دى الحاجة اللى حتاكد لك ان البنت معجبه ولا لأه...مهم جداااااا

موضوعى بأى يا رجاله لو انت وقعت فى حب بنت زميلتك مثلا ومش عارف تصارحها بكدة تعمل ايه يا عم الفالنتينوا صحصح معايا


واجب عليا انى اساعدكم فى موضوع زى دة طبعا


علشان تعرف انك بتحب حد الموضوع سهل جداااا وبسيط اوووووى .. حبة سرحان
على شوية سهر بالليل .. شوية اغانى هابطة وتفكير مستمر .. عصبية زايدة ومرات
تتقلب برومانسية وحنية مفرطة بحيث تبقى ماشى تحضن فى عمود عمود فى شقتك
وتقابل عامل النظافة عندك فى الجامعة بالاحضان كانة ابن خال والدتك من البلد ...
لما الحب يزيد اوى يبقى حبة فشل فى الدراسة .. او العكس .. على حسب دافع الحب
ههههههههههههههههههههههههههههههه
بهزر معاك شويه يا عم بس اتقل التقل صنعة يا بوب
يلا نخش فى الجد





اشترى منى يا باشا بأى ازاى تعرف ان البنت اللى قدامك بتحبك
ما يعرف فى امريكا بنكتة البطة .. قولها نكتة سخيفة لا معنى لها
وانتظر لترى رد فعلها .. اه والله مش مصدقنى .. اصبر بس معايا للاخر ..
قولها نكتة من بتوع عزب شو اللى هيا مرة واحد راح يشترى بقرش حلاوة الراجل قالة
معنديش وهو عندة جوة ..
او ممكن بتاعة مرة بطة نزلت تعوم من غير طوق ومكانتش بتعرف تعوم بس سبحان الله
عامت وراحت البر التانى سليمة ... هاهاهاهاها .. كدة يعنى
اللى هيا النكت اللى تجيب شلل فورى دية بتاعة زمان ..


هتقول النكتة ومن رد فعل البنت اللى قدامك هتعرف مشاعرها ...
اذا ضحكت ضحك تمثيليا مبالغا فية ( فتلك الفتاة ترسم على زواج .. وهو ما يشغل بالهااساسا)
فنصيحة لو مبتحبهاش ابعد .. ولو بتحبها بردو ابعد لانك بالنسبالها مجرد صفقة


ذا سخرت منك ومن سخافة النكتة ( فتلك تراك اخا وصديقا لا اكثر )
فنصيحة منى من الاستاذ متصارحهاش اساسا بمشاعرك علشان اكيد هتخسرك . . ومش هتعرفوا
ترجعو حتى علاقة الصداقة اللى كانت بينكوا
اذا ضحكت ضحك مجاملة ولم تعلق ( هذا معناة انك مش فى دماغها اساسا )
فى الحالة دية بقولك بردو متصارحهاش بحبك .. لان كدة انت هترخص مشاعرك ..
سيبها وربنا هيعوضك .. بس خلى مشاعرك غاليه ..


ذا ابتسمت ابتسامة يشوبها شئ من الضيق ( فتلك عـــــــــاشقة .. لا تحب ان تراك سخيفا
او غبيا .. ولا تسطيع ان تصارحك بغباء ما قلت لخوفها ان تجرحك .. )



ونصيحتى ليك طبعا .. انحنى لمشاعرها احتراما .. وصارحها بحبك ليها ..
وروح اتقدم وانجز واشكر البطة قصدى النكتة
ههههههههههههههههههههه



اى خدمة يا رجاله
ومتنسوش تدعولى
محمد ريكاردو