عملنا ايه للمسجد الاقصى ..؟؟!!!!!

بسم الله الرحمن الرحيم
السلام عليكم ورحمة الله وبركاته

(سبحان الذى اسرى بعبده ليلا من المسجد الحرام الى المسجد الاقصى
الذى باركنا حوله لنريه من أياتنا )


حبيت ابدأ كلامى بالايه الكريمه دى ..وبعدين اسالكو السؤال ده واسال نفسى قبلكو ...

عملنا ايه عشان المسجد الاقصى ؟؟؟!!!!


عرفنا الاجابه ولا لسه ولا بندور على حجه نبرر نفسنا بيها ..!!
طب لو لقينا الحجه دى واقنعنا نفسنا ان مفيش حاجه بايدينا واحنا
بندعيلهم ومانملكش الا الدعاء وووووو ...غيره كتير من الحجج اللى بنضحك
بيها على نفسنا ..بس خلى بالك مش هتعرف تضحك على ربنا ..

يوم مانقف كلنا يوم الحساب بين ايديه ويسالنا السؤال ده ...

هنقوله ايه ؟؟؟؟؟؟!!!!!!!!!!!!


دعينالهم يارب ..!!!!! تفتكر دى اجابه كافيه ع السؤال ده؟؟!!!!


انت عارف يعنى ايه المسجد الاقصى ؟؟؟!!!!

لا معتقدش ان اننا عارفين والا مكنش حد فينا سكت عن كل اللى بيحصل فيه ده ومش دلوقتى بس..

المسجد الاقصى كان مطمع لليهود على مر العصور مش ايامنا دى بس ..لكن فى فرق بين دلوقتى وبين زمان..

زمان كان فى بجد رجاله شباب حامل هم دينه ..شباب كل همه انه يدافع بكل مايملك عن اعز واغلى مايملك المسلمين كلهم ..

شباب كل همه هيقول ايه لربنا يوم الحساب ..ازاى يرضى ربه ..ازاى يأدى رسالته على اكمل وجه زى مانبيه عليه الصلاة والسلام اداها..

ازاى يكمل مشواره فى دفاعه عن دينه بدمه وماله وروحه ..ازاى يبين للعالم كله انه اقوى مما يتصور العالم ..

وان كرامته هى كرامة كل مسلم وهى كرامة دينه ..ازاى يبذل كل مايستطيع عشان يحمى الدين العظيم ده ...

شباب كان كل همه عزة الاسلام ..وبس ..!!!!

ياترى فى دلوقتى الكلام ده ؟؟!!! ولا راحو فين المسلمين..

اخواتنا هناك بيدافعو بكل مايملكو عن المسجد
الاقصى وميهمهمش اى حاجه الا ربنا ونصرة دينه ..اما هنا للاسف معظم الشباب
ومش هقول كلهم غرقانين ف اللهو واللعب والرقص والغنى والموضه ..

ده كل اللى بقى يهمنا دلوقتى ..؟؟!!!!


ارجع تانى لسؤالى ..عارف يعنى ايه المسجد الاقصى ؟؟؟!!!!

مش هقولك ده اولى القبلتين وثالث الحرمين الشريفين ..لان مفيش حد مش عارف الكلام ده ..

بس هقول حاجه وحده بس واظن ان هى كفايه اوووووى ولازم تفوقنا م اللى احنا فيه..

سمعت الايه اللى فوق ...ايوه اقراها تانى كده..

تعالى نقراها تانى مع بعض..

(سبحان الذى اسرى بعبده ليلا من المسجد الحرام الى المسجد الاقصى
الذى باركنا حوله لنريه من أياتنا )


عارف ليلة الاسراء والمعراج ..اكيد طبعا عارفها ..

الليله اللى النبى عليه افضل الصلاة والسلام صلى
فيها ب 124 الف نبى ..صلى بكل الانبياء ف المسجد الاقصى ف اخشع واروع واتم
واحسن صلاة على وجه الارض...

عرفت بقى قيمة المسجد الاقصى ؟؟ولا لسه فى كلام تانى بعد كل اللى عرفناه ده

ودلوقتى بعد كل الكلام ده ...هتقولى

وبعدييييييين ؟؟؟!!!!!

اهو السؤال ده بقى تساله لنفسك ..كل واحد فينا
المفروض يرجع لنفسه يفكر ف حاله ..انا مش بتكلم معاكو ف الموضوع ده عشان
اثير مشاعر ..ده مش هدفنا هنا..

