احدث نكت

ليه القطر مهم ..................... عشان تحتيه خطين

ليه سندوتشات الكفته والبطاطس بتجري ......................... عشان وجبات سريعه

ليه اليابان معندهاش حنان ....................... عشان هي في قاره ( آسيا )

ليه البرازيل معندهاش زراعه .........................عشان هي في قاره ( لاتينيه )

حاجه بتجري وعندها راسين و 8 ارجل ............................. كلبين بيجروا جنب بعض

ليه القرد سريع ................................ عشان القرد في عين امه غزال

ليه الفيل بينزل البحر بالشورت الاحمر ........................ عشان الشورت الاخضر مش نضيف

ليه الصعيدي بيحط جنبه منبهين .......................... عشان واحد يضرب والتاني يحوش

ليه الكلب بيهوهو ............................ عشان القطه بتنونو

اول مخلوق ظهر عالارض هو الحمار الوحشي ليه ؟؟ ........................... عشان لونه ابيض واسود

حاجه ليها اربع رجلين وطايره في الهوا ........................ قطه مضروبه بالشلوت

عاوزين نطير كلب نعمل ايه ............................ نضرب في ( واحد على الكلب ) .. الكلب يطير مع الكلب

ليه النمل مش بترضي تركب الفيل قدامها عالعجله ........................... عشان بيلعب في الجرس

فرخه معلقه سلسله فيها صوره بيضه ليه ؟؟ .............................. صورتها و هي صغيره

فرخه معلقه سلسله وفيها صوره بيض اومليت ليه ؟؟ ............................. صوره اخوها الشهيد

واحد ماشي في الشارع و لابس كوتشي ابيض ليه ؟؟ ........................ عشان ماشي مع الطقم

واحد بلديتنا واقف قدام المرايا و مغمض عنيه ليه ؟؟ ......................... بيشوف شكله و هو نايم

و دي فوايز للمهندسن فقط :

واحد تايه في الصحرا ومعاه مسطره حرف تي ..يعمل ايه ؟؟ .......... يسمك المسطره ويقيس مسافه ... يكاملها تبقى سرعه ...
يكاملها تاني تبقى عجله ... يركب العجله

ليه اللبن جايب ( ض.ج ) في الرسم ؟؟ .............. عشان لما بيقطع مش بيهشّر

ليه اللبن جايب ( ض.ج ) في الرياضه ؟؟ .............. عشان لما بيــ( كامل الدسم ) بينسى يحط الثابت

اسرع نكت هاتسمعها في حياتك :

واحد بلديتنا باع التلفزيون ... و اشتري بتمنه فيديو

واحد بلديتنا اكل رغيف فينو .... نسي اسمه

واحد بلديتنا اشترى مصفاه لقاها مخرمه .... رجعها

واحد بلديتنا قلع العمه ... فقد الذاكره

جماعه بلديتنا بيلعبوا صلح بالنبابيت !

ظبطوا جماعه بلديتنا ظبطوهم بيشموا اسمنت ابيض !

8 بلديتنا ماشيين ورا بعض .. و قعوا في بلاعه واحده

2 بلديتنا بيلعبوا شطرنج الاتنين خسروا

واحد بلديتنا امتحن لوحده .. طلع التاني

مره واحد ... والتاني مامرش

مره واحد حب ..... أكلته العصافير

مره لبن شاااااااااااااط ...... جاب جون

مره لبن فار ............. كالته قطه

مره واحد بلديتنا اتكرع ..... موت سته

مره واحد بلديتنا نزل الترعه .... البلهارسيا خرجت تحلل

مره واحد بلديتنا بيتاوب ....... بلع فار

مره واحد بلديتنا نايم بيشخر ...... كسر ازاز البيت

مره واحد بلديتنا دخل في رجله مسمار مرفش يطلع ... تـناه

مره واحد طلع عالمعاش معرفش ينزل

مره واحد راح صالون حلاق ... الحلاق بيقولوا عاوز ودنك دي ... قاله لأ ... راح قاطعها و راميها في الزباله ..
قال عاوز التانيه ... قاله اه ... راح قاطعها و حطهاله في جبيه

************************************

************************************
أقرع حب واحدة، معرفش يعبر لها عن شعوره.

شيطان يوسوس لصعيدي جاب معاه 4 شياطين هو يوسوس والباقي يفهموا الصعيدي.

صعيدي اشترى سيارة وبيسمع الراديو لقاهم بيقولوا هنا لندن، قال: ينعل أبو السرعة.

صعيدي افتتح مخزن أنابيب بوتاجاز، فجر اثنين دعاية.

صعيدي حب واحدة، اتجوز اختها علشان يشوفها كل يوم.

صعيدي عمل عملية، نجحت، عملها تاني.

صعيدي في الشرطة قبض على خروف، بياكل حشيش.

