مصر هى امى..........ولا بتشتغلنى
انا ابنها ضناها.........ولا ابن بالتبنى.....
بتفرق ليه مابينى وبين اخويا الكبير...
وتطلع ليا عينى لجل ما يلبس حرير
وتقولى اصبر شويه يا ضنايا يا نور عنيا
امى بتضحك عليا ما انا شايف خير كتير
مش لاقى فى بلدى شقة ...وامى تقولى الظروف
افطر واتغدى دقة واللحمة للضيوف
واخويا ابن اللذينا واخد فيلا فى مارينا
وبسين وكمان جنينة...............
وانا اسكت غصب عنى ما هى امى بتشتغلنى
مش لاقى وظيفة ليا اصرف منها واعيش....
ومعنديش محسوبية بالتالى دخلت جيش .
واخويا حظه نار وبيقبض بالدولار.........
امى بتطبخله كوسة وتصدرلى انا الخيار...
مصر هى امى.........؟ولا بتشتغلنى
