منتدى كلية العلوم بدمنهور
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منتدى كلية العلوم بدمنهور


 
الرئيسيةبوابه جديدةالتسجيلدخول

 

 جميع اصناف البيتزا على طريقه المحلات العالميه

اذهب الى الأسفل 
كاتب الموضوعرسالة
????
زائر



جميع اصناف البيتزا على طريقه المحلات العالميه Empty
مُساهمةموضوع: جميع اصناف البيتزا على طريقه المحلات العالميه   جميع اصناف البيتزا على طريقه المحلات العالميه Emptyالأحد أبريل 18, 2010 10:03 pm

هنبتدي بإيه
دلوقتي احنا دخلنا المطبخ وهنبدأ نجهز
طلبات البيتزا وأول حاجة هتجهزيها هي عجينة البيتزا، لأنها محتاجة وقت
علشان العجينة تخمر، وبيني وبينك كده فيه أكتر من طريقة لعمل عجينة
البيتزا يعني فيه ناس بتعملها ببيض ولبن وفيه ناس بتعملها من غير بيض ولا
لبن، واحنا هنقولك على الطريقتين واللي يعجبك فيهم اعمليه..

جميع اصناف البيتزا على طريقه المحلات العالميه 1q

جميع اصناف البيتزا على طريقه المحلات العالميه Un4ax
العجينة على طريقة نابولي



المقادير:

3 أكواب دقيق
2 ملعقة خميرة بيرة
2/1ملعقة صغيرة ملح
• كوب ماء دافئ
3معالق كبيرة زيت ذرة


الطريقة:

1-
اخلطي كوب ونصف دقيق مع الخميرة والملح وبعد كده ضيفي الميه والزيت،
واضربيهم كلهم بمضرب البيض الكهربائي على سرعة عالية لمدة 3 دقائق.

2- ضيفي باقي الدقيق إلى الخليط السابق وقلبيه باستخدام ملعقة خشبية.
3-
انقلي العجينة على رخامة المطبخ أو على لوح خشبي وابدئي في عجنها بإيدك
لغاية ما تلاقيها بقت طرية ومطاطة وسهلة التشكيل على شكل دوائر كبيرة.

4-
انقلي العجينة إلى الطبق البلاستيك أو طبق زجاجي كبير وادهنيها بالزيت
وغطيها بقطعة قماش وسيبيها في مكان دافي لمدة ساعتين علشان تخمر وحجمها
يزيد...

جميع اصناف البيتزا على طريقه المحلات العالميه 1q
جميع اصناف البيتزا على طريقه المحلات العالميه Un4ax

العجينة على طريقة ملاينو






المقادير:

2 كوب دقيق
2 بيضة
2 معلقة زبدة
كوب لبن
ذرة ملح وفلفل
2 معلقة خميرة بيرة
2/1معلقة سكر


الطريقة:

1- اخلطي الخميرة مع السكر.

2- هاتي طبق زجاج أو بلاستيك كبير وحطي فيه
السمنة واضربيها بالمضرب الكهربائي وبعد كده ضيفي إليها باقي المقادير
والخميرة والسكر واضربيهم مع بعض بالمضرب هتلاقي إن العجينة بقت جامدة
شيلي المضرب واعجني العجينة بإيدك لغاية ما تلاقيها بقت طرية ومطاطة غطيها
وسيبيها لمدة 3 ساعات عشان تخمر.

بس يا ستي دول كانوا أشهر طريقتين لعمل
عجينة البيتزا في إيطاليا وحبيت أقولهم في الأول لأن زي ما إنت عارفة إن
أهم حاجة في البيتزا هي العجينة وعلى فكرة العجينة دي هتستخدميها في عمل
أي نوع إنت عايزاه من أنواع البيتزا.

.
وفيه حاجة تانية مهمة لازم تكوني عارفاها علشان هتحتاجيها في عمل كل نوع من أنواع البيتزا وهي..

