تعرف إيه عن كلية علوم ...؟؟؟؟

بسم الله الرحمن الرحيم

الموضوع ده منقول للإفاده
بصراحه أول مره اشوف منتدى خاص بكليه مفهوش موضوع كده

الكثير منا لايعرف ماهى كليه العلوم وما يدرس بها من مواد واقسام ولكن يجب علينا ايضاح كل المعلومات لمن يريد ان يعرف

تعريف الكليه :

هى الكليه التى يدرس بها كل العلوم الحيه والغير حيه الخاصه بالطبيعه من حولنا
لا ندرس فيها اى من المواد الادبيه او التاريخيه ونختلف تماما عن كليه دار العلوم
والدراسه باللغه الانجليزيه بالجامعات الكبرى ( القاهره - عين شمس - حلون - الاسكندريه )
ولكن فى الاقاليم الدراسه فى سنه اولى باللغه العربيه ( نقطه نقاش )
والدراسه على اربع سنوات ( نقطه نقاش )

اقسام الكليه الرئيسيه

1- قسم الكمياء chemistry

ويأتى تحته كل فروع الكمياء

الكمياء الحيويه BIOCHEMISTRY

( وتدرس فيها جميع التفاعلات الخاصه بالكائن الحى وخصوصا جسم الانسان )

وهى من اقوى الفروع فى الكمياء وتفتح مجالات عمل للمتخصصين فيها مثل التحاليل والادويه والكمياء الطبيه

ومفهوم الكمياء الحيويه يخرج منه الكثير من التخصصات الحديثه الجديده اللى كانت غير معروفه فى السابق

مثل تخصص البيوتكنولوجى وهو التخصص المختص بدراسه الكمياء الحيويه فى التطوير والتكنولجيا مثل تطبيقات DNA

وتخصص الكمياء الاكلينيكه ( السريريه ) وهو علم الكمياء المسئول عن تشخيص الامراض
(وظائف الجسم المختلفه من كلى وكبد وقلب ودهون ومعادن)

وبذلك اصبح المفتاح او الحل السحرى لمن لم يستطيع ان يلتحق بكليات الطب البشرى

ان يلتحق بكليه العلوم ويقوم بدراسه تخصصات التحاليل الطبيه

عن طريق دبلومات وماجستير ( دراسات عليا )

ويصبح اخصائى تحاليل طبيه

الكمياء التحليليه

( ويدرس فيها كل مايخص التحليل الكميائى لاى شئ بالقوانين والمعادلات والنظريات

وتاتى فى المرتبه الثانيه من الكمياء لارتباطها الشديد بالاجهزه التحليليه

ويكون المتخصص فيها قدر على استخدام شتى انواع الاجهزه فى المصانع والمستشفيات ومراكز البحوث و الجامعات

الكمياء العضويه

( ويدرس فيها كل مايخص العضويه من تفاعلات خارج الجسم وفى التربه وفى الطبيعه

وهى مرتبطه كثيرا بالصناعه فى مختلف المجالات )

الكمياء الصناعيه

( ويدرس فيها المواد الصناعيه مباشره وبعض المؤثرات والعلاقات فى الصناعه )

وهناك مواد اخرى كثيره ولكن لن اعرف وصفها بالعربى او حتى اسمها مثل

spectroscopy الكمياءالطيفيه

- sterochemistry الكمياء الفراغيه

- inorganic chemistry كمياء غير عضويه

- physical organic- quantm-

natural product - and more

ومن هنا تجد ان الكمياء هى من اهم متطلبات سوق العمل لانها تدخل كل المجالات لذلك قامت الكثير من كليات العلوم بوضع التخصص المذدوج مع اى فرع اخر يعنى التخصص ومعاه الكمياء

لعلمك اقوى قسم كمياء هو علوم القاهره واقوى كمياء حيوى هو عين شمس

والعيب الموجود فى الدراسه بالنسبه للكمياء لايوجد تخصص للجوده فى كليات العلوم على الرغم من ان معظم العاملين فى مجال الجوده خريج علوم

__________________

2 - قسم البيولجى

وينقسم الى ثلاث اقسام

قسم zoology علم الحيوان

وده قسم من اقوى الاقسام وتتدرس فيه كل مايخص الحيوان والطفيليات من تشريح ومناعه وفسيولجى وسلوك وتقسيم و وراثه وغيرهم ويختص ايضا بامراض الدم للتحاليل وغيره
طبعا قسم ابحاث ومواد بحثيه

قسم Botony علم النبات

ويختص بدراسه كل مايتعلق بالنبات من تشريح ومناعه وفسيولجى وسلوك وتقسيم و وراثه وغيرهم ويختص ايضا
بدراسه الفيروسات

