طبعا كلكو متعودين منى اننا كل شويه نقعد نمدح فى الجنس التانى دا
اللى هما بيقولو عليه الجنس اللطيف
بس انا موش مع الحاج اللى قال انه جنس لطيف اطلاقا
موش عارف مين المهبول اللى قال كدا
يلا منه لله خلاهم اخدو مقلب في نفسويتهم بس اهى ملحوقه هنتكلم النهاردا عليهم
وربنا يجعل كلامنا خفيف على الكل
المهم
موضوع النهاردا عن شويه صفات عن البنات اليومين دول
بس انا عاوز بقي الكل يعقم احلى تعقيم
علشان كدا موش هينفع يا معلمين والله
يعنى الواحد عرقان فى التوبيك دا وكاتبه بعرق جبين اللى جمبه
المهم نبدأ بقي واستعننا على الشقا بالله
اولى الصفاااااااااااااااااااااااات
اللسان
البنت اليومين دول ربنا واخد منها كل حاجه ومديها حاجه واحده بس
تعرفو هيا ايه ؟
لسان زى الحربايه_ والعياذ بالله
مشاء الله تلاقيها ماشيه وماسكه لسانها جمبها
موش بعيد تلاقيها رابطاه على وسطها علشان موش يتدلدل ولا حاجه
لو فكرت انك تتريق على واحده اكيد مش هتسلم من لدغته وموش اى لدغه بقي
جرب انت بس وهتدعى عليا بعون الله
وخاصه لو كانت عامله التحجيبه سبانش
خد بالك من دول اوى اوى يا حلو
واوعى تقرب منهم لانهم متكهربين
ربنا يسهلك بقي
الصفه التانيه
الغرور
البت من دول تلاقيها مناخيرها فى السما
طبعا على نفسها يعنى موش علينا
المهم تيجي تدور على ايه بقي كل دا
متلاقيش يا حاج
وياسلام بقي لو اضطرتك الظروف انك تقرب من واحده منهم
لاى سبب بقي موش مهم المهم انت جنيت على نفسك وقربت
حتى لو هى مش فى دماغك اصلا ولا انت واخد بالك منها
تلاقى عرق التناكه نقح عليها وانت تفكر انه جالها انتفاخ وفاكراك عاوز تكلمها على اساس
ان خلاص واقف جمب الموزه ام شفايف
اللى اسمها انجلينا جولى ولا واقف جمب طنت حبيبتنا هيفاء وحوش صاحبك يا عم عنى
و يعنى مفيش غيرها فى الدنيا وماشى انت جنب نانسى عجرم
وتلاقيها بصتلك بطرف عنيها كدا علشان متبينش اهتمام وتبعد خطوه صغيره اوى بس مع مراعاه
انها مبتغيرش مكانها اصلا
يا دوب بس تحسسك ان فى كائن جنبك
وطبعا انت احلى حاجه منك انك حالقلها ولا كأنها هنا
لانها عندك اثلا موش تسوي يا بنى
المهم انتى خليك معايا وانت هتكسب
تعالى بئى فى الكليه
لو اضطريت انك تكلم واحده زميلتك فلازم تجهز مليون سبب مقنع لهاعلشان متتنكش عليك
بس انت بقي اتحمل علشان مصلحتك طبعا
هتبدأ بئى تسألها عن محاضرا وكلام فارغ وهى هتستهبل وتعمل انها مصدقه _ ال يعنى مفيش
طلبه غيرها فى الدفعه وعايشه فيها الدور
المهم انت يا حاج مصلحتك وبس
وعيش برده اللحظه
واوعى تنسانى برده
الصفه التالته
الشياكه
الشهاده لله يعنى البنات دلوقتى بيهتمو بنفسهم اوى
تلاقى البت مأنتكه نفسها وماشيالك فى الشارع عامله ست الدلوعه بقي
يعنى لو تفتكر فى اول سنه فى الكليه البنت بتدخل وكأنها هتشوف عريس متأنتكه ومستحميه
وواخده شنبر على رأي اللمبي
المهم تلاقيها بتلمع عاوزه تجزب انتباهك بقي
بس احلى حاجه لو عملت انت من بنها وحلقتلها
تبقي انت كدا حبيب هارتى
طبعا كلكو فاكرين القصه بتاعه الست اللى كانت كل يوم تصحى تلاقى وشها غرقان ميه :
بس بالرغم من كدا علماء الاجتماع بيقولو ان الجيل الجديد هيغير الصوره دى للست المصريه
يعنى ممكن لو لاقدر الله اتجوزت تدخل تلاقى مراتك شبه البنى آدمين عادى
يعنى بس هتلاقى اريال طالع من دماغها ولا ريحه البصل مبهدله الدنيا
بس انت خليها على الله يا عم ومتتشائمش
الصفه الرابعه
الاجتماعيه
البنت المصريه بقت اليومين دول اجتماعيه بدرجه جيد جدا جدا جدا كمان
فى ثانيه كدا تلاقيها رمت ودنها فى اى حوار ومتسيبوش الا ما تجيب اخره
ودودوووودووووو لما تصدع الناس
المهم متسيبش الموضوع عايم كدا
لازم تحشر نفسها فى اللى ملهاش فيه
وطبعا بأجتماعيتها دى بتعرف تجيب اطراف الموضوع من كل الناس وده برضه يندرج تحت