لكن كلنا لازم نعمل حاجه ..الحاجه دى انت اللى عارفها ..يعنى بص لنفسك

ربنا بيقول (ان الله لا يغير مابقوم حتى يغيروا ما بانفسهم )

بتدعيلهم ربنا ينصرهم ؟؟!!طب ازاى ..صدقونى حالنا
ده مش هيتغير الا لو احنا حاولنا نغير نفسنا ..ساعتها ربنا فعلا هينصرنا
وهيدافع عنا ويحفظنا ..

..حالك عامل ازاى مع ربنا ..بتسمع كلامه ولا لا
..محافظ ع الصلاة ولا لا ..بتوب لو عملت معصيه ولا مش همك ..لبستى الحجاب
المظبوط ولا لسه ..

النبى قيمته فين صلى الله عليه وسلم ف قلبك ..بتحبه بجد ولا لا ..

هتقولى هو فى حد مبيحبش النبى ..ايوه لو مبتعملش بكلامه يبقى حبنا ده مش من قلبنا ..

اللى بيحب حد بجد بيكون عايز يرضيه باى شكل وباى طريقه ومهما كان التمن ..صح .؟؟

والنبى مش هيرضى عنا الا لما نعمل باللى قالنا عليه ..
امال ربنا بعتهولنا ليه ..؟؟!؟!!!


ولو انت طالب ..اخبار المذاكره معاك ايه ..بتحاول تجتهد وتتعب وتذاكر بجد ولا مش فارقه معاك ..

هتقولى وده دخله ايه ف موضوعنا ..

هقولك ده هو ده اساس موضوعنا...

هو اللى المسلمين فيه ده كله عشان ايه ..مش عشان شايفنا مش اقويا زيهم ..

والقوه ف الزمن ده مبقتش تيجى الا بالعلم وماتنساش ان ربنا عز وجل بيقول

(انما يخشى الله من عباده العلماء )

ياجماعه العلم العلم العلم هو طريقنا للتقدم ولو اتقدمنا هنبقى زيهم وهنقدر نغلبهم ..

لو كل واحد فينا اهتم بدراسته ولو انت خلصت دراسه
وبتشتغل ..يبقى ارجوك اشتغل بضمير وكل ده لصالحنا ..والله العظيم عمرنا
ماهنندم ..هنرتاح اوى ع الاقل لما نحس ان احنا مش مقصرين ..


..طبعا من الحاجات اللى مينفعش انى اقولها اصلا لانها لا مفرمنها يعنى ..

المقاطعه

واظن ان دى حاجه سهله اوى اوى ..وحط ف دماغك ان اى منتج يهودى انت بتجيبه اعرف انك بتقتل بيه واحد من اخوانك المسلمين ..

وطبعا يعنى بعد كل ده
الدعاء

لانه سلاح المؤمن وكمان الدعاء عباده زى ما النبى
عليه الصلاة والسلام قالنا ..بس قبل ماندعى ربنا نكون عملنا اللى علينا
على اد مانقدر ..عشان نقدر نرفع ايدينا ونقوله

يارب
بكل صدق ..


افكرك تانى ..حبيبك النبى عليه الصلاة والسلام صلى بكل الانبياء ف المسجد الاقصى ..

ودى لوحدها كفيله باننا نبذل كل مانستطيع للدفاع
عنه ..لو واحد فينا التزم وبص لنفسه وفكر ايه اللى ممكن يعمله هيلاقى
كتيييير اوى وهيحس بالتقصير ..
وهى دى البدايه ..

اتمنى بجد انى اكون بالكلام ده مش اثرت مشاعرك بس
..اتمنى اننا نتحرك ..ع الاقل نكون حاولنا ويكفينا شرف المحاوله وربنا مش
هيضعنا ..بس نحاول ..!!

وف النهايه بدعى ربنا انه يقدرنا ان احنا نعمل اللى علينا ف نصرة المسجد الاقصى ..




اللهم صل وسلم وبارك على نبينا محمد ..

اللهم حرر المسجد الاقصى وصبر اهله وثبت اقدامهم وانصرهم على القوم الظالمين ..

اللهم اغفر لنا ذنوبنا وتقصيرنا فى امرنا ..

اللهم وحد كلمة المسلمين واجمع شملهم يارب العالمين ..اللهم اهد شباب المسلمين ..
اللهم ايقظنا من غفلتنا يارب العالمين ..

اللهم انصر الاسلام واعز المسلمين فى كل مكان ..امين امين امين...

وصل اللهم وسلم على الحبيب المصطفى وعلى اله وصحبه اجمعين ..
منقول