منتدى كلية العلوم بدمنهور
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منتدى كلية العلوم بدمنهور


 
الرئيسيةبوابه جديدةأحدث الصورالتسجيلدخول

 

 شكاليه الجمع بين المتناقضين وكيف حلها الامريكان!! (اللي فاهم حاجه يقول)

اذهب الى الأسفل 
كاتب الموضوعرسالة
الملاك البرئ
كيميائى ذهبى
كيميائى ذهبى
الملاك البرئ


ذكر
عدد الرسائل : 3855
العمر : 34
العمل/الترفيه : علي ما تفرج
المزاج : مش دايما
جنسيتك : مصر
السٌّمعَة : 8
تاريخ التسجيل : 18/03/2009

شكاليه الجمع بين المتناقضين وكيف حلها الامريكان!! (اللي فاهم حاجه يقول) Empty
مُساهمةموضوع: شكاليه الجمع بين المتناقضين وكيف حلها الامريكان!! (اللي فاهم حاجه يقول)   شكاليه الجمع بين المتناقضين وكيف حلها الامريكان!! (اللي فاهم حاجه يقول) Emptyالأربعاء نوفمبر 25, 2009 5:36 pm

شكاليه الجمع بين المتناقضين وكيف حلها الامريكان!! (اللي فاهم حاجه يقول)
حوار دار بين إثنين شباب مثقفيين و فاضيين و عواطليه قاعدين علي قهوة...


الأول: تيجي نتكلم في حاجة مفيدة؟ انا عندي موضوع كده بيأنح عليّ و عايز اناقش حد فيه.
الثاني: sure man go ahead
الأول: طيب هو العنوان ممكن يكون صعب شوية بس انا هاحاول أبسط فكرتي علي قد ما اقدر.
الثاني: خد راحتك و دونت وري (معلش اصل لسانه ملسوع )
الاول: عنوان الموضوع هو: إشكالية الجمع بين المتناقضين و كيف حلها الامريكيين؟؟؟!!!