قسم entomology الحشرات
ويختص بدراسه الحشرات من تشريح وفسيولجى وسلوك وتقسيم و وراثه وغيرهم ويختص ايضا
بمقاومه الافات والحشرات ( الجراد)

وهناك قسم microbilogy الميكرو بيولجى

وده مهم جدا زى الكمياء الحيوى ويختص بدراسه الكائنات الدقيقه ودايما بتوع حيوان ونبات بيتنافسوا عليه
لاهميته فى الابحاث

وطبعا لاننسى ان كل من هذه التخصصات مذوج مع الكمياء حتى يسهل وجود فرصه عمل فى بلد لاتعرف معنى للبحث العلمى

التنسيق

تاتى كليه العلوم فى المرتبه الثالثه فى كليات القمه العلميه
فهى لاتتخلف كثيرا عن كليات الطب والصيدله والعلاج الطبيعى واسنان والهندسه بانواعها
ولكن من الملاحظ ارتفاع الحد الادنى خلال السنوات الماضيه
اعتقد الحد الاعلى وصل 93% العام الماضى
واكيد هيزيد مع مرور الزمن(أيوه فعلا هو زاد يعني علوم دمنهور السنه ديه 2009 وخده 94 و شويه اعلى من علوم اسكندرية)

وتتوزع كليات العلوم فى جميع جامعات مصر من اسكندريه الى اسوان
ولكن ليس هناك اى تنسيقبين هذه الكليات وبعضها
فمواد الدراسه هنا والاقسام تختلف تمام عن هناك وهكذا

واقوى الكليات هى التى فى المحافظات الكبرى على الرغم من معظم اعضاء هيئه التدريس فى اصغر الكليات من ذوى الكفاءه العلميه والعمليهواكيد سافروا للخارج عده مرات

وبعد دخولك الكليه تقوم بكشف طبى اى كلام وعمى الوان
وعلى الرغم من ان الدراسه تعتمد فى العملى على الالوان الاانه ليس له قيمه هذا الكشف

نظام الدراسه :

اربع سنوات ممكن اكتر مش اقل :evil_lol:
الدراسه باللغه الانجليزيه فى الجامعات الكبرى
ولكن الاقاليم فى اولى بالعربى وده طبعا نقطه ضعف مهمه جدا

تنقسم سنه اولى الى مجموعات عامه تؤهلك لدراسه والتخصص بعد ذلك
والمجموعات على حسب مواد الثانويه العامه ودرجاتها

الصف الثانى تكون تخصص عام مثل بيولجى
الصف الثالث والرابع تخصص اكتر مثل حيوان - او غيره

ده طبعا مع تخصص الكمياء اللى بيطبق فى الجامعات الكبرى

وطبعا التخصصات الحلوه هتلاقيها بتقدير لدخولهامن سنه 2
زى كمياء منفرد - كمياء حيوى - قسم حيوان - ميكروبيولجى - قسم نبات

فى امتحانات اسمها midterm ودى بتكون بعد اول شهر او اسبوعين
وبعدين قبل النظرى بشهر او اقل العملى
وبعدين النظرى مادتين فى الاسبوع

اصعب سنه فى ناس بتقول اولى وناس بتقول 3 او 4
بس الكل اجمع ان 2 اسهل سنه

فى نظام الساعات المعتمده وده قلب كل الموازين وانا لم اجربه ولكن بشجعه جدا

واحب اقول ان كل ده بيختلف من جامعه لاخرى وكل لما تروح الاقاليم بيكون الموضوع اسهل فى كل شئ

العمل
طيب انت خلصت الكليه هتشتغل ايه ؟

انا عن نفسى عرفت هشتغل ايه لما فعلا خلصت ونزلت سوق العمل
المجالات المتاحه

انت اسمك كميائى او لو تخصص مذوج ممكن تسمى نفسك بالتخصص الثانى (بيولجى -جيولجيى - فيزيائى )

المجالات المتاحه فى سوق العمل كتير جدا ولكن اشهرها

( اخصائى تحاليل طبيه - مهندس جوده - باحث- مهندس بترول - مندوب شركات ادويه medical rep.
التدريس فى المدارس بكافه مراحلها -- التدريس فى الجامعات- تخصصك نفسه كميائى او فيزيائى )

مع التنبيه على ان المسمى الوظيفى والتفاصيل تختلف من مكان الى اخر وعلى حسب شخصيتك هتفهم بعدين

التحاليل الطبيه :

