ادخل اتفرج ع الشرفين

خطيبة مشرف كل لما تتصل بيه تطلعلها رسالة مسجلة _السرفر مشغول حاليا_حاول في وقت آخر
-مشرف شغال في المرور كل ما يشوف عربيه مخالفة يديها تقييم سالب
-مشرف كتب كتابه في موضوع وعمل الفرح في منتدى التهاني والمناسبات ووزع على المعازيم تقييمات موجبة
-مشرف متخانق مع مراته عملها حظر
- مشرف خلف توأم احتفظ بواحد وحط الثاني في قسم المواضيع المحزوفه
-مشرف جتله فاتورة التليفون كبيرة عملها تعديل
-زوجة مشرف نسيت تحط ملح في الأكل حطلها تقييم سالب
-مشرف بيتغزل في مراته _بيقلها انتي موضوع عمري ........انتي مشاركه حياتي ......انتي كل صلاحياتي
-مشرف عاوز يخطب عضوه بيقلها ممكن أسجل عندكم في البيت بس ياريت والدك ميتأخرش عليا في رسالة التفعيل
-مشرف عنده حالة نفسية كل ما يكتب موضوع يحذفه
-مشرف عام موظف في مصلحة حكومية شرط على كل عضو يكتب مشاركه يحط عليها ورقة دمغة
-مشرف دخل منتدى المناقشة طلع بخمس غرز وارتجاج في المخ
-مشرف دخل منتدى القضايا السياسية قبضوا عليه في مظاهرة
- مشرف عاوز يطرد عضو مميز من المنتدى حط في واحد من مواضيعه حتتين حشيش وبلغ عنه
ـ مشرف مراته بعتت له موضوع بعنوان " البصل " وكتبت له : متنساش تجيب بصل معاك وانت جاى ،، رد عليها وقال لها : حاضر ،، بعد شوية بعتت تقول له : البصل خلص من عندنا ،، رد عليها وقال لها : حاضر ،، شويتين بعتت له تقول له : من غير بصل مش هعرف أطبخ ،، آخر ما زهق قام وضع موضوعها في خانة المواضيع المثبتة
ــ مشرفة عشان تبقى محامية ،، قعدت تحفظ في قوانين المنتدى
ــ مشرفة قابلت مشرفة صاحبتها فقعدت تقول لها : خطيبي دا وسيم بشكل ،، خطيبي دا محترم جدا ،، خطيبي دا كل البنات بيحسدونى عليه ،، خطيبي 000 الخ ، تاني يوم قابلتها وقعدت برضو تشكر وتمدح في خطيبها قدامها ،، ثالث يوم اكتشفت إن صاحبتها المشرفةاقتبست منها خطيبها واتجوزتو
ــ مشرف نفسه مراته تخلف ولد ،، أول مرة خلفت بنت فسماها عديله ،، تاني مرة خلفت بنت فسماها اعتدال ،، تالت مرة خلفت بنت برضو فسماها " تعديل "
ــ مشرفة جوزها ضربها وفتح لها راسها راحت عملت له بلاغ في قسم الاقتراحات والشكاوى
ــ مشرفة حبت تضايف حماتها فدخلتها على قسم فنجان قهوة وقالت لها : اتفضلى اشربي
ــ مشرفة جوزها طلقها ونفسها ترجع له تاني فبعتت تقول له : ممكن " إضافة رد " ؟؟؟
ــ مشرفة راجعة من شغلها جعانة جدا فأخذت رغيف عيش ودخلت قسم المطبخ وقعدت تغمس بالمواضيع .
ـ مشرف مردش على الموضوع ده اختفى في ظروف غامضة