وصفوك بايه

بسم الله الرحمن الرحيم

الموضوع بسيط جدا هو ان كل واحد فينا يقول الاوصاف اللي الناس وصفته بيها قبل كده

وكمان كل واحد يقول رايه بامانه في الكلام اللي اتقله و هل فعلا كلام الناس عنه كان صح


في النهايه انتي شايف نفسك ايه؟ وليه؟ وهل فعلا كل واحد له نصيب من اسمه؟

كانت الناس كلها بتقول عنى انى طيب

وانا كنت بزعل من كدة

ويمكن اكون لحد الترم الي فات طيب لكن الترم دة فعلا ما بقيتش طيب ولا شرس يعنى عادى




والطباخ بيقول عنى انى ما بفكرش قبل ما بعمل اي حاجة

وانا بقول بالعكس انا فكر وخطط قبل ما بعمل اية حاجة

الا في الكلية لان دخولي العلوم دى خطة فاشلة بكل المقايس


وعلي بيقول انى باخد كل حاجة بالدراع

ودى عمرى والله العظيم ما حصل

وانا نسيت اتناقش معاة في الحتة دى


وانا نفسي ارجع زى ما كنت

يمكن انا زهقان الايام دى

علشان انا اتغيرت فعلا

بس اتغيرت للاسوء

ونفسي ارجع تانى زى ما كنت




موضوع جميل بجد



انا قولت وبصراحة والله كل حاجة عنى وكل الي بيتقال عنى

انا بقى فى ناس بيقولو عليا طيبه وهبله وفيه بيقولو عليا سوسه بس والله العظيم ابدا وانا نفسى اغير فكرتهم عنى وفى ناس بتحبنى من اول ما تشوفنى وتقول انى بريئه انا ببقى مبسوطه الصراحه اما تقولى كده انا بقى شايفه نفسى انى مش بطاله بحب الناس وعشريه جدا وبحب حب الناس ليا وعلطول بدعى ان ربنا يحبب خلقه فيا

شوبا....... بحب ربنا ........ويكا ......اولا ميرسي ليكم علي تفاعلكم


انا بقي بيتقال عني حاجات غريبة

بيقولوا اني شخصية واثقه من نفسها اوي واني اللي يشفني اول مرة يقول عني اني شديدةاوي

زماااااااااااااان كان الناس قصدي اصحابي و زمايلي بيقلولي احنا كنا مفكرينك متكبرة لحد

مااتعاملنا معاكي لقيناكي طيبة وجميلة جدا ودة كان بيفرحني ويزعلني في نفس الوقت

لكن انا كنت بحاول دايما اتجنب الموضوع دة



دلوقتي بقي الدفعة كلها اصحابي لان الحمد لله رغم اي حاجة ربنا واضع فيا قبول عند الناس

وخصوصا ان اسمي عاملي شعبية جامدة جدا (مش لؤلؤ طبعا)



في النهاية انا مبخدش بكلام الناس لان مش عيب ان الواحد يبقي واثق من نفسه

لاني بطبعي بحب الشخصيه القوية مش النيتي اللي ماشي ورا الناس وهوه مغمض

ماما دايما تقول العين متكرهش غير الاحسن منها

في ناس يا ويكا مورهش غير انهم يطلعوا عيوب الدنيا في الناس اللي حوليهم


بس كبر دماغك منهم