انا الى وقفت لغرورك.......

[center]مين قال انى حبيتك
ومين قال انى صدقتك؟
انا شفت ف عنيك كدبك
جيت تخدعنى فسبقتك

فاكرنى وقعت فى بحورك؟
أنا اللى وقفت لغرورك
وأول مرة بتقابل
حبيبة مثلت دورك

بقى جايلى
تودعنى
وقال يعنى
بتتصعّب على حالى
وقال ندمان ؟ ماتندمشى
مايصعبشى عليك غالى

فاكرنى وقعت فى بحورك؟
أنا اللى وقفت لغرورك
وأول مرة بتقابل
حبيبة مثلت دورك

بتوعدنى
وبتسبنى
وتحسبنى
بشوقى وحبى جايالك
واديك انت على ايدى
وقعت ف شر أعمالك

فاكرنى وقعت فى بحورك؟
أنا اللى وقفت لغرورك
وأول مرة بتقابل
حبيبة مثلت دورك

الله الله الله بجد والله حلوه اوى
مين قال انى حبيتك
ومين قال انى صدقتك؟
انا شفت ف عنيك كدبك
جيت تخدعنى فسبقتك

فعلا موضوع جامد بس واضح من صاحبة الموضوع انها متاثرة جدا بلموضوع هوا حلو بصراحة واضح انها قبل اى حاجة لاحظت الكدب فى عنية والاغرب انة جة يخدعها فسبقتة بالخداع فعلا دة شغل مفتشين مباحث هههههههههههههههههههههههههه

تقصد ايه!!!!!!!!!!1
المفتش كرومبو جيه الكليه يعنى ولا ايه.....
هههههههههههههههههههههه
بس متنكرش برضو ان ده تكمله لموضوع (لحظه طيش) الى حطاه
صح

ههههههههههه
هي دي المواضيع ولا بلاش
عجبني اوي قوة الشخصية اللي في القصيدة
ودا تنبيه لكل مغرور
اكيد حيقابل اللي توقف غروره

اصل المغرورين كتير ولكل مغرور واحده تكسر غرورة ومسيرها جايالو ودى رساله لكل مغرور
احترس