انا بجد خلاص اتخنقت منهم

انا بجد خلاص اتخنقت منهم
كلمة بنسمعها من شباب كتير سواء ولاد او بنات
كل واحد يقول (انا امي وابويا دول خلاص خنقوني)
تقول له ( ليه بس)
يقول لك(كل شوية رايح فين وجاي منين ولو اتاخرت برة شويةتلاقي كل خمس دقايق اتصال ويلا تعالي عشان اتاخرت بجد دي بقت حاجة تخنق وكل ده بحجة انهم خايفين عليا)

انا شايفة يا جماعة ان لو خوف اهالينا وقلقهم علينا حاجة تخنقنا يبقي الله يعوض علي الجيل.
ده خوفهم ده من ابسط حقوقهم علينا.
طبعا كلنا عارفين هما عملوا ايه علشاننا ومش محتاجين نسمع الكلام ده تاني.
بس علي الاقل حط نفسك مكانهم.
بلااااش تحط نفسك مكانهم.
تخيل انك اشتريت عربية غالية اوي ودفعت فيها دم قلبك
وتعبت اوي عشان تحوش تمنها.
تخيل هتبقي خايف عليها ازاي

ياااااااااااااااااااااااااااااااااااااااااااه

كل شوية تنضفها وتغسلها و وتبص عليها كل دقبقتين
ويا سلاااااام بقي لو واحد صاحبك استلفها منك ده طبعا بعد طول عناء
واتاخر بيها شوية شوف بقي هتبقي عامل ازاي
ما بالك بقي انت بالنسبة لهم مش حتة عربية ده انت ابنهم
يارب يكون اللي اقصده وصل لكم
انا اسفة يا جماعة
صدعت دماغكم بكلام كلكم عارفينه
بس اصلي سمعت الجملة دي من واحدة صاحبتي
واستفزتني بجد
فحبيت اعرض رايي المتواضع واسمع ارائكم
مستنية ردودكم
سلااااااااااااام

بجد يا كيوت انتى متميزه فعلا وتوبيك جميل جدا جدا

انا حقولك على حاجه حلوه اوى

بالنسبه للبنات طبعا لازم يبقى فيه خوف وقلق عليهم لانهم بنات ممكن يتعرضوا لمضايقات فى الطريق وخلافه وكمان

كل متدخلى على صلاه المغرب وبعديها بتلاقى القلق زاد جدا

ممكن لحاجات كتير احنا كلنا عارفينها

المضايقات والمعاكسات وخلافه

بالنسبه للاولاد اعتقد معظم اولياء الامور عادى جدا التاخير

انا عن نفسى اخرى فى الاجازه ممكن لحد4الفجر وما بعده

غير كده يبقى11كويس جدا علشان ميضيقوش فى البيت

لازم البنت تحط فى اعتبارها ان هى بنت مينفعش تتاخر بره بيتها اطلاقا

توبيك جميل اوووووووووووووووى يا كيوت بجد

وليا ان شاء الله كلام تانى فى الموضوع ده

شكرا ليك يا وائل
دايما منورني بردودك
وكلامك كله صح

اولا موضوع مهم جدا جداااا شكرا جدا عليه

ثانيا انا معاكى انتى و وائل فى كل اللى قولتوه

وبجد سؤالهم علينا كل شوية ده مش خنقه بالعكس ده دليل حبهم لينا
وعن نفسى حتى لو كنت ساعات بتضايق من طريقة تعبيرهم ليا عن خوفهم ده بس من جوايا بكون فرحانة اوى عشان بعرف قيمتى عندهم وقد ايه غالية عندهم وبيخافو عليا

والمفروض بدل ما نقول كل شوية انا اتخنقت منهم نفكر فيهم ونعمل حسابهم فى الموضوع ده وجربوا تتكلمو معاهم فى الحكاية دى وانا متأكده انكم هتفهموهم وتعرفوا معنى كلامهم لينا ده ايه بالظبط و خنقتكم دى هتتحول لكمية حب ليهم واحترام وتقدير بجد ما تتوصفش و انتو من نفسكم اللى مش هتعملو كده عشان هما ما يخافوش وما يقلقوش عليكم تانى
والطريقه دى متجربة

اسفه للاطاله ويارب ما اكون ضايقت حد بكلامى
شكرا ليكى كيوت على موضوعك المهم جدا ومتابعاه للنهاية ان شاء الله انا بجد خلاص اتخنقت منهم 229921

