شاركنا الخير

قال تعالى:
و
قال رسول الله _صلى الله عليه وسلم:

أحب الناس الى الله أنفعهم ،وأحب الاعمال الى الله سرور تدخله على مسلم أو تكشف عنه كربة أوتقضى عنه دينا أو تطرد عنه جوعا. ولان أمشى مع أخى المسلم فى حاجه أحب ألي من أن أعتكف فى المسجد شهرا

صدق رسول الله صلى الله عليه وسلم






ها اية رايك ...

تحب تعمل خير ...

مش عارف الطريق؟؟؟



فكرت قبل كدة بدال ما تضيع عمرك ووقتك فى اغضاب ربنا..

فكرت بدال ما تضيع وقتك فى اشياء انت بتضر بيها نفسك قبل ما تنفعها ... جربت قبل ما تشتكى من ضياع وقتك انك تقرب من ربنا

فكرت تجرب تساعد حد


جربت لذة الخير ومتعتة .....

مش هحكيلك عليها لانها متعة لا تضاهى .... بجد ..

جرب مش هاتخسر كتير...بالعكس هاتكسب

واعرف ان اكتر شخص بيكسب من مساعدة الناس هوا انت

لانك ببساطة هتلاقى فرح ملقتهوش فى اى حتة .. هاتحس بنفسك بجد


ابدا بنفسك

حاول تتغير ...وصدقنى اكتر حد هايكسب هوا انت

لانك هتلاقى شخص مكنتش تصدق انه موجود جواك

جرب

طيب تحب تعرف بقى مين رساله ..مين شباب الخير دول


ماشى يا سيدى



بص كدة





من نحن
بدات رسالة كحركة طلابية في كلية هندسة جامعة القاهرة وذلك رغبة من الطلاب في محاولة تطوير مجتمعهم و التوجة نحو الايجابية كانت الانشطة تتراوح بين التبرع باالدم وخدمات الكلية و زيارات دور الايتام و المسنين و المستشفيات

2000] كانت النقلة الاولى لرسالة عندما تبرع شخص بقطعة ارض في فيصل و استطاع الشباب المتطوع توفير التمويل اللازمة بمجهودتهم الشخصية وتم اشهار الجمعية برقم 444 وتم انشاء اول فرع من فروع رسالة (رسالة فيصل)

2005 جمعية رسالة من اكبر الجمعيات الخيرية في مصر 11فرع للجمعية ( فيصل - المهندسين - المعادي-6 اكتوبر-مصر

الجديدة-القناطر-الاسكندرية - الزقازيق-المنصورة-الفيوم - المنوفية ) ويمارس من خلال هذة الافرع ما لا يقل عن 13 نشاط خيرى يعمل بة الاف المتطوعين من الشباب (دلوقتى احنا 53 فرع وعددنا بالالوفات)

وبالنسبة للانشطة الى ممكن تساهم فيها ...لو حبيت تعرفها بشكل افضل ....
ممكن جداااااااااااااااااااااا زورنا انتا بس فى الجمعيه وحنا نقولك (دحنا عندنا فى فرع دمنهور 16 نشاط كل نشاط تحته فروع كتير..اكيد هتلاقى حاجه تعجبك)
على فكره محافظه البحيره فيها اربع فروع(كوم حماده، ابو حمص،ابو المطامير،دمنهور،وايتاى البارود تحت الانشاء دلوقتى)
محاضرات أخلاق المهنه بكلية الهندسة جامعة القاهرة كان بيديها دكتور شريف عبد العظيم وكان بيتكلم عن كلمه (ونا مالى) كان بيقول ان كل واحد بيحافظ على بيته وينضفه كويس لكن لما بيجى يخرج للشارع ممكن يرمى القاذورات ويقول ونا مالى, ومن داخل قسم الالكترونيات والاتصالات الكهربية تولدت رغبة فى عمل شيئ لخدمة المجتمع ,حيث اجتمع عدد من الطلاب بعد لمحاضره وذهبو لدكتور شريف عبد العظيم وطلبو منهم انه يساعدهم انهم يكونو ايجابيين،, ومن هنا قامت أسرة رسالة على أساس العمل الجماعي والتطوعي لخدمة الكليةوالمجتمع
تعالى بقا يا سيدى اقولك هدفنا ايه

