^آفرآحـك عندنـآ هـنـآ ^ تعالو وانسوا الحزن وفضفض معاناا !!!!

[b][/b]

مؤخرا..
انتشرت بيننا حاله غريبه من الحزن والكابه والخنقه..
وكانه مرض ماشي ف البلد اليومين دول..
كل ما اكلم حد يقولي انا مخنوق..

انا حزين

انا مكتئب..

مش عارف اعمل ايه..

الناس كلها شايله هموم تهد جبال فوق كتافها..
وكل ده باين عليهم ف تصرفاتهم وكلامهم حتى في صورهم الرمزيه وتوقيعاتهم..

ايه بقى السبب الحقيقي ورا كل ده؟؟
ياترى ده بسبب الاوضاع السياسيه اللي مرينا بيها الفتره اللي فاتت؟؟

ولا عشان ظروف البلد؟؟

ولا عشان مضغوطين وامتحانات بقى وكده؟؟

ولا عشان مسلسل الازمات اللي شغال الايام دي..
مره ازمه رغيف العيش ومره ازمه انا بيب بوتجاز والله اعلم ايه الي هيتأزم تاني..

ده حتى ناس كتير سابو بعض الفتره اللي فاتت..

طيب مش يمكن احنا السبب في كل ده؟؟

ايواااااااااااااااا احنا السبب..

احنا اللي بطلنا نبص لنص الكوبايه المليان
او شكلنا كده كسرنا الكوبايه وقعدنا نعيط عليها غم بغم بقى..
احنا اللي حبينا حاله الاكتئاب اللي احنا فيها واتعودنا عالحزن والدموع وبقينا بنعشق اللون الاسود..

كل ده مش هيفيد بحاجه..
بجد والله وعن تجربه انا ساعات كنت بوصل لاقصى درجات الحزن واعمق بؤر الاكتئاب

والحمدلله كنت بخرج من الحاله دي بسرعه بفضل ناس بحبهم اوي ودايما بلاقيهم جنبي

المهم

مخنوق ومكتئب وحزين..
متسكتش على نفسك اطلع من الحاله اللي انت فيها دي بسرعه

هيفوتك كتير وانت حابس نفسك جوه احزانك
التوبيك ده انا عملته عشان نقضي على مرض النكد اللي ماشي ف البلد ده
كل واحد حصلتله حاجه كويسه ف حياته النهارده..

سمع كلمه حلوه من حد..

او جتله هديه من حد بيحبه..

او حصلتله حاجه كان مستنياها من زمان..

او راح مكان جميل..

ييجي يقولنا هنا عليها..

صدقوني..

الحياه حلوه وحلوه اوي كمان..بس نفهمها..!!

ومش بعيد نغير من بعض ونتسابق على كتابة الاحداث الحلوه اللي ف حياتنا ..

واى عضو عنده مشكله فى حياته ياريت يحكيها هناا واحنا هنقف جامبه وهنحلها سوا .. يقول هو مخنوق من ايه ليه دايماا حاسس بالملل..

^*آفرآحـك عندنـآ هـنـآ* ^ تعالو وانسوا الحزن وفضفض معاناا !!!! Jp9qdm10

^*آفرآحـك عندنـآ هـنـآ* ^ تعالو وانسوا الحزن وفضفض معاناا !!!! Jp9qdm10

الله يا ملك تسلم ايديك
موضوع حلو اوي
اخيرا نخرج من مود الحزن ده

صدقوني..

الحياه حلوه وحلوه اوي كمان..بس نفهمها..!!

فعلا يا ملك
عندك حق
نايس توبيك
ويارب اي حد حزين يفهم الموضوع ده والكلام ده كويس

موضوع جامد جدا
كفاية انك حسستنا ان لسه في ناس مش مكتئبة
:lol:

ميرسى جدا جدا ليكم على مروركم الجميل
بجد نورتونى
أتمنى يكون التوبيك عجبكم

ايوة كدة

كنا عايزين حد من زمان

يحسسنا ان الدنيا لسة بخير

ويمحى حالة الحزن الشديد الي علي المنتدى دى

والي كتييييييير طالبت بالتغير

ميرسي يا ملك

من الملاك الي ملك

حول

الملاك البرئ كتب:

سبحان الله يعني موضوع ملك جاب نتيجه
طاب الحمد لله
ربنا يسعدكم دايما

دايما كدة قلبك اسود

بس انا فرحان الايام دى

اية رايك كدة

وبعدين دى دعوة من ملك ومنى انا الملاك للفرح

للامام دائما يا بوب
وربنا يسعدك دايما

توبيك جميل جداااااااااااااااااااااااااااااااااا بجد كنت محتاج اطلع من المود الجزمة الى انا فية دة الحمد لله شوية تفائل

ايه ده نهى بتزعل
لا انا عمرى ما شفتك غير بتهزرى

يا محمد مهو احنا بنضحك ونهزر كتير
بس ايام الامتحانات تلاقي الدنيا كلها فوق دماغك
وبيبقى مود جزمة على راي سنوويت
بس حلو موضوع ملك (فرصة نغير المود ده)
واللي حصلتله حاجة تفرح يقول عشان نشجع بعض
واللي عنده مشكلة نحلها سوا

انا امبارح كنت مبسوطة اوي لسببين
اولا نجحت في اني اصلح بين 2 متخاصمين
ثانيا اطمنت على ناس كان نفسي اطمن عليها

» بعض الحزن موت وبعض الحزن ميلاد
» تعالو نشجع مصر
» الحزن
» تعالو نلعب وناخد حسنات
» مهم ياحلوين تعالو سبحان الله