جربت تحبب حد فيك جديد من روميو

ارجوك كفايه ومتقولهاش انا همشى وابعد من نفسى
وسامحنى لو قليت راحتك او يوم فرضت عليك نفسى
محتاج اقولك كلمتييييين .. وبجد بعديهم همشى
واعزرنى يعنى عشان يمكن تسمعنى بس متفهمشى
اصل الكلام ده فيه حاجات تتحس بس تتقالشى

جربت تعمل كل شئ علشان تحبب حد فيك
وتلاقى رد بيوجعك باين فى كل كلامه ليك
بس انت عايش عالامل يمكن فى مره يحس بيك
جربت لما تبصله تلقاه اوام يبعد عينيه
وتحس لما تكلمه ان انت حمل تقيل عليه
احساس محدش يفهمه غير اللى حسه ومر بيه
جربت لما يكون حزين تبقى انت مش قادر تنام
وان حد قال انو انجرح تلقى الدموع سابقه الكلام
هو يادوب يقول الاه وانت اللى بتحس الالام
جربت تقبل كل يوم يجرح مشاعرك ويدوسها
عمال يحمل قلبك لوم على كلمة مقدرش يحوشها
جرب الامى وابقى قول هتحس ايه لما تعيشهاااا..