good girl....على كرسى الاعتراف..

شيكوز كتب
الصبر جميل جميل الصبر


اصبري عليا بئى احضر شويه اسئله مخمخه كدا واجيبهملك
ربنا يستر
بالراحة عليا
انا مش ناقصة والله


بنت لذيذة كتبت
اول حاجه بقول لكيوت حبيبة قلبى والله الف الف سلامه عليكى ياقمر وبقولها لو كنتى غيبتى انهارده عشان تعرفى غلاوتك فاطمنى وحطى فى بطنك بطيخه صيفى انتى غاليه غاليه غاليه وطبعا انتى متاكده من كده
طبعا متاكدة من غلاوتي عندكم انتي تقدري تقولي غير كده ولا ايه
ولو كنت زعلانة منكم شوية
بس يلا عفا الله عما سلف
والف سلامة عليكي انتي كمان يا قمرنا


والف مبرووووك عالكرسى واللى عملتيه فيا جه الوقت عشان يتردلك ياجميل
((يوم ليك ويوم عليك واهو جه الدور عليك))
انتي خوفتيني والله شكلك ناوية علي شر

عيب تقولى كده دا انا حتى طيبه وغلبانه مانتى عارفانى هو انا اللى حقولك برده بس استنى عليا شويه فى الاسئله دا انا حقطعك اسئله

كيوت جيرل علي المنتدى يا مرحبا يا مرحبا


منورة يا قمر


طبعا انتى من الشخصيات الي اتنمنى اعرفها شخصيا لانك محترمة ودمك خفيف ومحبوبة في المنتدى جدا


بدليل ان شيكوز قعدك علي الكرسي قبل كل البنات وقبلنا احنا كمان


الاسئلة


1\حلم عمرك اية

2\ حلم حلمتى بيها وانت نايمة ونفسك يتحقق

3\بتحبي الكلية ودخلها برضاكى ولا كالعادة المجموع

4\نفسك تكونى اية

5\اية رايك في الصداقة بين البنات والشباب

6\اية رايك في مشرفين المنتدى

وهل تحبي حد يتغير او حد يبقي مشرف

وهل هما او احنا بما ان انا واحد منهم قد المسئولية دى ولا عادى
بصراحة ومن غير زعل من المشرفين

سؤال مش عايزة تجوبي عليهم خلاص

لانها محرجة الي ما يعجبكيش خلاص

بتؤمنى بالحب

حبيتى كام مرة

كام واحد قالك بحبك

هل مريتى بتجربة و فشلت زينا كدة يعنى

مواصفات فارس احلامك




كفاية كدة لحد ما اعرف حتزعلي من الاسئلة ولا لا


واشوف اجاباتك


بس بوعدك انى حسال تانى

عدنا


بسم الله الرحمن الحيم

ونبدا باسئلة شيكوز

ايه رأيك
نعيش لنأكل ولا نأكل لنعيش ؟
اكيد ناكل لنعيش
انا اصلا مش من هواة الاكل اوي يعني


بالمناسبه ايه اجمل اكله بتحبيها .؟
اجمل اكلة بحبها هي الفراخ البانيه واللحمة المشوية



صاحبتك ولا حبيبك ؟
صاحبتي طبعا


نفسك تحققى أيه ؟
نفسي اخلص كلية العلوم واطلع منها بدون اي خسائر في الارواح



نفسك تبقى أيه ؟
هي حاجة غريبة شوية وبعيدة عن مجال كليتي خالص
بس هقولها وخلاص
نفسي ابقي مترجمة



مغرورة ... بنسبه كام فالميه؟
بيتهيئلي الحكاية دي الناس اللي حوليا هما اللي يقدروا يقولوها
بس انا عن نفسي يعني والله شايفة ان انا مش مغرورة يعني


