بشهادة الفنانين

يا جماعة الكلام ده بلسان الفنانين
عن تامر حسنى
التوبيك ده موجه لفئـه معينه
مش كارهي تامر حسني
عشان احنا قولنا ان مالناش دعوى بيهم خالص
و ان احنا هنا عشان ندافع عن تامر و بس
الموضوع ده موجه
لنـــاس بتقول ان تامر
معندوش مؤهلآت تخليه فنان
و معندوش موهبه عشان يبقا ممثل
و ماعندوش مش عارفه ايه عشان يبقا مش عارفه ايه
و كل ما ندافع عنو
بيقولو علينا احنا مابنفهمش حاجه ف الفن
و احنا شبــآب بتمشي ورا اغاني الحب
و الرومانسيه للي ماعندهاش جوده
او مقدار فني معين
و اننا بنحب تامر لمميزات غير صوتو
و اغــانيه
ف التوبيك ده
عايزه اثبـتـ ليهم ان تامر
رقم واحد ف الساحه الفنيه
بس مش بلسانا احنا
بلسان ناس بتفهم ف الفن و بتعرفو كويس
و عاوزه اوضح ليهم فكره
ان تامر نجم الجيل
دي مش جايه من الفراغ
عشان تامر ليه مؤهلات و احساس
و خامه صوتيه و مميزات
صنعت منو نجم الجيل
و الفنــان اللي الكل بقا بيحكي عنو
الفنــان اللي سنه 2009 و 2010
بتحكي عنو لوحدو
و ماحدش يقدر ينكر سواء كان
بيحب تامر او بيكرهو
ان تامر كان نجم 2009 و نجم رمضان 2009
بدون منازع

:هبة الاباصيري :
و مين بقا صوتو احلى تامر و لا عمر
الاستاذ حلمي بكر :
تامر مطرب عمر مغني
تامر بيكافح انو يخلق لغه للتطريب للشباب
هبة الاباصيري :
يعني مطرب اقوى من مغني
الاستاذ حلمي بكر :
مطرب اقوى بكثـــير

و الاستاذ حلمي بكر اعظم و اكبر من اني اعرفو
هو ملحــن كبير اوي و معروف ف مصر
و يعتبر الاول العارف بالمجال الفني
و شوفو قال ايه عن تامر
يعني تامر مطرب الشباب
يعني نجم الجيل
و ده دليل على انو ما اشتراش اللقب ده

_________________________

المذيعه لميس الحديدي :
تامر بيقدم صوت جيلو
هو بيمثل هذا الجيل من الشباب
و لما عمرو مصطفى ابتدى يجرح ف تامر قالتلو
انتا صوتك لطيف بس تامر مطرب

اظن انها كمان ماتأجرتش
و المعروف انها مذيعه جريئه و محاديه
يعني لا هي من محبي تامر و لا من كارهيه
بس هي بتقول الحق
و ده ثاني دليل على ان تامر
الرقم واحد و انو نجم الجيل بدون مناذع

_________________________

المنتج السبكي قال
تامر ده شخصيه عبقريه جدآ

و السبكي من اكبر المنتجين حاليا
و هو انتج لتامر فيلمين
و حينتج لو الفيلم الجديد نور عيني
يعني هو عارف مصلحتو اوي
عشان كده بيتعامل مع تامر
عشان ليه قاعده جماهيريه كبيره اوي
و ده ثآلثـ دليل على ان تامر حسني نجم الجيل

_________________________

الكينغ محمد منير قال
تامر ده مغني صادق جدا
بقوللك ليه بحبو ليه
لأنو هو صوره لجيلو لمجتمعو

و اكيــد مآحدش يقدر يقول ان تامر مأجر الكينغ
و محمد منيــر مش اي حد ف الفن
ده بصمه مصريه للفن الجميل
و هو قال انو مغني صادق جدا
و انو صوره لجيلو
يعني ده دليل رابع على ان تامر نجم الجيل

_________________________

:المطرب مدحت صالح
تامر حسني ناجح ف اتجاهو

:المطرب راغب علامه قال :
تامر حسني على القمه
دلوقتي طلع و اشتغل بالسينما و نجح
و انا بعرف كده بعد ما شفت ولادي حابينو
بعد ما كانو يحبوني انا لما طلعت
لازم نعترف انو عمل نجاح معين
بالسينيما بالغنا بس نجح و فرض نفسو