صعيدي كبر دماغه، معرفش يخلع الجلابية.

صيدلاني تزوج صيدلانية خلفوا تركيبة.

عفريت دخل في واحد صومالي مات من الجوع.

فرخة اتجوزت فيل، جابوا تشكن فيليه.

كلب شوارع شاف كلب بوليسي، قال آه لو كملت تعليمي.

مأذون مش لاقي شغلانة طلق مراته.

المدرس: يعيش السمك في الماء، الطلاب: يعيش يعيش يعيش.

موظف أرصاد جوية عنده بنتين الكبرى 23 والصغرى 5.

ميكانيكي اشترى سرير نام تحته.

واحد رخم ضرسه بيوجعه، قال للدكتور اخلع لي كل ضروسي وسيبه لوحده زي الكلب

نمله راكبه جمل وبتصررررررررخ ياترى ليه بتصرررررررررخ ليه ؟؟؟؟؟؟؟؟؟؟؟؟ ............علشان شبشبهاااااااااا وقع

مرة دكتور اسنان سرق حبسوه فى سيجنال2

واحد غبي أوي اوي راح السينما لقى يافطة على الباب مكتوب عليها ممنوع الدخول لأقل من 18 راح ورجع معاه 17واحد

مرة واحد بيستهبل اتجوز واحدة بتستهبل اول ما خلفم خلفوا ولد اول ما نزل عمل نفسة ميت

غبى سألوه...تعرف ايه عن السيفون؟ قاللهم ده صندوق في حبل صغير بتضغطه فبيطلع لك مايّه ،...... يابتلحق تشرب يامبتلحقش

مره واحد عبيط اشترك فى اسرع مسابقة رسم ، بدأت المسابقة ورسم نقطة..... المشرف بيسأله ايه ده يا ابنى .... فقاله ده فيل بس جاى من بعيد يا فندم

بيضة جواها كتكوت عدت عليها عربية ماتكسرتش ...ليه؟؟؟ ..............................
علشان الكتكوت كان رافع إيديه و رجليه

واحد رزل دخل السيما ما لاقاش غير واحد بس قعد وراه وقاله دماغك لو سمحت

مرة واحد ظريف عاش في الدور.واحد أظرف منه عاش في الدور اللي فوقه

ليه بلدياتنا لما بيشتري بيت بيدلق لبن عليه؟؟؟؟؟؟؟ ؟ عشان يبقي بيت (ملك)

مرة واحد بتاع فيديو جيم مات كتبوا على قبرة game over

سوداني اتجوز سودانيه خلفه صبي اشقر وعيونه خضر سمه مستحيل

مرة مدرس رياضيات اتجوز مدرسة رياضيات أنجبوا طفل متوازي الأضلاع

مدرس كيمياء رزق بولد .... فسماه سامي أكسيد الكربون

مرة واحد كهربائي أبو مات،لفو في شيكارتون و دفنه في الحيطة.

مرة واحد سافر الكويت لقى الاسامى بوحمد و بو فهد و بو محمد و بو فيراس راح سمى نفسه بوكيمون

واحد سباك نفسه اتسدت غرق الشقه

مره ولاد بلدياتنا كانوا بيكتبوا مع الاستاذ محاضره كل لم
يمسح الصبوره يقطعوا الورقة

مره واحد مسطول بيقول لصحبه تعالى نركب الاتوبيس قاله لا ياعم
حنا ونمشى جمبه نوفر ربع جنيه قاله صاحبه التانى طيب ما تيجى نمشى جمب التاكسي ونوفر خمسه جنيه

مبروك هنبقي ثلاثة فى البيت ... الزوج بسعادة : حاجة جاية فى السكة؟؟؟
قالت له : لأ ماما هتعيش معانا


مرة مصطول فتح دكان سماه

محل الاحذية لبيع الاقمشة الغذائية

انتــــــــــ ـ ـــهـ ـ ـ ـي
نشوفك
مع نكت
جديده

هههههههههههههههههههههههههههههه

منور يا حمادة

كنا عايزين نتقابل النهاردة بس علي مشى

مرة واحد بتاع فيديو جيم مات كتبوا على قبرة game over

جامد يا نجم

واحد تايه في الصحرا ومعاه مسطره حرف تي ..يعمل ايه ؟؟ .......... يسمك المسطره ويقيس مسافه ... يكاملها تبقى سرعه ...
يكاملها تاني تبقى عجله ... يركب العجله


طيب وبعدين

مرة مدرس رياضيات اتجوز مدرسة رياضيات أنجبوا طفل متوازي الأضلاع

مدرس كيمياء رزق بولد .... فسماه سامي أكسيد الكربون


كويس انك مجبتش سيرة مدرسين البيولوجي يعني اقدر اقولك بكل ثقة التوبيك في التماااام..

مرسي ليك ياملاك.

ربنا يخليكو يا احلي اعضاء