جميع اصناف البيتزا على طريقه المحلات العالميه 1q
صلصة البيتزا



المقادير:

4 حبات طماطم مقشرة ومقطعة مكعبات صغيرة
4 ملاعق كبيرة معجون طماطم
2 ملعقة كبيرة زيت ذرة
1 ملعقة صغيرة زعتر جاف ومطحون
1 ملعقة صغيرة أوريجانو، أو نعناع، جاف ومطحون
1 ملعقة كبيرة ملح وفلفل


الطريقة:

1. سخني
الزيت في طاسة على نار هادية، وبعد كده ضيفي الطماطم ومعجون الطماطم
والزعتر والأوريجانو أو النعناع و4/3 كوب ماء وسيبي الخليط على النار لمدة
نص ساعة علشان يتسبك...

بعد ما تلاقيه اتسبّك أو بقى تقيل شيليه من على البوتجاز واستخدميه في عمل البيتزا زي ما قلنا.

جميع اصناف البيتزا على طريقه المحلات العالميه 1q
ودلوقتي هنعرف ازاي تعملي كل نوع بيتزا
جميع اصناف البيتزا على طريقه المحلات العالميه Un4ax

بيتزا بالخضروات



المقادير:

عجينة بيتزا
1 حبة فلفل أخضر مقطعة مكعبات أو عيدان
2/1 كوب صلصة بيتزا أو "معجون طماطم"
2 حبة طماطم مقطعة قطع صغيرة أو حلقات
بصلة متوسطة الحجم مقطعة حلقات
1 كوب عيش الغراب شرائح
2 فص ثوم مفروم
1 ملعقة صغيرة زعتر
2/1 كوب جبنة موتزاريلا مبشورة
2/1 ملعقة صغيرة فلفل أسود
عرقان من الكرفس مقطعان قطعا صغيرة
زيتون أسود مقطع دوائر
أوراق ريحان للزينة "حسب الرغبة"


الطريقة:

1- قطعي
عجينة البيتزا إلى قطع صغيرة مدوّرة وحطيها على رخامة المطبخ أو على سطح
خشبي مرشوش بالدقيق وابدئي في فردها لتغطي صاج أو صينية البيتزا وبعد كده
حطيها في الصينية اللي هتسويها فيها بس خدي بالك إنك قبل ما تحطيها تدهني
الصينية بالزيت.

2-
ضيفي صلصلة البيتزا فوق العجينة ورشي الثوم المفروم وضيفي الفلفل الأخضر
والطماطم والبصل والكرفس والزيتون الأسود وعيش الغراب ورشي الفلفل الأسود
وقطعي البيتزا على شكل مثلثات.

3- رشي الجبنة الموتزاريلا والزعتر من على السطح.
4-
سخني الفرن على درجة حرارة "220 - 200 ْ مئوية" بعد كده دخلي صينية
البيتزا في الفرن لمدة 15 دقيقة وبعد ما تلاقي وشها احمرّ خرجيها، واوعي
تاكلي صوابعك وراها.

جميع اصناف البيتزا على طريقه المحلات العالميه 1q

جميع اصناف البيتزا على طريقه المحلات العالميه Un4ax

بيتزا بالسجق



المقادير:

عجينة بيتزا
1 حبة فلفل أخضر مقطعة مكعبات أو عيدان
2/1 كوب صلصة بيتزا أو معجون طماطم
بصلة متوسطة الحجم مقطعة حلقات
2 فص ثوم مفروم
2/1كوب جبنة موتزاريلا مبشورة
2/1 ملعقة صغيرة فلفل أسود
عرقان من الكرفس مقطعان قطعا صغيرة جدا
سجق مقطع
2/1 كوب زيتون أسود أو أخضر مقطع شرائح


الطريقة:
1-
قطعي عجينة البيتزا إلى قطع صغيرة مدورة وحطيها على رخامة المطبخ أو على
سطح خشبي مرشوش بالدقيق وابدئي في فردها لتغطي صاج أو صينية البيتزا وبعد
كده حطيها في الصينية اللي هتسويها فيها بس خدي بالك إنك قبل ما تحطيها
تدهني الصينية بالزيت.

2-
ضيفي صلصلة البيتزا فوق العجينة ورشي الثوم المفروم وضيفي الفلفل الأخضر
والبصل والكرفس والزيتون الأسود والسجق ورشي الفلفل الأسود.