و راغب علامه ده زميل تامر حسني
و هو فنان جميل و ليه تاريخ فني
و هو مش حيفضل فنان على نفسو
الا اذا كان فعلا الفنان ده يستاهل
و اكثـر جمله حبيتها لما قال
ولادي حابينو
و ولاد راغب من جيلنا احنا
جيل الكينغ
جيل نجم الجيل تامر حسني
و ده دليل خامس على انو نجم الجيل
و على انو ف القمه بدون منازع

_________________________

:الفنان ساموزين قال :
انا بحب الفنان تامر حسني جدا
و انا سمعتلو اغنيه بل FM
و اغنيه عينيا بتحبك
حلوين جدا
و انا بحب تامر و بحب اغانيه
و صعب تسألوني عن تامر
عشان انا بحبو اوي

و ده دليل على ان تامر محبوب من طرف الفنانين
مش من طرف الشباب بس

_________________________

المذيع قال للفنان احمد فهمي :
لو قلنا زميلكـ في المهنه
الاستاذ تامر حسني
كل الناس دلوقتي شايفاه
واحد سوبر ستار ف الغناء
و رغم ده افلامو ناجحه
و بتجيب ايرادات اعلى منكو كلكو
ده ف السينيما
بس تامر ف الغناء ايه ؟
و رد احمد فهمي و قالو :
طبعا سوبر ستار
ده ماحدش ينكرو ده ماحدش ينكرو
ان تامر حسني نامبر وان دلوقتي
ده ماحدش يقدر ينكرو
و المذيع قال :
تامر ممكن يكون كان بيعمل اغنيه
على حســابو و ينزلها
لانو عايز و عندو هدف عايز يعملو
و المذيعه قاطعتو و قالت :
تامر حريص، صريح
بالاضآفه لنقطه محمود
المطربين اللي بيمثلو
و اللي ناجحين ف الاثنين (الغنا و التمثـيل)
حآخد مثال لانهم شباب زي بGد تامر حسني
و هو مثال ناجح جدا جدا
هل بيؤكد من خلال الافلام انو مطرب نمره واحد بردو
يعني بيستغل
و قاطعها احمد فهمي و قال
و انا ليه اشتغل بدماغ تامر حسني
ما آنا عندي وجهه نظري
و ردت المذيعه و قالت :
انا مش بقولك اشتغل بدماغو
انا بقوللك عن نظريه اثبثت نجاحها

و ده دليل على ان تامر نامبر وان
ف الثمثيل و الفن
على لسان الفنان احمد فهمي
و على لسان المذيعين كمان
و هي وصفت تامر بنظريه اتبث نجاحها
و ده مش غريب عن تامر
و انا قولت ف التوبيك اللي فات
هو نظريه يجب درسها

_________________________

و المنتج الكبير محسن جابر
كان بيحكي عن نجاح تامر حسني
اللي فوق الكل
و قال باختصار :
انا شوفت جمهور عمر دياب العريض
و الآفات مؤلفه
بس ف تامر حسني
اول مره يشوف الام حاضنه تامر و البنت بتصور
مش العكس

يعني جمهور تامر من مختلف الاعمار
و المنتج الكبير محسن جابر
اتعامل مع تامر حسني عشان هو عارف
انو نجم الجيلين

________________________

و الفنانه مي عز الدين قالت للمديعه
لميس الحديدي :
تامر ليه جمهور قوي جدا
من ساعه يعني من وانا داخله معاه
عمر و سلمى 1
و تامر كان ليه قاعده جماهيريه عاليه جدا
دلوقتي بقت فكره ان الناس حباكو مع بعض
طالما كابل نجح فنيا دي مش حاجه سهله
كل فين و فين
لما كل العناصر تتوافق مع اثنين
على فكره ممكن الناس تحبهم جدا
بس هما يضايقو من بعض جدا ف الكواليس
و يخرجو و هما مش عايزين يشتغلو مع بعض
لميس الحديدي ردت :
و انتو ماضيقتوش مع بعض
مي عز الدين قالت :
لا انا لا عمري اضايقت منو ف كواليس
الحق يتقال لانو هو نفسيتو كويسه جدا

