استقالة العضوروميو بتاريج 14-4-2010

فى الاول بشكرك على ذوقك فى الحوار
تانى حاجه احب اوضحها انا ما بحبش الاداره ولا عمرى حبيت انى اكون كده
انا لما عملت المنتدى مكنتش عايز اعضاء تحرق فى دمى ولا اتأمر عليهم ولا ازود لده وسام ولا سمعه
انا كان قصدى اننا نفيد بعض ونكون صحاب بجد
والحمد لله نجحت فى ده



تانى حاجه اه عندك حق اعضاء كتير طلبت زياده السمعه ووسام وانت واحد منهم
وانا عملت كده لانهم وبكل بساطه يستهلوا اما انت فكان لسبب تانى ابقى اسأل اخوك عليك
ولو مفيش حد يستاهل ياريت تقول عليه
علشان اعرف الواسطه اللى بتقول عليها دى كانت ازاى




ومش معقوله حزود سمعه او ادى وسام لعضو كان كل همه انه يعمل مواضيع وخلاص يزود بيها مساهماته
واحب اقولك حاجه العضو اللى اكبر منك مساهمات سمعته صفر

اما حكايه ان المنتدى كان بالنسبه ليك الحاجه اللى انت عاملها
دى حاجه ترجعلك



وعموما استقاله مقبوله
بالسلامه
ياريت مفيش حد من الاشراف يمسح الموضوع
علشان صاحبه بيدخل زائر علشان يشوف الردود

اولا بشكرك ياروميو على كلامك ده بس فيه حاجه عايز اقولهالك


وحتكلم بكل امانه ومن غير تزويق للكلام


من الاخر علشان كله يبقى عارف حدوده ايه وعارف اللى ليه واللى عليه


يعنى ايه وسام .....الوسام ده بيبقى نوع من التكريم والتقدير من المدير الى الشخص اللى يستحق الوسام تعالى كده شوف معايا الناس

اللى حصلت على وسام وقولى تستحق ولا لا


رضا اللى مكسر الدنيا بمواضيعه الحلو وابيات شعره الجميله ده يستحق وسام ولا لا


على فكره رضا مكن يبقى قاعد فى المحاضره تلاقيه كتب شعر

واحنا قاعدين بنتكلم ممكن يقعد يكتب شعر وبيطلع شعر جامد جدا


شيكوز24 ساعه على المنتدى وبينزل مواضيع حلوه والناس كلها بتحبه وبترد على مواضيعه بكل حب علشان يستاهل بجد


وغيرهم كتير كتير

عارف ليه علشان مش بينزلوا مواضيع وخلاص علشان مفيش اسهل من كوبى باست نعملها


الناس كلها ممكن تنزل مواضيع بس مين اللى ينزل مواضيع مميزه دى مش اى حد يعملها مش كده ولا ايه


والطباخ بجد حقانى جدا جدا مش عشان صحبى بقول كده لا والله


ومش بيتكلم فى المنتدى خالص ولا بيقول على نفسه انا المدير ولا انا صاحب المنتدى و............


وتريقه الاعضاء اوبعض الاعضاء عليك ده شى وارد فى المنتديات كلها وممكن تكون مداعبه مش اكتر



فى نهايه كلامى معاك بقولك المنتدى مش بيقف على عضو لان المنتدى كله نجوم وناس كويسه ومحترمه وان مشى عضو بيجى 20


والدليل على نجاح المنتدى ده كل يوم بنشوف ناس جديده

لو المنتدى ده كوسه زى مابتقول مكنش حد دخل


مش حقدر اقول غير شرفتنا الفتره دى ياروميو

مع السلامه

هو انا قولت انك بتغير ولا حاجه ياروميو انا بعرفك بس


ان الوسام مش باتلمواضيع الكتيره ولا المساهمات الكتيره دى بالمواضيع الموثره اللى بتفيد الناس