حبيتى .... كام مرا..؟
ولا مرة بجد




لازم تتجوزى عن حب ..؟
اعتقد كده
بس مش الحب اللي اعيش فيه قصص غرامية من ورا ماما وبابا والكلام الفاضي ده يعني
يعني الحب ان شاء الله يجي بعد ما اتخطب لحد اكون معجبة بيه




هل انتى (محبوبه – مغروره - متواضعه) اختارى واحدا بس وبدقه ياكيوو
لا معرفش اجوبك عن السؤال ده
زي ما قولت قبل كده الناس اللي حوليا هما اللي ممكن يقولوا




بتحبى مين من الممثلين الرجاله والستات ...؟
هو انا مش بحبهم بس بحب اتفرج عليهم
احمد حلمي وحنان ترك






شكرا يا شيكوز علي الاسئلة
اسئلتك دمها خفيف والله
سلااااااااااام

ودلوقتي مع اسئلة شوبا
كيوت جيرل علي المنتدى يا مرحبا يا مرحبا

منورة يا قمر


طبعا انتى من الشخصيات الي اتنمنى اعرفها شخصيا لانك محترمة ودمك خفيف ومحبوبة في المنتدى جدا


بدليل ان شيكوز قعدك علي الكرسي قبل كل البنات وقبلنا احنا كمان
شكرا علي المجاملات الكتيردي ده بس من ذوقك
وشيكوز قعدني علي الكرسي اكيد بردو من ذوقه

الاسئلة


1\حلم عمرك اية
ابقي مع الناس اللي بحبهم علي طوووووووول



2\ حلم حلمتى بيها وانت نايمة ونفسك يتحقق
مفيش لان بنسي الاحلام الحلوة اللي بحلم بيها
بفتكر الكوابيس بس مع الاسف




3\بتحبي الكلية ودخلها برضاكى ولا كالعادة المجموع
انا بحب الكلية بس مش عشان الدراسة عشان ببقي مع صحابي
بس انا مش دخلاها برضايا ومش غصب عني
انا فجاة لقيت النتيجة طلعت ولقيت نفسي بقدم علوم
مع اني كنت دايما بقول لو علوم دي اخر كلية مش هدخلها
لكن هو ده نصيبي ورضيت بيه خلاص
سبحان الله




4\نفسك تكونى اية
مترجمة





5\اية رايك في الصداقة بين البنات والشباب
انا رايي ان مفيش حاجة اسمها صداقة بين البنات والشباب ممكن تكون في زمالة
بحكم مكان الدراسة او الشغل اللي بيجمعهم اما صداقة فلا



6\اية رايك في مشرفين المنتدى
والله كلهم كويسين وقايمين بدورهم صح يعني مفيش حد بيغلس ولا حاجة



وهل هما او احنا بما ان انا واحد منهم قد المسئولية دى ولا عادى
بصراحة ومن غير زعل من المشرفين
بيتهيئلي ان هما كده صح وكل واحد في مكانه الصح





بتؤمنى بالحب
معرفش والله لاني مجربتش




حبيتى كام مرة

مكرر



كام واحد قالك بحبك
ولا مرة
هو حد يقدر
هههههههههههههههههه


هل مريتى بتجربة و فشلت زينا كدة يعنى
مش فاهمة
تجربة ايه يعني




مواصفات فارس احلامك
يكون متدين ومحترم ويعرف ربنا ومقيش مانع يكون وسيم



شكراااا علي الاسئلة
ومفيش حاجة تزعل
بس بالله عليك متقلش في الاسئلة
سلااااام

الحياة حلوة كتبت
لالالالالالالالالالالالالالالالالا
تؤتؤتؤتؤتؤتؤتؤتؤتؤتؤتؤ
كيوت على الكرسي انا قلت كده عشان لقيت الموضوع مضلم قصدي منور
معلش بقى فواتير و الكهربا و الدنيا غاليه
طيب انا هفكر في كام سؤال كده قشطه و بيس و اظبطهملك
جهزي نفسك مفيش مفر
لا للخداع و المراوغه
يلا و وقعتي يا شبه
ماشي ماشي بقي كده
عموما انا مستنية اسئلتك يا قمر المنتدي

مرسي يا عسل لا كفايه الشباب عليكي
انا عندي سؤال وممكن تجوبيه على الخاص
انتي اسمك ايه و قسم ايه

كلامي للحياة حلوة
انا زعلانة منك جدا
عشان انا رديت عليكي بس انتي مردتيش عليا
عموما انا لسه مستنية ردك

1-ممكن تحطى فقلبك نقطه سوده لاى حد عمل فيكى موقف ما؟
2-ممكن تقولى لواحده صاحبتك كلام مجامله لمجرد انها صاحبتك؟
3-(انا بعشق الغنا قدااام عنيك)تحبى تغنيها لمين؟
4-بما اننا عشرة عمر :ايه اكتر حاجه بتحبيها فيا وايه اكتر حاجه وحشه فيا؟
5-كلمه شكر توجهيها لانسان طبعا بعد مامتك وباباكى؟


ولن نكتفى بتلك الاسئله البسيطه لالالالالا ولكن لنا عوده بعد التسخين وبعد اجتماعات سنقوم بها نحن (بنت لذيذه_سنيوريتا_روزى)

اكيد يا لذيذة وحتكون الاسئلة سخنة وجامدة
خالص وحنبقى نشوف كيوت
حتعمل اية

اهلا بيكي يا لذيذة
ايه يا بنتي الاسئلة دي بس
وانتي يا ست روزي
انتم متفقين عليا ولا ايه
ماشي ماشي
يلا خلينا نبدا في الاجابات
1-ممكن تحطى فقلبك نقطه سوده لاى حد عمل فيكى موقف ما؟
لا انا مش بشيل لحد في قلبي
لاني لما بعمل كده بتعب اوي
بس الحقيقة في اتنين بس في حياتي هما اللي ليهم نقطة سودة في قلبي ومش هقدر اشيلها
بس دول مبقاش ليا تعامل معاهم
مقدرش اتعامل معاهم وانا شيلالهم حاجة في قلبي




2-ممكن تقولى لواحده صاحبتك كلام مجامله لمجرد انها صاحبتك؟
لا لا لا
عيب عليكي تساليني سؤال زي ده
صحابتي اللي بجد عمري ما اجاملهم
وانتي اكتر واحدة عارفة
ده احنا دفنينه سوا



3-(انا بعشق الغنا قدااام عنيك)تحبى تغنيها لمين؟
بقي كده تساليني سؤال زي ده وتدبسيني في الاجابة
ماشي انا هطلع احسن منك وهجاوب
بس انزلي تحت بقي عشان تعرفي










































تحت كمان شوية

















ده سر الاسرار بقي عايزة تعرفيه بسهولة كده
























كفاية عليكي كده هقولك بقي وخلاص

































لنفسي
هههههههههههههههههههههههههه
شوفتي الرخامة




4-بما اننا عشرة عمر :ايه اكتر حاجه بتحبيها فيا وايه اكتر حاجه وحشه فيا؟
اكتر حاجة بحبها فيكي انك صريحة وعلي طبيعتك يعني ما بتحاوليش تتصنعي
اكتر حاجة وحشة فيكي
والله انا قاعدة افكر من ساعتها مش لاقية حاجة اقولها
اقولك لو افتكرت حاجة هبقي اقولهالك في الكلية
بس في حاجة صغيرة كده افتكرتها
هقولهالك بعدين


5-كلمه شكر توجهيها لانسان طبعا بعد مامتك وباباكى؟
لكل انسان وانسانة اتعلمت منهم حاجة فادتني في حياتي
ولكل حد خلاني سعيدة وفرحانة
ولواحدة كانت صاحبتي اوي وغدرت بيا
واتعلمت منها اني ما آمنش لحد بسهولة



ولن نكتفى بتلك الاسئله البسيطه لالالالالا ولكن لنا عوده بعد التسخين وبعد اجتماعات سنقوم بها نحن (بنت لذيذه_سنيوريتا_روزى)
ايه ده بقي ده بقي ده بقي ده
تصدقي انا خوفت
سلام يا قمر

هااااااااااااااااااااااااااى كويت جيرل سورى ع التاخير
اهلا بيك يا ريكاردو
سورى ع التاخير
لا ولا يهمك



- من اول قلم اعجبك في المنتدى ؟
ويكا



- ماهو اجمل قسم في رايك في المنتدى ؟
فضفضة وخواطر والنكت


- متى تكون كويت سعيدة ومتى تكون حزينة ؟
ببقي سعيدة لما بحس اني مطمئنة للناس اللي حواليا ده عامة
وببقي حزينة لما بحس اني كنت مخدوعة
بس اكتر وقت ببقي سعيدة فيه بجد لما ببقي مع اسرتي



ما هو السبب في اختيارك لااسم كويت جيرل ؟
انا كنت بدور علي اسم ميكونش ملفت للانتباه يعني ميكونش فيه حاجة غريبة
فسالت اختي وهي قالتلي علي الاسم ده
عجبني وسجلت بيه

- ما هو شعورك بعدوجود اصدقاء اوفياء ليكي في المنتدي؟
انا بجد فرحانة جدا
حسة ان ليا اخوات كتير وكلهم احسن من بعض
تخيل انت بقي



]متى تكذبين أو تضطرين إلى الكذب ؟[
احيانا في ناس ببقي مش طايقاهم
بس بضطر اتعامل معاهم عادي عشان الحياة تمشي
من غير ما احسسهم اني مضايقة منهم
بيتهيئلي ده نوع من انواع الكذب
اما الكذب الحقيقي بقي
ده كان بيحصل وانا صغيرة







]اخر مرة بكيتي فيها ولماذا؟
النهاردة
عشان حاجة حصلت وزعلتني اوي
بس مينفعش اقول عليها



]- رأيك بالمنتدى بصفة عامة ؟[/
جميل جدااااااااااااااااااااااااااااااااااااااااا
كفاية انه مجمع كل الناس المحترمة دي مع بعض









]- ما رأيك بالصفات الآتية






]... الصداقة اسمي شئ في الدنيا

/ الأنانية احقر شئ في الدنيا

المصلحة السبب في فساد اخلاق معظم الناس

المال ضروري لاستمرار الحياة ولكنه ليس كل الحياة

]الواسطة حاجة وحشة اوي

اصحاب القلوب الغير رحيمة منهم لله




]-أول قسم تدخلينه بالمنتدى؟؟؟ [/]
مفيش حاجة محددة
انا الصراحة اول ما بدخل بقرا العناوين اللي برة وبدخل في اللي عنوانه بيشدني



]- القسم اللي ما تعرفي تشارك فيه ؟ حلوووه !![/
الافلام والجوال و الرياضة العالمية


]-أكثر شيء عاجبك في المنتدى؟
روح الاخوة اللي بين الاعضاء



]- أكثر شيء مضايقك في المنتدى؟[/
مفيش حاجة
ولو كان في مكنتش هشارك في المنتدي اصلا
في حاجة بس مش في المنتدي فيا انا
اني بقعد علي المنتدي وقت طويل اوي




]قصه من قصص القرآن أثرت فيكِ ؟[/
قصة سيدنا محمد صلي الله عليه وسلم


]آية من آيات القرآن الكريم ترددها كويت دائماً ؟[/
بيتهيئلي مفيش حاجة محددة
بس ممكن تكون آية الكرسي


]وماهي أسعد لحظة تشعر بها كويت؟ وهل تعشقي البحر ؟
اسعد لحظة قولتها قبل كده
اما بالنسبة للبحر فانا بعشق الفرجة عليه (مشاهدته يعني)



]متى تشعر كويت بالرضا؟ [/
لما بذاكر
ودي حاجة بتحصل كل فين وفين


]لديكِ ورقة وقلم وبطاقة ووردة....ماذا ستكتبي على البطاقة ولمن ستقدمي الوردة والبطاقة؟ [/
هكتب علي الورقة
شكرا ليكم اوي ونفسي تعرفوا انكم اغلي ناس في حياتي
وههديهم لماما وبابا




]موقف اشعركِ..بان الدنيا لسه بخير؟
موقف بايخ كده حصل لاختي في الشارع
وفي ناس ساعدتها



]ما شعوركِ حين يصفكِ أحدهم بما ليس فيكِ ؟
اكيد بضايق وبزعل بس مش اوي
لان اللي يقول عليا حاجة مش فيا يبقي ميعرفنيش بجد
فاكيد رايه فيا مش هيهمني




]كيف تتصرفي مع انسانة تجدي فيها عيوباً فاضحة , و هي لا تشعر , و تخشى اذا وجهتي لها نقداً أن تجرحيها بقوة؟[/
الصراحة لو الحد ده علاقتي بيه مش قوية مش هقوله حاجة
لاني معرقش رد فعله ممكن يبقي ايه
وانا مبحبش حد يحرجني
واكيد النا س القريبين منها هينصحوها
اما لو واحدة قريبة مني
هحاول اقولها بطريقة متجرحهاش





]ماذا تعنىي لك هذه الكلمات الصفاء, الامل, الوفاء, الاخلاص, الحب؟
الصفاء كلمة احنا مفتقدينها اوي في الزمن ده
الامل بدونه لا تستمر الحياة
الوفاء سبب استمرار كل العلاقات الانسانية الموجودة دلوقت
الاخلاص ده مش بيجي غير لما يكون في حب
الحب من غير الحب النا س كانت هتبقي زي الآلات



]موقف مر بكِ. وتمنيتي ان تنشق الارض وتبلعك من هوله؟[/
حاجة حصلت كده في الكلية
واتضايقت من نفسي اوي بعدها


]من كاتم اسرارك؟[/
ماما واختي




درس تعملتي منه الكثير وتحب تعلميه لغيرك ؟
اني ابقي دايما متوقعة الغدر من اقرب الناس ليا
يعني مبقاش مخوناهم
بس لو غدروا بيا متاثرش اوي
بس اكيد الكلام ده مش مع اسرتي



ممكن ان تصفي لنا هذا المنتدى في سطور ؟ [/
احسن اعضاء في احسن منتدي





من العضو اللي تشوفيه لازم يرد لكِ في مواضيعك ؟!
انا يمكن مش فاهمة السؤال اوي
بس علي حسب ما فهمت
روزي بنت لذيذة سنيوريتا



أحلى مسلسل وفيلم ومسرحية في نظــرك ؟
مسلسل ساكن قصادي و يوميات ونيس
مسرحية العيال كبرت بدون اي تردد


ماهي أجمل لحـــظات حـــياتك ؟
لما ماما وبابا بيبقوا راضيين عني
وده اكيد دليل علي رضا ربنا

شكرا ليك اوي يا محمد
وعلي كرة اسئلتك اكتر اسئلة خدت مني تفكير
اسئلة عميقة جدا

ونكمل اسئلة ريكاردو
اللي تعبتني جدا في اجاباتها
س1/ من هــــــو:

* شخص تكـني له كل الاحترام ؟

ماما وبابا

* شخص تحبيه لمصلحه شخصيه ؟
اعتقد ان مفيش


* شخص غير حياتك بعد أن عرفتيه ؟
لا حياتي عمرها ما اتغيرت


* شخص تسمعي عنه وتتمني أن تلقيه ؟
عمرو خالد


* شخص تتمني أن لايفارقكِ أبـداً ؟
ماما وبابا واخواتي


* شخص مضايقكِ في المنتدى ؟
كان في حد مضايقة منه شوية
بس دلوقت خلاص
فمفيش داعي اقول اسمه


