ال60 كلمه المشهورين فكل بيت مصرى

بسم الله الرحمن الرحيم

على
مدىسنوات الطفولة والمراهقة يقطع الابن منزل أسرته وهو يستمع للنصائح
والتوبيخ نفسه ، بأساليب وجمل ثابته لا تتغير ...

فأصبحنا بمرور
الوقت نحفظها جيداونتوقعها ...

" واهالينا يقولوها واحنا نكمل لهم "

هذه
المقولات (التى لا نسمعها إلا فى البيت المصرى ) تعمق المحبة فى قلوبنا
تجاه أهالينا ، وتجعلنا نكتشف كم الهيستريا
والقلق والمسئولية التى
عاناها أهالينا... فى سبيل ان تقف وأنت كبير وسط الناس فخورا برأيهم فيك
... وهم يقولون

" شكله ابن ناس ومتربى "

كفاية
مقدمات بقى وادخلكم فى الجمل على طووووول

1- مالكش دعوة
بالسياسة .. وماتمشيش فى مظاهرات :
وقد نجحت الأمهات فى هذه الجزئية
نجاحا ساحقا ... وده بيظهر عندما ترى أكبر مظاهرة فى البلد لا تتجاوز 500
شخص أو أقل .

2- مش عاوزه أسمع صوت :
هذه الجملة تدريب هام جدا
للتعود منذ الصغر على تقبل القمع والديكتاتورية اللذين ستواجههما طوال
حياتك .

3- ماتردش عليا :
دى نصيحة لو التزمت بيها ستكسب مديرك
فى العمل .

4- تقعد فى أول صف قدام السبورة :
جملة تعودك على أن
تكون فى المقدمة دوما .

5- لو مش فاهم حاجة .. ارفع إيدك وقول
للأستاذ مش فاهم ...ماتتكسفش
(فاكرين المدرسين زى اللى كانوا على أيامهم
زمان )

6- اللى بيشيل قربة مخرومة بتخر عليه لوحده .

7-
ومالها الكتب بتاعت الوزارة .

8- بص كويس وإنت بتعدى الشارع .

9-
ماتتأخرش بعد المدرسة وتقعد تصيع مع أصحابك :
دى نصيحة ستحقق لك قدرا
من السعادة الزوجية (باعتبار إنك من الشغل للبيت )

10- افرد ظهرك .

11-
مافيش مذاكرة على المزيكا ... أو .. بتذاكر إزاى والبتاع ده شغال جنبك .

12-
ما تمشيش حافى فى السقعة دى .

13- صليت العصر ..؟! ( إشمعنى العصر
....!!!!!)

14- ربنا يهديك ... ربــنــا يــهــديــك ... أو ... إنك
لا تهدى من أحببت .

15- إطفى التليفزيون وقوم ذاكر ... أو ... إطفى
التليفزيون وقوم خش أوضتك .

16- إوعى تقول لحد هات لى حاجة .

17-
إقفل صدرك .

18- بلاش وقفة فى الشبابيك والبلكونات .

19- كل
على مهلك .. وأمضغ كويس .. وماتاكلش وإنت واقف وكل من قدمك متحفش .

20-
المسلسل مش هاينفعك ... قوم .

21- كفاية رغى فى التليفون .

22-
ماتقعدش قدام المروحة وإنت مستحمى .

23- وإنت فاكر إحنا مستنيين
منك حاجة ؟!

24- ماتعليش صوتك .

25- بلاش لعب فى الشارع .

26-
يا بنى اللى ذاكر ذاكر خلاص .. قوم نام .

27- بلاش لعب بالمقص ..
بيجيب الفقر .

28- يا بنى كلم خالتك العيانة .. اسأل عليها .

29-
إوعى حد غريب يديلك حاجة تاكلها او تشربها وتاخدها منه .

30- النوم
لحد الضهر بيجيب الفقر .

31- إوعى تكدب عليا تانى مرة .

32-
لازم تاكل سلطة .

33- لو شوفت خناقة مالكش دعوة بيها .

34-
عيب .. لازم تحترم الأكبر منك .

35- كلمنا لما توصل .

36-
بلاش أكل بره .

37- لو فلحت ابقى قابلنى .

38- يا بنى أنت
مسطول ولا إيه .

39- إنت فاكرنا نايمين على ودانا .

40- وطى
المدعوق ده شوية .

41- قوم إقرالك كلمتين ينفعوك .

42- إيه
اللامبالاة والاستهتار اللى إنت عايش فيهم دول .

