????
زائر
 | | موضوع: بادى كارينا وبنطلون جينس الجمعة أبريل 02, 2010 12:36 am | |
| على سور البرندة
شوية شاى
وفرحى جاى
بس مش النهاردة
وعزومة ع الفطار
وصعب الاختيار
بين السهر للفجر
والصحيان بالنهار
وعلى الله الاجر
وكله ثواب
الله خد
الله جاب
متبكيش على حد
كله هباب
وقلبى حب
على حسب وداد
فين راحت
احلى الاوقات
ولما حبيت عفاف
أالفتلها كتاب
كتبت ع الغلاف
حبة عاهات
وعشان ربنا يحبك
متبصش للبنات
من ورا الشبابيك
البت دى بتحبك
وبتموت فيك
وقدامنا شجرة فل
بتبص ع الجيران
وقلبى بيطل
على حبة حنان
وعلى سور البرندة
كتيرة الحكايات
ومين عدى
طب مين فات
وفلان عايش
ياراجل هو مات
يابنى متبصش ع البنات
دى عود قصب
بس لابسة بكينى
بادى كارينا
وبنطلون سكينى
نفسى اتخطب
ياماما زوقينى
شبابيك
غنوة حلوة لمنير
سمعناها لما كنا
ولما كانوا
كتير
واهرب لفين
واروح لمين
بجرحى الكبير
وبناطيل جينز
بيضيقوها من تحت
وانت طالع لسمعة
اوعى الفحت
رصيف نمرة سبعة
والشارع سكوت
سامعين ألامنا
ولا مش ليها صوت
والسكوت
علامة الغضب
لما جت تتخطب
انا كنت هموت
بتوزع ابتسامات
وانت داخل الكلية
بتفتكر اللى فات
لما كنت الضحية
هو قلبك مات ؟
طب صوتى يا ولية
وقعدة جميلة
ع المشربية
ونفس الكلام
فى نفس القضية
وشوية شاى
وبعدين كابتشينو
متبقاش رغاى
كلامك عارفينو
بلدنا بتتقدم بينا
بس لوره
ايامنا بقت حزينة
هو ايه اللى جره
ولفوا بينا
لحد ما دخنا
وحطوا الملح
على جروحنا
طب فين الفرح
مش عارفين
طب حبة امل
فوت بعد يومين
والعمل ؟
اشرب قهوة
على روح المرحومة
وعلى سهوة
نط فى العزومة
يمكن تلاقى الامل هناك
امسك فيه
واشربوا باك
فى غرزة حشيش
ماركة نيجى الدنيا
ولا منجيش
ومتجيش بالأمل
ده سكران
مشيه من سكات
واديه بقشيش
وتعالى نشرب مغات
على سور البرندة
متنساش تطبطب على امك
خليها متبكيش
وخليها تزغرط بجد
دى بلدنا بتتقدم بينا
فى شرب الحشيش ياريت البنات مايزعلوش منى خالص لانى بهزر والله بجد من غير البنات الدنيا دى ماتنفعش خالص والله |
|
good girl
كيميائى ذهبى
اوسمه : 
عدد الرسائل : 3278
العمر : 32
الموقع : فى احلى منتدى
المزاج : اللهم لك الحمد كما ينبغى لجلال وجهك وعظيم سلطانك
جنسيتك : مصر
السٌّمعَة : 16
تاريخ التسجيل : 14/02/2010
| | موضوع: رد: بادى كارينا وبنطلون جينس الجمعة أبريل 02, 2010 5:59 am | |
| دى بلدنا بتتقدم بينا فى شرب الحشيش  ربنا يستر علينا وع البلد يا روميو | |
|
????
زائر
| | موضوع: رد: بادى كارينا وبنطلون جينس الجمعة أبريل 02, 2010 6:01 pm | |
| |
|
