اتصالح مع نفسك
كانت ديما وقفه بعيد وبتلبس علي الموضه
بس اللي يلفت نظرك ليها نظارتها السوده
ساكته سرحانه تايه في دنيا تانيه لوحدها
مالهاش اصحاب غير صاحبه ديما جنبها
مافيش كلام ولا سلام مع اي اي حد
ولما تضحك ايدها تخبي ضحكتها بجد
وكأنه كان حرام وكأنه كان ما الاول ممنوع
انه حد يشوفها او تضحك بصوت مسموع
حره وعايشه في سجن وده سؤالي ليها
من غير ما اكلمها من غير ما اشوف عينيها
انتي مين....
وتجري السنين سنين وبعد المولد ما اتفض
اقابلها صدفه الاقي عنيها لسه في الارض
هي هي نفس النظاره ما تغيرتش كتير
نفس الملامح يمكن هي رافضه التغير
المرادي مش هسيبها لازم اسألها
قربت منها بشويش وقبل حتي ما اقولها
اتبرجلت وحطت ايدها علي عينها بسرعه
وسمعت صوتها لما قالت وهي بتبكي دمعه
لو سمحت لو جاي تتريق عليا ارحمني
اتريق اتريق ليه وبأماره ايه يعني
قالتللي امال انت عايز مني ايه وهي بتموت
مالخوف قولتلها اسمي ماسمعتش منها صوت
قالتلي يبقي انت عرفت الحقيقه وجاي شمتان
والله انا مش فاهم حاجه فهميني من غير شمتان
طبعا قالولك(....)بتحبك وانت ازاي هتحبها
ديه واحده عاميه بس ماتكمليش وقطعتها
يعني انت كنتي بتحبيني وخايفه مني
لاعرف انك...... واتريق عليكي واغني
هتصدقيني لو قولتلك انا دلوقتي بحبك
طبعا بتعطف عليا ومتشكره لقلبك
والله بحبك عشان انتي اطهر انسان علي الارض
انتي اتعذبتي كتير ورضيتي الحل يبقي البعد
وربناجمعنا تاني عشان احنا لبعض
فرحت كتير من يوم ما عملت الفرض
ورجعت عنيها فتحت تشوف الحياه صح
وارجعت انا انسان والماضي كله بح
