلة تسلم يمناك

ربنا يخليكى
واسمحيلى احييكى ع الاسم الجمل ده جوليت