اللسان ومش عارف ليه مفيش موضوع الا لازم تتدخل فيه
المهم متسيبش ولا بنى ادم فى حاله
ولا انتو ايه رأيكو
حد يقدر ينكر؟؟
ام هند
ومحدش يسألنى معناها لانى شرحته اكتر من موزه
قصدى مره
الصفه الخامسه
النكد
مشفتش اى بنت مش بتحب النكد والنكد بالنسبالهم ليه صور كتير اوى اوى
الخناق عمال على بطال وتنكد على اللى انطس فى نظره واتنيل خطبها ولا على اخواتها
ولا على اى حد الى يعينى بيكونو غلبلابه
وبيستحملوا
( اى والله احنا مظلومين بقينا زى الجمال من الى بيحصل فينا )
طيب مفيش خطيب ولا جوز يبقى التليفزيون وكام مسلسل درامى او فيلم هندى بقي واديلو
وعلبتين مناديل وهات يا عياط وتلاقى يا جدع دموع التماسيح عندهم قريبه اوى
على رأي ابن خالتى
بيقولى يا جدع الواحد بيفضل يفعص فى عيونه انها تجيب دمعه واحده مفيش
ودول اللى تلاقيهم يقفلو رموشهم بس وهاتك يا سيول وتعالى اشترى بقي يا حاج
حتى بعد اى امتحان لازم تخرج تعيط فى ايه يا بنتى مالك اصلى محلتش
النقطة الاخيرة فى الامتحان هسسسسسسسقط
وتقلبهالنا منااااااحه وتسدقى بقي يا معلم ما انت طيب بقي انها فعلا هتسقط وانت تاخد على خاطرك بقي
( مع العلم ان النقطة دى فى سوال
اختيارى وهى حلته زيادة تاكيد) شوفت بقي ......
الصفه السادسه
الميول العدوانية
عمرك شفت بنت بتتفرج على مصرعة ؟؟؟
ايوة والله فى بنات كتير بتتفرج على مصارعة وحافظين اسماء المصارعين كمان
وحركتهم ...وانت تلاقيك يا عيني متعرفش عنهم حاجه .... مسكييييييييييييييييين
غير ان فى بنات كتير بطلات رفع اثقال- وتايكوندو- والعاب عنيفة
كتير
( يارب لما تعاكس متقعش فى ايد وحدة منهم)
هتاكل ضرب لما يبانلك صحاب وانا ساعتها معرفكش
الصفه السابعه
الاسراف
بيحبو يشترو اى حاجة مش مهم هى ايه او بتعمل ايه او فايدتها ايه بس هى حاجة جديدة
وخلاص غير اللبس والميك اب ..الخ الخ واهم حاجه ينكدو على الوالد وادفع يا حاج
مساكين احنا والله
ام هند
تعالى فى مرة اعمل دور جنتلة وقول لبنت انا عزمك فى اى مكان تحبيه بس تكون عامل حسابك
وبايع بيتكم قبلها عشان تسدد الفاتورة يا اما هتاكل ضرب لما يبانلك صحاب
او تمسح المواعين
زى كليب كريم ابو زيد انا عاوز اتجوز انا
وياريته ما اتجوز ولا شاف الجواز
لان مفيش بنت هتدخلك مطعم رخيص كدا ولا حنين
مهو كلو على حسابك يا اخ وابو بلاش كتر منه
وادفع انت يا غلبان
الصفه التامنه
الغيرة
الغيرة للبنت حاجة عادية للولد تبقى شك
طيب والبنت الى بتبص للبنات الى فى الشارع او الكلية او الشغل عشان تشوفهم
بيعملو ايه وتعمله
( تلقيها ديما تقولك هى فلانة حلوة كل ده ميك اب بس /
علانة دى اصلا كانت كذا وكذا وكذا دا البت الفلانيه جالها داء السل ياخدها ههههههههه...)
المهم متبطلش كلام فى سيره الناس
الصفه التاسعه
العند
العند ده صفة منتشرة جدا بيحبو يعندو عشان يحسسو الشباب انه بيتفقو عليهم
تعالى كلم وحدة فى التليفون وقولها اقفلى تقولك لا انت الاول انت تصر انها
تقفل الاول هتعند معاك لحد مارصيدك يخلص والخط يقطع من عندك
( مهو طبعا انت الى متصل ...يا حوبي واشرب بقي )
ويتخرب بيتك بقي واللذي منه ولابنا معاك يا معلم
الصفه العاشره
البراءة المصطنعة والهدوء
البنت ديما تلقيها فى اول مرة تتعرف عليها بتكون هادية ولذيذة ودمها خفيف
ولو زعلتها بتسكت وممكن تعيط كمان وللأسف تلاقى عندها من الاحمر...بعد فترة لو لمحت من غير ماتقصد
وزعلتها هتتمنى لو كنت فى قفص الاسد دلوقتى على الاقل ممكن الاسد يتفاهم معاك عنها
وعينك ما تشوف الا النوووور
المهم انتو دلوقتى عرفتو صفات البنى ادمين دول
اللى على رأي ثديق عمرى مفكرين انهم جايين من كوكو زمرده
يارب يكون كلامى خفيف عليهم
وعاوز بقي شويه ردود قشاطيط
واوعو تنسونى
المسيو