43- إنت فاكرنا
لاقيين الفلوس دى فى الشارع .

44- والله ما إنت فالح .. وآدى دقنى
اهيه .

45- ما تتكلمش بصوت عالى فى الحمام .

46- ماتنامش غير
لما تغسل سنانك .

47- ماتلزقش فى التليفزيون كده .... نظرك هايضيع .

48-
ضرب أمثلة تشجع على الكفاح .. أشهرها :
( أحد الاقارب اللى كان بيذاكر
على لمبة جاز أو على نور العامود فى الشارع ونجح وأخد الدكتوراة وسافر
أمريكا )

49- سلم على عمك كويس يا ولد .

50- يا ابنى محدش
بينفع حد .

51- ماتطلعش إيدك من شباك العربية .

52- قصة
الغريق اللى كل مرة يقول إلحقونى .. لحد ما غرق .

53-
التهديدات المخيفة شكلا .. والكارتونية موضوعا .. مثل :
هاقطم رقبتك ...
هاقطع لسانك ... هادبحك دبح.

54- ربنا يرزقك بعيل يوريك اللى
وريتهولى .

55- ماتطلعش على الملاية النضيفة ورجليك متوسخه كده .

56-
ماتقعدش عريان كده قدام إخواتك البنات .

57- حول القناة دى ...
بلاش مسخرة وقلة أدب .

58- نسيت تشرب ؟ نسيت تاكل ؟ نسيت تقول هاتوا
مصروف ؟ نسيت تعكنن عليا وعلى أمك ؟

59- طلع إيدك من جيبك وإنت
بتكلمنى .

وأخـــــيــــــرا ..... ياللا يا أبو كحكة
إنت فاكر
نفسك هاتقعد تاكل معانا

يا رب الموضوع يكون عاجبكم

__________________

هههههههههههههههههههههه
حلوين
وفعلا كلهم بيتقالوا
ماعدا دي
30- النوم
لحد الضهر بيجيب الفقر .
عمري ما سمعتها
اما دي بقي
يا بنى اللى ذاكر ذاكر خلاص .. قوم نام .
اختي هي اللي بتقولهالي
ال60 كلمه المشهورين فكل بيت مصرى 229921

بس كدا ........

الجملتين دول فقط لا اعتقد

هههههههههههههههههههههههه

راجعى نفسك وشوفى ايه تانى

نورتى التوبيك ياكيووووو

11-
مافيش مذاكرة على المزيكا ... أو .. بتذاكر إزاى والبتاع ده شغال جنبك

6- اللى بيشيل قربة مخرومة بتخر عليه لوحده
دية على طول ماما تقولها ليا ولاخواتى وخصوصا اخويا الصغير.

يا بنى اللى ذاكر ذاكر خلاص .. قوم نام .

موضوع جميل تسلم ايدك

تسلمى ياروز عالمورو الجميل دا

45- ما تتكلمش بصوت عالى فى الحمام .

اهى الكلمه دى دايما تتقلى

بس تسلم اديك بجد

تسلميلى يا لذيذه عالردود اللذيذة دى

شيكوز كتب
بس كدا ........

الجملتين دول فقط لا اعتقد

هههههههههههههههههههههههه

راجعى نفسك وشوفى ايه تانى

نورتى التوبيك ياكيووووو
ايه ده دانت فهمت غلط خالص
انا قصدي كلهم بيتقالوا
بس مش ليا انا
معظمهم بيبقي لاخواتي الصبيان
ال60 كلمه المشهورين فكل بيت مصرى 229921

ايوة ما هما اللى مظلومين فالدنيا دى احنا
بتضحوا بينا فأى حاجا

هههههههههههههههه دا انت شكلك شايل ومعبى يا حرام قول يابنى فضفض متتكسفش انت اخونا برده ومتقلقش اتقلنا الكلام ده كتييييييييييييييييييير بس على مين ودن من طين والتانية من عجين

رووووووووووزى بطلى ترمى بالكلام واختارى كلمتين اكتبيهم وخلاص
هههههههههههههههههههههههههههههههههههههههههههههههههههههههههههههههههههههههههههههههههههههه

ههههههههههههههههههههه فاهمانى ؟

» شطرنج مصرى
» اب مصرى يسمى ابنته فيس بوك
» دعاء مواطن مصرى .. ؟؟؟
» مش انتا مصرى جاتك القرف
» ارفع راسك انتا مصرى جديد من روميو