3- رشي الجبنة الموتزاريلا والزعتر على السطح وقطعي البيتزا على شكل مثلثات.
4-
سخني الفرن على درجة حرارة "220 - 200 ْ مئوية" بعد كده دخلي صينية
البيتزا في الفرن لمدة 15 دقيقة وبعد ما تلاقي وشها احمرّ خرجيها واوعي
تاكلي صوابعك وراها.

جميع اصناف البيتزا على طريقه المحلات العالميه 1q

جميع اصناف البيتزا على طريقه المحلات العالميه Un4ax
يبتزا باللحمة المفرومة وعيش الغراب



المقادير:

عجينة بيتزا
ربع كيلو لحم مفرومة
1كوب عيش الغراب شرائح
1حبة فلفل أخضر،مقطعة قطعا صغيرة
1بصلة صغيرة مقطعة شرائح
1 فص ثوم مفروم
2ملعقة كبيرة معجون طماطم
2كوب جبنة موتزاريلا
2ملعقة كبيرة زيت ذرة


الطريقة:

1- قطعي
البصل إلى شرائح وبعد كده سخني الزيت في طاسة كبيرة على نار هادية وابدئي
في إضافة اللحمة المفرومة مع التقليب المستمر علشان اللحمة ما تلزقش منك
لمدة عشرة دقائق بعد كده ضيفي عيش الغراب والبصل والثوم والفلفل الأخضر
وشوية ملح وفلفل وقلبيهم كلهم مع بعض وسيبيهم على النار حوالي 10 دقائق
كمان.

2-
قطعي عجينة البيتزا إلى قطع صغيرة مدورة وحطيها على رخامة المطبخ أو على
سطح خشبي مرشوش بالدقيق وابدئي في فردها لتغطي صاج أو صينية البيتزا وبعد
كده حطيها في الصينية اللي هتسويها فيها بس خدي بالك إنك قبل ما تحطيها
تدهني الصينية بالزيت.

3-
ضيفي صلصلة البيتزا فوق العجينة وبعد كده رشي عليها خليط اللحمة المفرومة
اللي عملتيه عليها ورشي الجبنة الموتزاريلا على السطح البيتزا وقطعي
البيتزا على شكل مثلثات.

4-
سخني الفرن على درجة حرارة "220 – 200 ْ مئوية" بعد كده دخلي الصينية في
الفرن لمدة 15 دقيقة وبعد ما تلاقي وشها احمرّ خرجيها واوعي تاكلي صوابعك
وراها.

جميع اصناف البيتزا على طريقه المحلات العالميه 1q

جميع اصناف البيتزا على طريقه المحلات العالميه Un4ax
بيتزا بالجمبري



المقادير:

عجينة بيتزا
نص كيلو جمبري متوسط مقشر.
4 ملاعق صلصة بيتزا أو معجون الطماطم
1فص ثوم مفروم ناعم
2/1حبة فلفل أخضر مقطع مكعبات صغيرة
2/1 حبة فلفل أحمر أو فلفل حار مقطع مكعبات صغيرة
1حبة طماطم مقطع مكعبات صغيرة
1 بصلة مقطعة شراح
1كوب جبنة موتزاريلا مبشورة
2/1كوب جبنة شيدر مبشورة
2ملعقة كبيرة زيت ذرة
ملح وفلفل
نص حزمة كرفس.


الطريقة:

1- هات الجمبري ونظفيه كويس واغسليه أكتر من مرة وبعد كده ضيفي إليه الثوم المدقوق مع الملح والفلفل.

2- سخني الزيت في طاسة على نار عالية وبعد كده ضيفي إليه الجمبري والثوم مع التقليب لغاية ما لون الجمبري يتحول إلى اللون البرتقالي.
3-
قطعي عجينة البيتزا إلى قطع صغيرة مدورة وحطيها على رخامة المطبخ أو على
سطح خشبي مرشوش بالدقيق وابدئي في فردها لتغطي صاج أو صينية البيتزا وبعد
كده حطيها في الصينية اللي هتسويها فيها بس خدي بالك قبل ما تحطيها تدهني
الصينية بالزيت.

