تعليم بلا هدف شباب بلا امل

السلام عليكم ورحمة الله وبركاته

بسم الله الرحمن الرحيم

تعليم بلا هدف شباب بلا امل جملة اخترتها لانها بتعبر عننا كلنا وعن شباب الجيل كله التعليم هو سبب من اسباب فشل البلد دى

احنا بنتعلم ليه بالنسبة للشباب عشان يكون منظر اجتماعى وهو رايح يتقدم للى عايز يتجوزها عشان مش يكون منظره وحش وانه خريخ دبلوم الجملة المشهورة (يتعلم عشان ياخد الشهادة وخلاص)

انا لحد دلوقت مش عارف احدد هدفى ايه ولا ايه طموحاتى الا انى ارضى ربن وارضى اهلى انى عملت اللى عليا فى تعليمى .بس لما اتخرج هشتغل فى مجالى متيهقلى شى شبه مستحيل ادينى زى كل الشباب بذاكر وانجح وخلاص اهو منظرة زى ما بيقولوا

والنبى مفيش حد يقولى تعليم الكلية مهم والكلام الفاضى ده
آسف يعنى احنا بنتخرج من الكلية مش فاهمين حاجه فى البطيخ

وبالنسبة للبنات تلاقى اغلب الكليات الكبيره (طب _صيدلة _هندسة ) واستغرب بشده يعنى انتى طحنتى نفسك فى الثانويه العامة عشان تجيبى مجموع وفى الكلية شوفوا كام سنة فيها
وفى الاخر تاخد الشهاده وتتجوز بيها

انا مش عارف انا بقول الكلام ده ليه يمكن عشان مش عارف احدد حاجه الا زى احمد مكى بيقول بحدد دقنى بس ...... معرفش برده

اللى بطلبه كل واحد يقولى ايه اهدافه فى الحياة وايه طموحاته وعايش ليه

وآسف على الاسلوب اللى كتبت بيه