يعني تامر حسني انسان طيب اوي
و مش زي ما بيقولو عليه
بيصطنع الطيبه دي

__________________________

و الفنان سمير غانم قال ف حلقتو مع
النجمه مي عز الدين :
تامر فنان
و مي ردت عليه و قالت بجد
و سمير غانم قال :
اصل اللي يألف و يلحن و يغني
ده يبقا مش عادي
بيفكرك ببليغ حمدي زمان
ما هو بليغ كان كده
فهو تامر لسه ف سنو الصغير
ده ممكن ف المستقبل يبقا حكايه
و مي عز الدين قالت و لا
و فالتمثيل كمان ابتدى بيزيد فيلم عن الثاني
يعني انا ف عمر و سلمى حساه زاد عن
اول فيلم ليه سيد العاطفي و حاله حب
و سمير غانم قاطعها و قال
انتي عارفه ان فيه خفه دم غير طبيعيه
شوفتيه و هو بيقلد
و قالتلو آه آه بيموتني طبعا
و قاللها : وقعني و هو بيقلد زمايلو المطربين
و قالت مي : رهيــــبـ
و قاللها سمير غانم :
انشاء الله لو لقيت فرصه حجيبو هنا
عشان الناس تشوف الجانب الكوميدي
جوا تامر انا وقعني ، انا سمير غانم
وقعني من الضحك

و ده اكبر دليل على ان تامر
ليه مؤهلات تخليه فنان ممثل
و ان ليه خفه دم مش عاديه
و بيضحك نجوم الكوميديا
على رأسهم الفنان سمير غانم

________________________

و زميل تامر ف الفن
الفنان خالد سليم قال :
اولا تامر حسني دمو خفيف جدا
و جميل اوي بيحب الناس كلها
و كل اللي بيعملو ده طالع
من جواه فعلا
يعني في ناس ممكن تبقا متصنعه
لآ هو فعلا بيطلع من جواه ده
عايز اقولو طبعا
يمكن احنا اتقابلنا قليل ف الفتره
آللي فاتت دي بس عرفت عنك
كتيـر اوي ، انسان كويس اوي
محترم بيحب اهلو جدا
بيحب مامتو اوي و دي حاجه
بتدل على حجات كثيره اوي ف
البني آدم ، و ربنا يوفقو عشان
مامتو بتدعيلو اوي
و انا عارف معنى دعوه الام
فربنا يخليهالو يآ رب
و دايما تفضل تدعيلو كده لان دي
هي الحجات اللي تخلي البني آدم
يقدر يمشي و يتحرك و يدي اكثر
فمحبه الناس دي مش من فراغ
من الاجتهاد و هو مجتهد جدا
التواجد الحلو اللي هو بيعملو ده
يعني بيحسبلو دايما

و بجد الكلام ده وصف تامر وصف عميق
على انو فنان طيب بيحب كل الناس
و كل احساس او حاجه بيعملها فهي
طالعه من جواه بجد مش تصنع
و بيبين حبو لاهلو و لجمهورو
اللي مالوش وصف

واللى مش مصدق ان فعلا الكلام ده اتقال
انا كنت حطيت كليب اسمه (star absent present)
https://demo.ahlamontada.net/montada-f22/topic-t2860.htm

هنا فين مش واخد بالى

عشان احنا قولنا ان مالناش دعوى بيهم خالص
و ان احنا هنا عشان ندافع عن تامر و بس

وتم النقل

انا قصدى عالناس اللى بتحب تامر يا طباخ

يوووووووووووووووووووووووووووه تانى تامر انا زهقت انا خلاص حاسمع شعيان عبد الرحيم واحمد عدويه بلاش بقى وجع دماغ ده انتوا شكلكوا كده رنه موبيلكوا اللى بتصيحكوا عملنها000 انت يا يا يا مش حتروح الكليايا يا يا الساعه تسعا ا ااااا

عندك حق خلينا فى شعبان عبد الرحيم وعدويه

حياتى فداك
انا حاسس انك تعرف تامر حسنى عل المستوى الشخصى ومخبى علينا :scratch:

والله ابدا انا نفسى بس اعرف كل حاجه عنه

والله ابدا
يا عم بهزر يعنى هتكون شفته فين

ميرسى على مجهودك

» دبلومة اعداد مدربين بشهادة معتمدة من جامعة
» دبلومة اعداد مدربين بشهادة معتمدة من جامعة
» أسوء وأفضل الفنانين
» اعمار الفنانين الحقيقيه....... صدمه
» شوفو بقا فضايح اسماء الفنانين الحقيقيه