الثاني:من أولها كده هتقولي متناقضيين و إشكالية و الكلام الكبير المجعلص ده اللي مش بنفهمه؟ يا عم الله يكرمك كلمنا بالهجايص و بالأمريكان أكسنت بليز.
الاول:طيب نحاول نفهم العنوان الاول و بعدين ندخل في الموضوع عشان نعرف الهدف و المغزي و مآل الكلام-بلاش مآل دي عشان صعبة شوية بردو-...المتناقضات هي الحاجات اللي متنفعش تكون موجودة في وقت واحد و لازم يكون واحد منهم موجود و التاني غايب زي العدم و الوجود مثلا،معايا؟
الثاني: alright,now it is clear
الأول:المسالة بقي ببساطة ان الأمريكان و استمرارا لمسلسل قهرهم للمستحيل و تحطيم النظريات و الجمود و الليبرالية و الحرية و التقدمية و الديمقراطية المزعومة استطاعوا انهم يعالجوا إشكالية الجمع بين المتناقضين دي و حلوها بجدارة منقطعة النظير.
الثاني: how come bas?؟ دي قواعد كده ماتتغيرش زي ما الشمس ما بتشرق من الشرق مثلا وبتغرب في الغرب.
الأول: مش أنا لسة بقول الامريكان يقدروا يقهروا المستحيل و يحطموا كل النظريات.
خد عندك مثلا يا سيدي، الامريكان جاءوا لتحرير العراق من الطاغية المفتري صدام حسين الذي قتل من أبناء شعبة بضعة الآف علي مر ثلاثين سنة هي فترة حكمه و ده عن طريق أنهم أشعلوا حرب راح ضحيتها ما يقارب المئة ألف مدني في خلال ثلاثة سنين فقط، مش ده جمع بين متناقضين؟؟
الثاني: ummmm, yes but….
الاول: خد عندك دي طيب، الامريكان حاصروا ليبيا اقتصاديا عشرين سنة عشان طيارة لوكيربي لغاية لما ليبيا رضيت تدفع عشرين مليون دولار تعويض عن كل واحد مات في الطيارة و في نفس الوقت لما ضربوا حفلة الزفاف بتاعت أفغانستان و قتلوا بتاع خمسين نفر ما دفعوش غير مئتين دولار علي كل رأس، مش ده جمع بين متناقضين؟
الثاني: (بقه مفتوح و بدأ يتهته) well….
الاول: طيب بلاش، شوف مثلا يا سيدي الحكاية دي أمريكا دولة الحرية و الديمقراطية فتحت معتقل جونتانمو المخالف لكل الأعراف و القوانين الدولية و اعتقلت فيه بتاع خمسمائة واحد منهم ستين واحد تحت تمنتاشر سنة و ثلاثة منهم اعمارهم خمستاشر و تلاتشر و اتناشر سنة و بعد كده خرج علينا تقرير حقوق الإنسان في أمريكا يدافع عن حقوق المرأة في قيادة السيارة في السعودية، مش ده جمع بين متناقضين يبني؟
الثاني: ( بقه اتفتح أكتر و بدأ يتشنج)
الاول: طيب اسمع دي ، امريكا بتحاكم صدام حسين في قضية مذبحة الدجيل اللي المفروض انه قتل فيها بتاع مئة و خمسين واحد عشان حاولا يغتالوه في أثناء البلاد ما كانت في حرب شاملة مع ايران و في نفس وقت جلسات المحكمة تقوم أمريكا بقتل ثلاثة الآف مواطن برئ في الفلوجة و ذلك في أثناء بحث القوات الأمريكية عن الارهابيين الوحشيين اللي بيقاوموا ألامريكان ،نفس امريكا اللي الأمم المتحدة تعتبرها دولة احتلال في العراق. جمع بين متناقضااااات ده يبني و لا لأ؟
الثاني: (زادات التهته و الشحتفة و البحلقة)
الاول:طيب أليس من العجب أن يطل علينا المتحدث الرسمي لوزراة الخارجية الأمريكية بطلعته البهية كل كام يوم عشان يستنكر الممارسات القمعية للنظام المصري ضد المتظاهرين من سحل و ضرب و هتك اعراض و اعتقال و ما شابه( يا عم احنا اخدنا علي كده) و في نفس الوقت ولاد....الأمريكان في العراق يذبحوا ثلاثين بني آدم في مدينة حديثة بمنتهي الوحشية و الهمجية و التخلف الحضاري و البربرية، مش جمع بين متناقضات ده يبني و لا أنا بيتهيأ لي؟؟؟؟
الثاني: آآآآآه يا عالم يا دوجز ياااااااااااااااا بنت الدوجز
الأول: الخلاصة يا مان أن الواحد من ساعة ما فتح عينه علي الدنيا و علي القراءة و الثقافة و مش عارف ايه و هم عماليين يسيطروا علينا بفكرة واحدة و يبهرونا بها و يبثوها فيها و الفكرة دي هي أن: امريكا هي الدولة الواعية المتحضرة المتقدمة المفكرة، دولة العلم و الأبحاث و المراكز العلمية المتخصصة في كل شئ من حقوق الإنسان حتي حقوق الشواذ مرورا بحقوق الكلاب و البقر و حتي حقوق الولد انه يضرب أبوه بالجزمة،قد ايه سيطروا علينا بالفكرة دي و خلوا الواحد اقصي امانيه أنه يشم بس الجرين كارد و العقلاء مننا يفندوا بهدوء و يقولوا يا جماعة امريكا مش كده أمريكا دي طرطور و ريش علي مفيش بس تعمل ايه بقي الدعاية صوتها عالي و ضجيجها أشد، لكن شاء ربك انه يفضح مدي التشوه الفكري و الاخلاقي اللي بتمر بها الامة دي،
تفتكر لسة هيقعدوا يسالوا و يقولوا ليه العرب و المسلمين بيكرهونا؟ و لا الإجابة وضحت ليهم خلاص؟ سمعني سلام اودعك علي الأمريكان دريم و مش عايزين يا عم جرين كارد و خلينا في في الأتوبيس المكيف ابو اتنين جنية وبلاش ده كمان المترو مشتكاش و بلاها يا عم ساندوتش الماك فلافل بتاعهم و خلينا في الفول بالبيض





منقوووووووووووووووووووووووول
الرجوع الى أعلى الصفحة اذهب الى الأسفل
http://www.google.com
 
شكاليه الجمع بين المتناقضين وكيف حلها الامريكان!! (اللي فاهم حاجه يقول)
الرجوع الى أعلى الصفحة 
صفحة 1 من اصل 1
 مواضيع مماثلة
-
» اللي يقول انا ذكي يدخل
» اكيد فى حاجه خطأ
» كيف ياكلون ....وكيف تاكلون
» كيف تختار وكيف تختارين شريك الحياة؟
»  كيف تختار وكيف تختارين شريك الحياة؟

صلاحيات هذا المنتدى:لاتستطيع الرد على المواضيع في هذا المنتدى
منتدى كلية العلوم بدمنهور :: الترحيب وصوت المنتدى Welcome and the voice of the Forum :: منتدى فضفضه Forum frankness-
انتقل الى: