good girl....على كرسى الاعتراف..

جراف
عندي ليك سؤال واحد ليك
انت داخل المنتدى ب اسمين؟

نو ياجوليت
هو الاسم دا بس جراف اللي بخش بيه
ههههه دا انتي اسئلتك سهلة خالص

لا اصلك قبل كدة كتبت موضوع ورديت عليه كانك حد تاني
فتوقعت انك نسيت ورديت ع نفسك ع انك الاسم التاني (ما عليك)
س:ف رايك اه اكتر قسم مرتاح ف الكلية دي
س:لو حصل ومسكت وزارة التعليم ايه اهم قرارات حتخدها
(يمكن افكر ارشحك ولا حاجة)
س:ودا سؤال غريب شوية
ف مجلس الشعب حترشح مين؟
وتعمل ايه لو معظمهم ستات حترشح واحدة عادي يعني؟
لو بقيت عميد كليتنا ايه اول قرار؟

جيراف

دى شوية اسئلة علي ما قسم كدة

بالهنا والشفا



هل انت مرتبط......؟وبصراااااااحة.؟

_هل تخاف على من تحب......؟


_اكبر مشكلة قبلتك فى حياتك ومعرفتش تحلها....؟


_اكتر حاجة تفرحك واكتر حاجة تضيقك....؟


_اغلى واحد عندك فى الدنيا...؟


_اغلى واحدة عندك فى الدنيا.....؟


_هل انت واثق من نفسك فى كل حاجة بتعملها......؟


_متسرع ولا لاء......؟


_اية الحلم اللى نفسك تحققوا....؟


_هل فى يوم خسرت واحد صحبك عشان بنت...والعكس...؟


_مين اكتر صاحب ليك...؟

دى كانت اسئلة ريكاردوا كان سالها لحد


جاوب وبسرعة


ميييييييييييييييييين البنت اللى شغلاااااااااااااا تفكيرك يا جميل يلا قول بصراحه


نفسك تعمل ايه دلواتى حالا

اكتر اكله بتحبها

بتعرف تطبخ

انت بتاكل بسرعه ولا بتاخد راحتك ف الاكل

بتحب تشرب شاى ولو بتحبه كام كبايه ف اليوم

وكام معلقه سكر

ايه هو اهم عيب عنك قول عادى

نفسك تعيش كام سنه

نفسك تعيش ف بلدك باقى عمرك ولا تحول بلد تانيه

نفسك تشتغل ف الخليج ولا اوربا ولا ف مصر هنا

عندك كام صاحب تقريبا

مين اكتر واحد بتحبه ف الكليه

مين اكتر واحد بتحس انو اعلى منك على طول فى اى حاجه بيكون احسن منك

احسن ميزه فيك بس من وجهه نظرك انت

بتحب تنام بدرى ولا متاخر

رجعلك تانى اكيد

ايه الامنية اللى بتتمناها؟

ايه اصعب موقف مريت بيه؟

ايه موقفك من الحب؟هل جربته؟هل مؤمن بوجوده؟

فى اى قرار تتخذه..تحكم عقلك ام قلبك؟


هل ندمت فى حياتك على

شئ معين؟

هل انت راضى عن نفسك؟

ايه اكتر حاجة بتحبها فى نفسك؟

انت مغرور؟

انت برج ايه؟

ايه الحاجة اللى بتتمنى تكون فى منتدى علوم؟

منتدى علوم بيمثلك ايه؟

مين اقرب واحد ليك فى اسرتك؟

لو خيروك بين الحبيب والصديق هاتختر مين؟

هل انت صريح مع نفسك ولا لا؟

امتى بتحب تقعد مع نفسك؟

انت اجتماعى ولا انطوائى؟

ايه رايك فيا؟ههههههههه

مين اللى بتحكيله اسرارك؟

امتى تكون مخنوق ونفسك تعيط؟

تحب يكون معاك مين دلوقتى؟

ايه اكتر حاجة بتحبها فى المنتدى ده؟

جوليت13 كتب:

لا اصلك قبل كدة كتبت موضوع ورديت عليه كانك حد تاني
فتوقعت انك نسيت ورديت ع نفسك ع انك الاسم التاني (ما عليك)
ههههههههه,طب اهنو موضوع دا اللي خلاكي تاخدي بالك اوي كده من طريقة ردي
س:ف رايك اه اكتر قسم مرتاح ف الكلية دي
الاقسام التانية غير الكيميا والفيزيا,يعني زي كيميا حيوان وكيميا نبات
س:لو حصل ومسكت وزارة التعليم ايه اهم قرارات حتخدها
(يمكن افكر ارشحك ولا حاجة)
اني الغي نظام الامتحانات دا خالص بتاع الثانوية اللي بيخلينا نتوتروا جامد
ويتبعوا نظام التعليم في اوروبا,واهم حاجة ان يبقى في شرح في المدارس عشان الطلبة ماتاخدش دروس خصوصية

اس:ودا سؤال غريب شوية
ف مجلس الشعب حترشح مين؟
ولا اعرف حد في مجلس الشعب,ولا بتابع حد,انا يادوب بس بشوف اسماء المترشيح,سواء احمد او محمد بقى في مجلس الشعب,كلهم زي بعض مافيش حد هيبقى فارق عن التاني ولا هيغير حاجة
وتعمل ايه لو معظمهم ستات حترشح واحدة عادي يعني؟
ههههههه,الستات دلوقتي بقت ماسكة كل حاجة في البلد,يعني هتيجي على مجلس الشعب
لو بقيت عميد كليتنا ايه اول قرار؟

اني اشيل بعض الدكاترة اللي طلبة بتشتكي منهم يامة,واكيد احنا عارفينهم,
زي........اممممم الحيطان ليها ودان بلاش احسن:$

SHOPA كتب:

جيراف

دى شوية اسئلة علي ما قسم كدة

بالهنا والشفا



هل انت مرتبط......؟وبصراااااااحة.؟
لسة مابفكرش في الارتباط دلوقتي,لما اخلص كلية واشتغل يبقى افكر في الارتباط

_هل تخاف على من تحب......؟
اللي بيحب بيخاف على اللي بيحبه اكتر من نفسه ومستعد انه يضحي عشانه

_اكبر مشكلة قبلتك فى حياتك ومعرفتش تحلها....؟
كانت في مشكلة قابلتني من كام يوم,بس ماعرفتش نحلها عشان ماكانش بايدي حاجة,مش قلة حيلة,بس الانسان اللي كان المفروض اشرحله الوضع ماينفعش اقابله

_اكتر حاجة تفرحك واكتر حاجة تضيقك....؟
اكثر حاجة تفرحني لما بلاقي نفسي عملت حاجة تفرح انسان عزيز عليا
واكتر حاجة تضايقني اني اشوف حد زعلان مني

_اغلى واحد عندك فى الدنيا...؟
والدي ربنا يحفظه

_اغلى واحدة عندك فى الدنيا.....؟
والدتي ربنا يخليهالي


_هل انت واثق من نفسك فى كل حاجة بتعملها......؟
اممم,مافيش حد بيكون واثق في كل حاجة بيعملها,بس على الاقل انا بكون راضي عن كل حاجة بعملها

_متسرع ولا لاء......؟
امم ساعات في بعض االاحيان لما بكون متنرفز,والتسرع عندي بيكون في الرد مش في الفعل

_اية الحلم اللى نفسك تحققوا....؟
اني ازور جزيرة قبرص

_هل فى يوم خسرت واحد صحبك عشان بنت...والعكس...؟
الحمدلله مافيش يوم خسرت واحد صاحبي عشان بنت,لان اللي اعرفهم الحمدلله دماغهم عاقلة
وعمري ما اخسر واحد صاحبي عشان بنت,لان حتى لو فكرت في كده,صاحبي هو اللي باقيلي طول عمري لكن البنت لاء


_مين اكتر صاحب ليك...؟

سلطان ورضا

SHOPA كتب:

ايه الامنية اللى بتتمناها؟
.......سؤال مكرر
ايه اصعب موقف مريت بيه؟
...سؤال مكرر

ايه موقفك من الحب؟هل جربته؟هل مؤمن بوجوده؟
كل واحد جرب الحب,والحب موجود وهو لا عيب ولا حرام طالما انك مش بتلعب بمشاعر الغير

فى اى قرار تتخذه..تحكم عقلك ام قلبك؟
اي قرار بيطلع من الواحد بيكون من عقله,القلب هو اللي بيغير القرار حسب المشاعر اللي جواه للشخص اللي هتاخد القرار دا ادامه

هل ندمت فى حياتك على

شئ معين؟
نعم
هل انت راضى عن نفسك؟
الى حد ما
ايه اكتر حاجة بتحبها فى نفسك؟
اني مش بحب اتمادى في الغلط

انت مغرور؟
الحمدلله لاء,واللي يعرفني هو اللي قال عني كده
انت برج ايه؟
انا برج الاسد
ايه الحاجة اللى بتتمنى تكون فى منتدى علوم؟
ان يكون فيها كافيتريا الواحد يقعد فيها بدل ما الواحد كل شوية قاعد في الشمس وعشان يجيب حاجة لازم يطلع برة
منتدى علوم بيمثلك ايه؟
بيمثلي مكان جديد بنعرف فيه اصحاب جداد في الكلية
مين اقرب واحد ليك فى اسرتك؟
والدتي

لو خيروك بين الحبيب والصديق هاتختر مين؟
ايه الموقف اللي يخليني نختار مابينهم,لما نعرف الموقف,ونشوف مين الغلطان وساعتها نصلح الغلط,مش ضروري ان دا معناه اخسر حد من الاتنين
هل انت صريح مع نفسك ولا لا؟
نعم
امتى بتحب تقعد مع نفسك؟
بقعد مع نفسي لما بلومها على حاجة غلط انا عملتها
انت اجتماعى ولا انطوائى؟
اجتماعي
ايه رايك فيا؟ههههههههه
انسان كويس ومحترم,بس المفروض انك ماتشيلش من حد ولما ييجي حد يصالحك ماتشيلش في نفسك كتير
مين اللى بتحكيله اسرارك؟
رضا وسلطان
امتى تكون مخنوق ونفسك تعيط؟
لما بفقد حد عزيز عليا
تحب يكون معاك مين دلوقتى؟
اصحابي
ايه اكتر حاجة بتحبها فى المنتدى ده؟

اننا اخوات هنا كلنا

ايه رايك فيا؟ههههههههه
انسان كويس ومحترم,بس المفروض انك ماتشيلش من حد ولما ييجي حد يصالحك ماتشيلش في نفسك كتير



علي فكرة واللع العظيم يا بلال انا عمرى ما شيلت من حد



لو زعلان من حد بقولة في وشة انا زعلان علشان كذا وانت عملت كذا


لكن الي حصل دة ............... بينى وبينك احسن


ولو قصدك علي الموضوع التانى القديم دة انا واخد فية قرار نهائى


وانت عارف كدة

انت طلبت اني اقول رايي وانا قلته بكل صراحة,سواء كان عالموضوع القديم او عاللي لسة حاصل في الكلية
قلبك ابيض ياشوبا المهم ركز في مزاكرتك

يارب ياعلي اليوم دا ييجي بسرعة

هااااااااااااااااااااااااااااااااااااااااااااااي

حبيب قلبى

انا حبيبك وتوام روحك دى حاجة انا متاكد منها

ودك تغير اسمى اللى هو شاعر الاحزان انت تؤمر ياعمرى


انا وسلطان اقرب الناس ليك انا عارف كده من غير ما ادخل

وحظك الحلو انى ماكنتش موجود من اول ما انت قعدت
واللله كنت هاعصرك خاصة بعد اجاباتك على روز اللى فى الاول

الكرسي مغلق لفترة الامتحانات

ههههههههههههههه عارف ياراضو
والله كنت عارف اسئلتك
وادخل على اول صفحة من اول ماقعدت عالكرسي وانا قلت كويس ان راضو مش موجود
ههههههههههه

الامتحانات خلصت والحمد لله

علي خير علي شر خلصت



ونرجع لعبة الكرسي تانى


والنجم جيراف يختار حد مكانة بتهري اسالة



يالة يا نجم بسرعة احتار

اخر عضو على الكرسى ما حددش عضو بعديه
انا بقى حرجع اللعبه مع اول واحد كان على الكرسى من الجزء الاول وهو


ولا بلاش انا حعمل زى افلام
SAW



WEKA




I want to play the game
Sodek available to members foR a week
Live or die, this is your choice

ويكااااااااااااااااااااااااااااحبيبى
على الكرسى

دانا هاظبطك
اصبر عليا
احنا اتصفينا بقى من فترة وظبطنا الشلة

فحدث ولا حرج
وهاتجاوبنى على كل اللى نفسى فيه باذن الله


منور ياصاحبى

منورة الكرسي يا اخى العزيز

دوري اسأل شوية أسألة خفيفة


1 - متى يمضي الوقت دون ان تشعري به؟

2 - هل تتلقين النقد بصدر رحب ؟

3- نقد لمن توجينه ؟

4 - هل انت ممن يقتنعون بسرعة ؟

5 - ماالذي يجعلك تنفجر غضباً ؟

6 - ماذا تعني لك النصيحة ؟

7 - هل تتقبل النصيحه من كل من حولك سواء اعضاء او زملاءاو اهل واغراب ؟

8- اذا رايت موضوع ولم يعجبك او ازعجك هل تعبر عما يعصف بك او تسكت ؟؟

9- مارأيك بالمنتدايات العربيه علي النت وهل تؤدي الدور المطلوب منها او مضيعه للوقت و المال في معظمها؟

10- ماهو شعورك عندما يطرح عليك سؤال تعجز الرد عليه ؟

11- فرضا لو اصبحت امراه ليوم واحد دون ان يعرف احد بالامر فما الذي سوف تقوم به من ادوار المراءه التي لا تستطيع القيام بها و انت رجل ؟؟


12- ما رأيك بالمراه اليوم....؟


هاقولك كلمات توجها لاشخاص


مواضيعك ممتاز
- انت فين وغايب عننا ليه
- المنتدى وحش من غيرك
- رأيك بيعجبنى
- انت شخصية محبوبة جدا في منتدى كليه العلوم
- انت دمك خفيف اوى
- انت شخصية قوية تتحمل الصعاب

10- هل خسرت صديق قبل كده؟ وليه ده حصل؟ وياترى بتعامله ازاى دلوقت لو اتقابلتوا؟؟

11- هل ظلمت حد قبل كده؟؟؟ وعملت ايه لما اتأكدت انك ظلمته؟؟؟ وياترى سامحك والا لاء؟؟؟

12- هل حد ظلمك لدرجة انك قلت مش ممكن اسامح؟؟؟ وياترى ايه الموقف لو ده حصل؟؟؟

13- ايه العيب اللي شوفته في ويكا وقدرت تغيره؟؟؟؟ وايه العيب اللي شوفته ومش قادرة تتغلب عليه؟؟؟

14- ايه العيب او الصفة اللي ماتقدرش تتحملها في اللي قدامك؟؟؟؟؟

15- ايه اكتر حاجة بتحبيها في المغنى اللى بتحبه ؟؟؟ واكتر حاجة بتتضايق منها؟؟؟ وبرده نفس السؤال عن الممثل

16- بتحب ايه اكتر حاجة في كل من:
- شهور السنة
- فصول السنة
-ايام الاسبوع
- الليل والا النهار
- الأكلات
- المشروبات
- الالوان

17- لو هاتسافر مكان ومطلوب منك تاخد شخصين بس معاك تختار مين؟؟؟

18- دموع ويكا سهل حد يشوفها والا صعب؟؟؟ وياترى مين الشخص اللي ماتخجلش لو شاف دموعك في اى وقت؟؟؟


ايه البلد اللي تحب تزورها؟؟ ولو ماكونتش مصري كنت تتمني تكون من اى بلد؟؟؟

21- ايه السؤال اللي كنت تتمنى انى ماسألوش ؟؟؟


كفاية اليوم يارب تكون اسئلتنى مش ثقيله عليك وربنا يعينك على الكتابه مقدما


حابقى ارجع بس لما تخلص دول انا رحيم اهو بيك هههههههههههههههه


منور اخى العزيز ترقبو الجديد منى مع اسئله البرنسيسه ههههههههه