شكرا ليكي انت يا جود جيرل
بجد منوراني
وميرسي للرد الجميل ده

موضوع جامد يا كىوت
وانا معاكى فى كل كلمة قولتيها ومع وائل فى الكلام اللى قالة لانة بيحصل مع كل الناس
وبجد موضوع جامد

شكرا ليكى ياكيوت موضوع جميل 0كلام صح بس عندى اعتراض صغير على كلام وائل اعتقد ان مش معنى ان هو ولد يستنى بره البيت لحد4 الفجر والشباب زى ماحنا عارفين بتبوز بعضها

اعتقد ان محدش حيعترض على المموضوع ده لان فعلا هو ده اللى لازم يحصل
طاب انا ماما لو مقلقتش عليا مين يقلق عليا كفاية انهم اكتر ناس يحبولى الخير وان انا ابقى احسن منهم
وانا اتمنى اكون نصهم
اما بالنسبة لصحبتنا اللى مخنوقة دى فهى على طول كدة واكيد انتى عارفة
ميسى يااجمل كيوت وارق كيوت على الاضافة الجميلة جزاكى الله خير

معقولة
روزي عندنا يا مرحبا يا مرحبا
منوراني يا احلي روزي

سنيوريتا حبيبتي
ميرسي علي اجمل رد
جزاك الله خيرا

بالنسبة ليا

انا ابويا كل لما اقول علي اي حاجة ابويا يقول لا يقول العكس

وانا بجد والله مخنوق من الحكاية دى

ان قولت شمال يقول يمين

المهم العكس وخلاص

انا دلوقتى بعمل حاجة

ان كنت عايز اعمل حاجة اقول انا عايز اعمل عكسها

يجي هو يقول اعمل عكس العكس

يعنى الحاجة الي انا عايزها

بس انا مخنوق من الحكاية دى

لازم تكون متاكد ان باباك خايف عليك واللى انت بتبقى عيزه ده مش خير ليك

زائر

ميرسى ليكى يا كيوت
على التوبيك الرائع
دة
واحب اقولك
حاجة
كل اللى بيقول كدة انوا مخنوق من اهلة مش عارف قيمتهم دلوقت بعدين هيعرف قيمة امة وابوة فعلا بس لما يموتوا
بجد الاب والام ما يتعودوش ابدا
بس جامد بصراحة مرسى ليكى
انا بجد خلاص اتخنقت منهم D8e8c1635b8hc

Bnt Laziza كتب:: شكرا ليكى ياكيوت موضوع جميل 0كلام صح بس عندى اعتراض صغير على كلام وائل اعتقد ان مش معنى ان هو ولد يستنى بره البيت لحد4 الفجر والشباب زى ماحنا عارفين بتبوز بعضها

نورت التوبيك يا الذ بنوته

الولد ولد يا جماعه وخاصه فى الاجازه براحته 4 او5

انتوا عايزينوه يقعد فى البيت يعنى

ده كمان علشان تخدوا انتوا حريتكوا اكتر فى البيت

مش كده ولا ايه

لكن فى اوقات المذاكره طبعا بيبقى فيه قيود حواليه من مذاكره وكليه و.......فهمتوا قصدى

بس ميرسى ليكى يا الذ بنوته وطبعا رايك يحترم

انا بجد خلاص اتخنقت منهم 229921

شكرا ليكي يا الذ بنوتة
والله منوراني بجد
ورايك مية مية

الماجيك كتب
كل اللى بيقول كدة انوا مخنوق من اهلة مش عارف قيمتهم دلوقت بعدين هيعرف قيمة امة وابوة فعلا بس لما يموتوا
بجد الاب والام ما يتعودوش ابدا
EXACTLY
هو ده اللي كنت عايزة اقوله
شكرا للماجيك وشوبا
بجد الموضوع منور بيكم
وبقول لشوبا حاول تتكلم مع باباك يمكن تلاقي حل لمشكلتك

ان مبحبش التحيز
وانادى بالمساواة
ههههههههه
كيوت وبنت لذيذة اكيد فهمنى
وسلام لمصر

ماشي يا سنيوريتا يا جامدة
ومصر هي امي

» ذا استطعت أن تعرف 25 شخصية منهم ,,,, فأنت مثقف!!!!
» ابخل الناس 3انت منهم طيب اتأكد بنفسك
» مليار مسلم يتناولون الخنزير وأنت واحد منهم
» مشيت خلاص
» صدقني خلاص