هدفنا هوا عمل الخير

طبعا انا عارفه دلوقتى انك بتقول مين بيمولكو عشان تعملو انشتطكو انا اقولك بقا اللى بيمولنا هما الشؤون الاجتماعيه والتبرعات اللى بتجيلنا تعرف انه فى شهر شعبان2008 كان عندنا حمله دعايه فى فرع دمنهور ويومها لفو دمنهور دى على رجليهم يعملو دعايه للناس ويطلعو عمارات وينزلو( وكانو يومها راجعين محبطين لانهم شيفين ان مبلغ المال اللى جالهم من حمله الدعايه مش قد تعبهم ومش هيكفى نشاطتهم )لقو فى نهايه اليوم تليفون الجمعيه بيرن( هيه دى نمرتنا 0453374480-0166408080-19450)وكانت المتصله واحده وطلبت ان مدير الفرع يجيلها شخصيا وميبعتش حد تانى المهم المدير راح ولقا الست دى متبرعه بمبلغ 20الف جنيه ايوه صدق عنيك عندنا فى دمنهور والله الكلام ده ده غير ان فى رمضان كمان جالنا تبرع بمبلغ عشرين الف تانيه بص كده يعنى فى شهر واحد بس وصل للجمعيه تبرعات ب40 الف جنيه ده طبعا غير الفكه اللى هما كانو تقريبا 800 جنيه
وكمان عندنا مصدر تانى للتمويل وهوا الاستمارات بتاعتنا وهيه شجره الجنه وكفاله اليتيم والصدقه الجاريه

انا بقولكو دلوقتى الكلام ده عشان احنا عندنا من النهارده شغل جامد اوى اتمنى انكو تشاركون فيه عندنا معرض ملابس لمده ست ايام هيكون الاربع والخميس والجمعه فى مركز خدمه المقريزى
والسبت والاتنين والاربع فى سنهور
وده تمهيد لقافله جامده جدا هتكون عندنا فى اول الدراسه (المفروض انها كانت فى اجازه نص السنه بس تم تأجيلها لقله الموارد الماليه)
القافله دى هيكون اسمها (يوم العطاء فى القوافل) وده هيحصل فيها الاتى:
1-توزيع150شنطه غذائيه
2-توزيع 50بطانيه
3-صيانه اسقف لبيوت اسر
4-تركيب وصلتين ميه
5-صيانه3مساجد
6-ندوه دينيه هيقدمها الاعلامى الاستاذ شريف عبد العظيم(تم ترشيحه من قبل الشيخ محمد حسان وهو اعلامى شاب يقدم برنمجه على قناه المحور)
7-قافله طبيه للكشف المجانى وتم الاتفاق مع عدد من الاطباء انهم يجو معانا
8-توزيع احتياجات اسر
9-معرض ملابس
10- توزيع جهاز عرايس
11- ندوه ثقافيه طبيه
طبعا زى ما انتو شايفين الشغل جامد ومحتاج متطوعين كتير
قبل المعرض هيكون فى فرز للملابس اللى هتتعرض الفرز فى الجمعيه ده بالنسبه للبنات اما الشباب هيروحو المخزن
ها اية رايك ....تحب تشارك شباب الخير ....

ما تضيعش الفرصة ,,,,مستنينك
كان النبى { صلى الله عليه وسلم } يوماً مع الصحابة

فقال : " اشتقت لأحبابى "

فتعجب الصحابة من هذا الكلام !! وقالوا : يارسول الله .. أولسنا أحبابك ؟!

فقال { صلى الله عليه وسلم } :لا .. أنتم أصحابى ..

" أحبابى قوم يأتون من بعدى يؤمنون بى ولم يرونى "


يا حبيبي يا رسول الله ...

أمشتاق انت ..... ؟؟؟
على فكره ملحوظه صغيرهخالص احنا لا حزب وطنى ولا اخوان مسلمين تعالى ومتخفش
اسيبكو مع فديوهاتنا
https://www.youtube.com/watch?v=6YefEEgC8pw&feature=related

https://www.youtube.com/watch?v=e8e6eoQ-x3Q

https://www.youtube.com/watch?v=dUH02FpDjOA&feature=related
مستنيا ردودكم واستفسارتكم