عند تخرجك من الكليه اسمك كميائى ولكن عند حصولك على دبلومه او ماجستير بتقوم باستخراج كارنيه اخصائى
على الرغم من التعيين فى الحكومه تحت مسمى وظيفه اخصائى تحاليل دون دبلومه او ماستر

فى المعامل الكبيره نوعين
sampling سحب عينات مرتبها يبدا من 300 ويصل الى 1000 او اكتر على حسب المكان والزيارات
chemist كميائى واحدات وتعمل على اجهزه التحاليل الطبيه فىالوحدات 400 جنيه

او معمل صغير تشتغل فيه سحب ويدوى وده على حسب مستواك الاحترافى وخبرتك يبدا من 300
وبتكون المده فيه قليله

الجوده :

لايعمل الكثير منا فى الجوده على الرغم من فلوسها الكتير ولكن لاسباب الاتيه

الجوده يعمل بها خريجى الجامعه العماليه بتخصص يسمى حوده
خريجى هندسه
خريجى علوم

وتنقسم الجوده الى جوده معمل وهى تابعه فى الغالب الى مدير المصنع وجوده انتاج وهى تابعه للانتاج
يعنى واحده سلطه والتانيه فلوس اكتر
المرتبات فى الشركات المحترمه تبدا من 800 +200 يعنى حوالى الف

البترول :

وده انا سمعت عنه كلام كتير اوى
اول حاجه شركات خدمات بتروليه ودى مرتبهازى ماسمعت حوالى لف ونص ووحشه
شركات البترول ودى لن اتحث عن مراتبتها عشان الحسد 2000 دولار:crazy000:

بتشتغل فى المعمل او بتحضر mud وهى الواد المسئوله عن زوبان التربه
بصوا انا زهقت اى حتى فيها معمل اى كان ممكن نشتغل فيها
وياريت اسمع الردود والتعليقات ورسائل الشكر

ميرسى ليكى يا قمر وانا قررت اتجوز واقعد ف البيت ههههههههههههههه لا طبعا بهزر انا نفسى اشتغل فى شركة ادوية بجد بس طبعا دة كله الا ان يشاء الله رب العالمين وتكون فى الكس لانى بحبها اوى ياااااااااااااااااااااااااارب ننجح الاول والشغل دة بقى ع ربنا عزوجل بس بجد توبيك جميل تسلم ايديك يا عسل

عندك حق والله
تسلم ايدك

فى حجات كتييرة اووى من اللى انتى قولتيها مش عندنا فى الكليه

الحجات دى فى علوم القاهره وعين شمس

انا نفسى حد ينزل موضوع خاص بالكليه بتاعتنا

لان كل ماحد عايز يعرف حاجه مبتلقيش حد يجاوبك ولو سالت حد فى الشؤن مبيدكش اجابه واضحه

بجد اسؤا حاجه بجد انك تدخل كليه لسه جديده مش عارف راسك من رجليك فيها

لو انتى فى علوم معانا حاولى تنزلى موضوع عن الامكانيات المتاحه لينا فى كليه علوم دمنهور

بجد اسؤا حاجه بجد انك تدخل كليه لسه جديده مش عارف راسك من رجليك فيها
.......
سوري انا مش معاكي في كده بالعكس و بعدين انت ممكن تسألي وكيل الكليه ايه إلي يخليكي تسألي الشؤون
ممكن تروحي لد.إلهامي أو د.كارولين همه ممكن يفيدوكي
و ممكن لو مش عجبك الكليه حولي علوم أليكس او كايرو

بجد اسؤا حاجه بجد انك تدخل كليه لسه جديده مش عارف راسك من رجليك فيها
.......
سوري انا مش معاكي في كده بالعكس
بالعكس ازاى يعنى انت عجباكى الامكانيا الموجوده ف الكليه ولا ايه

و بعدين انت ممكن تسألي وكيل الكليه ايه إلي يخليكي تسألي الشؤون
ممكن تروحي لد.إلهامي أو د.كارولين همه ممكن يفيدوكي

على اساس انك اول ما بتروحى بتلاقيهم وبتعرفى توصللهم بسهوله واول ما تساليهم بيفدوكى انا مجربتش بس نجرب مش هنخسر واللى انا متاكده منه مش هلاق اجابه على اسالتى

و ممكن لو مش عجبك الكليه حولي علوم أليكس او كايرو

ههههههههههههههههههههههههههههههههههههههههههههه

دى بق هفضل اضحك عليها شهرين تلاته اربعه
حسستينى بالسهوله وان الدنيا لسه بخير بس الساله دى صعبه جداااااااا جدااااااا فوق مما تتخيليها
بس ان ش الله انا هحول السنه الجايه