* شخص تقتدي به ؟
ماما وبابا



معلش الاجابات معظمها ماما وبابا
بيتهيئلي شكلي سيس اوي
بس هي دي الاجابات الحقيقية
شكررررررررررررررررررررررررررررررا

كويت

لو سمحتى كملي باقي الاسئلة واختارى حد بعدك


دة لو سمحتى يعنى


لو عايزة تستميرى خلاص

ولو انى عارف انك نفسك تخلصي من زمان

اوك
بس انا والله مش عارفة اختار مين
مش عايزة ادبس حد
يا ريت لو في حد عايز يقعد يقول
انا كده خلصت والحمد لله

بقي مفيش حد عايز يعترف ويقول انه عايز يقعد
دي آخر فرصة

انا عايز اسألك سؤال واحد عرفتى المنتدى ازاى
ومبروك على الكرسى

بسم الله الرحمن الرحيم
اولاسؤال المدير
انا عايز اسألك سؤال واحد عرفتى المنتدى ازاى
بصراحة من اختى العزيزة
كيوت جيرل

هااى روزى
- من اول قلم اعجبك في المنتدى ؟
بصراحة ويكا
- ماهو اجمل قسم في رايك في المنتدى ؟
بصراحةكل الاقسام حلوة
ممكن يكون قسم الالعاب احلى
- متى تكونى سعيدة ومتى تكونى حزينة ؟
اكون سعيدةلما اسرتى تكون متجمعة مع بعضها
واكون حزينة لمااى حد يعمل فيا حاجةوحشة خالص ويكون الحددة عزيز عليا
ما هو السبب في اختيارك لااسم دا؟
سمعتة قبل كدةفعجبنى
- ما هو شعورك بعد وجود اصدقاء اوفياء ليكي في المنتدي؟
اكيد سعيدة لان الصداقة اهم شى فى حياتنا

]متى تكذبين أو تضطرين إلى الكذب ؟[
الحمدلله مش بكذب
]اخر مرة بكيتي فيها ولماذا؟
اخر مرة بكيت فيهابجد كان الترم الاول
لما تليفونى اتسرق

]- رأيك بالمنتدى بصفة عامة ؟[/
منتدى جميل وبيقرب الاصحاب مع بعضهاوبنتسلى
وفية موضوعات هادفةاحيانا
]- ما رأيك بالصفات الآتية

]... الصداقة
اجمل شى الصداقة

الأنانية
اكتر حاجةمش بحبها

/ المصلحة / المال /

المصلحة\ احيانا فى حاجات بتطلب المصلحةفيها
المال\ مش كل حاجة

]الواسطة/ اصحاب القلوب الغير رحيمة ...[/
الواسطة\ بصراحة اللى معندهوش واسطة مش بيعيش
اصحاب القلوب الغيررحيمة\
مش حقول غير ليك يوم ياظالم


]-أول قسم تدخلينه بالمنتدى؟؟؟ [/]
قسم الالعاب
]- القسم اللي ما تعرفي تشارك فيه ؟ حلوووه !![/
ممكن قسم الرياضة
]-أكثر شيء عاجبك في المنتدى؟
كل شى فى المنتدى حلو



]- أكثر شيء مضايقك في المنتدى؟[/
مفيش حاجة بصراحة

]قصه من قصص القرآن أثرت فيكِ ؟[/
قصة سيدنا يوسف
]آية من آيات القرآن الكريم تردديها دائماً ؟[/
اية الكرسى
]وماهي أسعد لحظة شعرتى بها ؟
اسعد لحظةلما نجحت

وهل تعشقي البحر ؟
اكيد