فهتنى ياروميو

انا مش عارف ابدا من انهى نقطة بجد

حبدا من الاخر


اولا انت فاكر انت عملت اية قبل كدة مع الطباخ ولو ناسي اسال اخوك


وكلنا اجمعنا ان عضويتك تتمسح والكلام دة كان قدام اخوك في التربية

بس الطباخ علشان هو طيب جدا والله ما رداش واكتفي بمسح المساهمة وبس


اما السمعة والله انا عمرى ما قولتلة زودى او نقصى

بدليل ان انا مشرف وتانى اكتر عضو من عدد المساهمات


فية ناس اعلي منى في السمعة


انا اخر مرة شوفت سمعتى كانت 8 والله ما اعرف هى كام دلوقتى


وفي النهاية


مع السلامة يا روميو



المنتدى نور بيك الشوية الصغيرين دول

اوحقولك حاجة كمان

شوف عدد مسهماتى وعدد مسهماتك

وتاريخ تسجيلي وتاريخ تسجيلك



وقارن


وعلي فكرة


والله الطباخ من اعز اصدقائى في الكلية

والكبير لا يرفض وبكل حب يؤيد ويناصر الحاج حسن الحسينى هههههههههه كوسه كوسه فى ناس موجوده ملهاش عوزه اولهم اللى يقولك الحقنى ياكبير سمعتى نزلت اعمل ايه يروح الكبير عطيلها وصفه هبا تلاقى السمعه ذادت بقدرة قادر الانانيه وحشه باردو محدش يزعل الحقيقه بتجرح بس بتريح دا اللى حابسه من زماااااااااان كفايا منتداك ده ايه قولى عليه ازاى تخش من غير نفس وازاى تكتب من غير ما تحس اللى فتحلك قلبه اذيته وشوف من عمايلك فين وديته اهو راحل وسايب منتداك ابقى خليك انتا الاعضاء وسايبهولك بكل امن وسلام ورخاء ابقى خلى نفسك الاعضاء واكتب مواضيع ورد على نفسك وزود سمعتك ولما تحس انك مقصر ابقى قلل من سمعتك وذود رتبتك واخر ما تزهق دمر المنتدى واخير كى لا اطيل عليكم قمت بكتابة استقالتى ولكنى لا اندم على ما فعلت وانا متأكد من الردود اللى هتبقى هايجه لكن لا اخشى


.........
من الاخر عشان انا مش بحب تزويق الكلام
محدش قلك من الاول تدخل المنتدى انت دخلت بمزاجك و بعدين برحتك عايز تسيبه متسبهوش ده شيء يرجع ليك
مش هتزود و لا تنقص حاجه
بس يا ريت يكون بأدب و احترام و بعدين كوسه ايه انت محسسني ان احنا قعدين في مؤسسه و الي يترقى لازم يكون بوسطه كل ما يحن و يتحايل يزيد رتبه
الرتب ديه بتكون على اساس معين المدير بس هو الي عارفه
و بعدين تواجدك في المنتدى مش بانك تحط مواضيع و خلاص زي ما قال وائل الموضوع كله بتكوبي و تباست التوبيك هنا
هباله ياعني
و اغلب المواضيع مش بتتقرى
و انا بصراحه لو كنت اشراف اول حاجه اعملها الموضيع الي مش فيها مساهمه و ملهاش لزمه كلها الغيها

تواجدك مش بساهماتك و لا بسمعتك لالا بروحك و حب الناس ليك
و على فكره منتدى تاني كان اصلا حذف عضويتك نهائي و مقدرتش تسجل تاني
..........
يا ريت ردي ميتمسحش

انت شايف يا ماجيك ان كلمه متطفل دى جريمه وممكن تغلط فى حد بسببها

كمان انت شايف ان ده اسلوب ممكن تتكلم بيه مع الاعضاء اللى فى المنتدى


كمان انت شايف ان روميو اخوك انه مغلطتش فينا وفى المنتدى


اخر كلامى حفكرك يالكلمه دى

تواجدك مش بساهماتك و لا بسمعتك لالا بروحك و حب الناس ليك

خلاص يا شباب الموضوع اتقفل



خلاص



ومش عايز اى تجاوزات فية



الموضوع انتى خلاص

اولا مش من حق اي مشرف يمسح موضوع لمجرد انه مفهوش ردود

انا قصدي المواضيع الي بقالها مده و مكرره و انا معاك ان مش من حق اي مشرف يحذف حاجه

ثانيا حضرتك متعرفيش اللي روميو عمله علشان تقولي ان عضويته تتمسح ولا لا
انا مقلتش عضويته تتمسح انا قلت لو كان في منتدى تاني و حط توبيك زي ده كان المنتدى لغى عضويته و لغى مواضيعه
و ده شيء بيحصل ي كل المنتديات
...........
بس انا حبيت اوضح النقطتين دول

رجاء يا علي الموضوع خلاص انتهى ومش عايز اى تعليقات فية تانى


انا مش قافل الموضوع علشان ما تزعلش

SHOPA كتب:

رجاء يا علي الموضوع خلاص انتهى ومش عايز اى تعليقات فية تانى


انا مش قافل الموضوع علشان ما تزعلش

هزعل ليه اقفل يا بوب
الكلام اللي عندي قولته
بيس يا بوب