لان فعلا اسؤا كليه بجد شوفتها من غير ما تعمل ندوات واجتماع ويفهمو الطلاب عن اقسام الكيه المتاحه ليهم والشعب اللى ممكن يدخلوها والخطط اللى تمكن الطلاب وفين نظام الساعات المعتمده وفين الجوده وفين وفين وفين ...
اوك كل ده مش بيحصل فى لحظه بس مش هنستنى لغايه ما نترخج ويعملو الحجات دى هنستفاد اي

ده رائى واختلاف الرائ لا يفسد للود قضيه

انت عيزة نظام الساعات في إيه اذا كان مش اصلا عليكي ده هيطبق السنه الجايه على إلي دخلين أولى والمدبلرين هيخيروهم
لكن إلي معاهم مواد هيكون النظام القديم
و بعدين مين قلك إنهم مش عملوا اجتماع طلبه وقالوا فيه واتكلموا عن كل حاجه وده كان السنه إلي اتت أول يوم في الكليه بس كان في رمضان ف مش زنبهم إنك محضرتهوش

انت عيزة نظام الساعات في إيه اذا كان مش اصلا عليكي

وميطبقش عليا ليه وعلى دفعتنا ليه عشان لو الواحد طلع لقدر الله بمواد ميضيعش سنه من عمره
انا من رائى النظام ده هيفيدنا كلنا والمفروض يطبق علينا
يقولوا سبب واحد مقنع انه مشمن حقنا ان يطبق علينا وعلى الدفعه اللى قبلنااشمعن يعنى دفعه السنه دى
عندك انتى تفسير لده ؟؟؟؟؟

بعدين مين قلك إنهم مش عملوا اجتماع طلبه وقالوا فيه واتكلموا عن كل حاجه

ومين الك اساسا انى محضرتوش وكرمو اساسا فى الاوائل والعميد ما اتكلمش عن كل حاجه بايضاح
وهيخسرو ايه لو عمل اجتماع تانى ووضحولنا فيه الاقسام والشعب اللى تحق لطبيعه ولبيولوجى ولو دخلت القسم كذا قدامك فرص شغل ايه

كل دى اسئله عند اى حد مش لاقى اجابه عليها

وف الاخر انا بردو مشمقتنعه بموضوعك ده
المفروض تنزلى حاه واقعيه موجوده وخاصه بكليه علوم دمنهو

ده رائى واختلاف الرائ لا يفسد للود قضيه

ازاي يطبقوا النظام عليكي السنه الجايه انت لو عيزه يطبقوا ده معناه انك هتشيلي مواد كانت المفروض تكون عليكي في سنه اولى و تشيلي سعات
لأن نظام الساعات بيخصص لكل مده عدد ساعات معين لازم لما تكوني متخرجه تكوني مخلصه الساعات ديه
و بعدين انا كنت في الكليه النهرده وعرفت ان إلي شيلين مواد نفس مواد السنه المنصرمه
و الظلم كله للهيعدوا السنه مصيرهم لسه متقررش مش عرفين هل هيخيروهم وله لا بين الساعات و الليحه القديمه وحتى مش عرفين هل لما يطلعوا تانيه هيطبق عليهم نظام قديم وتبقى ليهم محضرات لوحدهم وله
هيعملوا فيهم ايه

هيا من الا خر كلية حسبنا الله ونعم الوكيل فيها يارب تتحرق تولع كدة وميلقوش ماية يطفوها وبعدين يدورا ع ماية لحد ما يطفوها بس بعد اية ما تبقى حتة فحمة وبعد ما ترجع تانى ويجددوها يعدى اتوبيس فاخر انا عرفاة يدخل جواها ويموت كل الدكاترة واحنا طبعا اليوم دة اجازة امضاء عاشقة كلية العلوم بدمنهور

هيا من الا خر كلية حسبنا الله ونعم الوكيل فيها يارب تتحرق تولع كدة وميلقوش ماية يطفوها وبعدين يدورا ع ماية لحد ما يطفوها بس بعد اية ما تبقى حتة فحمة وبعد ما ترجع تانى ويجددوها يعدى اتوبيس فاخر انا عرفاة يدخل جواها ويموت كل الدكاترة واحنا طبعا اليوم دة اجازة امضاء عاشقة كلية العلوم بدمنهور

والله كليه علوم دمنهور دى مش علوم عموما
فيها حاجه غلط حتى العاملين فيها بيقولو كده
ع فكره احنا فينا ناس اذكيه جدا وممكن يوصلو لنوابغ
بس بجد الى موقف كل ده اسلوب الكليه
كل ده بقى يدخل ان مفيش حد بيفدنا لا دكاتره ولا وكيل الكليه ولا حتى العميد
لانهما اصلا مش فاهمين بجد عندنا المساله مساله حظ
بس مش مع كل الناس مقدرش اعممها

بجد بجد ربنا يكرمكو كلكو
مش عارفه اقولقو ايه
يعنى طمنطونى وخليتو عندى امل فى الحياه
مش عارفه اوصفلكو ازاى
ملحوظه انا لسه الفرقه الاولى اللى اتطبق عليها نظام الساعات
ولحد دلوقتى مش فاهمه حاجه
اهم حاجه اننا مبنبقاش عارفين الدكتور جى ولا لاوبنقعد ومبيجيش او بيقولو مفيش وبيجى حاجه تحفه ربنا يطمنكو بالزيادة

تعرف إيه عن كلية علوم ...؟؟؟

بجد الموضوع ده المفروض كان يجى بدرى شويه
وفعلا منتدنا محتاج مواضيع زى دى

بصى يا توتة النظام دة حلو ومش حلو ف نفس ذات الوقت لانك لوطلعتى بمواد بعد الشر عليكى يا قمر مش تدبلرى او تعيدى السنة بس لو مش نجحتى تفضلى تمتحنى فيهم لحد ما تنجحى فيهم بس اطمنى النظام دة حلو جدااااااااااااااااااااااااااا بالنسبة للكلية الى عمله زى علبة البسكوت دية فالمشكلة ان احنا اصلا مش عارفين حاجة فيها لانها جديدة وحتى الى فيها مش فاهمين بس خليكى مع المحاضرات وان شاء الله خير

مش تخافى من حاجه والكليه جمييله واحسن من كليات كتير ومحدش يقول انها صعبه

بصى هتذاكرى هتشوفى سهوله الكليه

هتكبرى وتنفضى بقى وتبقى قاعده جنبا على السلم طبعا لازم تقولى انها صعبه وطلعى فيها كل حاجه وحشه

عيب كليتنا بس انها جديده ومفيهاش امكانيات لسه

بس هتحبيها اكيييد يعنى محدش داخلها برغبته بس انا شخصيا حبتها لانى مقتنعه انها الخير ليا اكيد

والله انتى من نفسك هتعرفى تعملى ايه

زينا بالظبط وانتى مش فى داعى انك تخافى اصلك هتخافى من ايه مش هتعيدى

والموضوع ايزززززززززززززززززززززى خالص

لا ياس مع الكليه

شوفي يا توتي انت بجد ضحكتيني بإنك مش عارفه لما الدكتور يتأخر تمشي و له تستني
شوفي يا ستي نصيحه من مجرب
الدكاتره ديه بس إلي تحضري ليها لأن بجد بيقولوا حجات بتيجي في الامتحان
د.مدحت شاكر بتاع الكيميا ده لو بيديكي
د.درويش لأنه بياخد باله من الحاضر و مين منفضله
احضري محاضرة الفيزيا بس لدكتورة ناديه غير كده مش هتستفيدي حاجه
بس اهم شيء اشتري كتب الكيميا النظري وخدي بالك ان العملي اجباري انك تشتريه و غير كده هتدفعي فلوس على الفاضي بس لو الدكتور هزأ على الكتاب اشتريه عشان تسكتيه لأنه ممكن يسقطك في المده زي حلاتي
باقي المحضرات ممكن تحضري و تعيشي حياتك مع الموبيل و الهاند فري و لو الدكتور قال فهمين بس هزي راسك قوليله ايوه
و طبعا الاسكتش خليه دفتر رسم محترم ده على اساس انك قعده بتكتبي المحضره
ديه شوية نصائح للطلبه إلي نوروا المنتدى من دفعة أولى
آه بالنسبة لنظام الساعات هبقى احط موضوع قريب اعرفك فيه النظام ماشي ازاي
............
و لو عايزه اي حاجه ممكن تبعتيلي على الخاص وانا هحاول افيدك و اي خدمه

..........
علوم سابقا ...

مش عارفه اشكوركو ازاى والله ده جد والله المرادى ربنا يسهل الحال
شكرا ميمو على العرض الجميل ده ربنا يجازيكى خير
بس كده انتى كده جبتى لنفسك صداع على فكره د. مدحت مش بيدينى
ود.محمد درويش ده جابلى الضغط
بس الحمد لله على كل حال

الضغط بس

يابختك

هههههههههههه

لا والله هوا لسه فى حاجات

» تعريف طالب علوم
» فـ كلية العلوم
» اغنية كلية العلوم
» مجالات عمل خريج علوم
» *•~-.¸¸,.-~* خريطه منتدى طلاب كلية العلوم*•~-.¸¸,.-~*