4-
تضاف صلصة البيتزا فوق العجينة ثم يضاف الجمبري ثم يضاف الفلفل الأحمر
والأخضر والطماطم والبصل وترش الجبنة الموتزاريلا والشيدر من على السطح
وتقطع البيتزا على شكل مثلثاث.

5-
سخني الفرن على درجة حرارة "220 - 200 ْ مئوية" بعد كده دخلي صينية
البيتزا في الفرن لمدة 15 دقيقة وبعد ما تلاقي وشها احمرّ خرجيها واوعي
تاكلي صوابعك وراها.

وعلى فكرة طريقة عمل "بيتزا السي فوود"
شبه طريقة عمل "بيتزا الجمبري" بس كل الحكاية إنك هتضيفي إلى المقادير
"كابوريا مقشرة" و"سبيط مسلوق"

جميع اصناف البيتزا على طريقه المحلات العالميه 1q

جميع اصناف البيتزا على طريقه المحلات العالميه Un4ax
بيتزا بالفراخ




المقادير:

عجينة بيتزا
2/1 كوب صلصة بيتزا أو معجون طماطم
2/1 كوب ريحان أخضر الأوراق فقط "اختياري"
2/1كيلو صدور دجاج
• 2 ملعقة كبيرة زيت زيتون
2/1 كوب جبنة رومي مبشورة أو بارميزان
2/1 كوب جبنة موتزاريلا مبشورة
1 كوب عيش الغراب أو شرائح زيتون أخضر
ملح وفلفل
بصلة صغيرة مقطعة قطع صغيرة

الطريقة:

1- قطعي صدور الفراخ إلى قطع متوسطة الحجم وتبليها بالملح والفلفل والبصلة الصغيرة وسيبيها لمدة ساعة ونص وبعد كده شيليها من البصل.

2-
سخني زيت الزيتون في طاسة على نار متوسطة وبعد كده ضيفي إليها الفراخ مع
التقليب لغاية ما تحسي إن الفراخ بدأت تستوي اطفي البوتاجاز.

3-
قطعي عجينة البيتزا إلى قطع صغيرة مدورة وحطيها على رخامة المطبخ أو على
سطح خشبي مرشوش بالدقيق وابدئي في فردها لتغطي صاج أو صينية البيتزا، وبعد
كده حطيها في الصينية اللي هتسويها فيها بس خدي بالك إنك قبل ما تحطيها
تدهني الصينية بالزيت.

4-
رشي صلصة البيتزا على العجينة وضيفي إليها قطع الدجاج وبعد كده رشي عليها
عيش الغراب أو الزيتون ونصف كمية أوراق الريحان. واخلطي الجبن الموتزاريلا
والجبن البارميزان وبعد كده رشيهم على سطح البيتزا وقطعي البيتزا على شكل
مثلثات.

5-
سخني الفرن على درجة حرارة "220 - 200 ْ مئوية" بعد كده دخلي صينية
البيتزا في الفرن لمدة 15 دقيقة وبعد ما تلاقي وشها احمرّ خرجيها واوعي
تاكلي صوابعك وراها.

جميع اصناف البيتزا على طريقه المحلات العالميه 1q
الرجوع الى أعلى الصفحة اذهب الى الأسفل
الملاك البرئ
كيميائى ذهبى
كيميائى ذهبى
الملاك البرئ

ذكر
عدد الرسائل : 3855
العمر : 30
العمل/الترفيه : علي ما تفرج
المزاج : مش دايما
جنسيتك : مصر
السٌّمعَة : 8
تاريخ التسجيل : 18/03/2009

جميع اصناف البيتزا على طريقه المحلات العالميه Empty
مُساهمةموضوع: رد: جميع اصناف البيتزا على طريقه المحلات العالميه   جميع اصناف البيتزا على طريقه المحلات العالميه Emptyالإثنين أبريل 19, 2010 11:49 am

فين بيتزا بالسي فود


والهوت دوج ومارجيريتا


انت قولت كل انواع البيتزا


ولسة فية انواع تانية كتير
الرجوع الى أعلى الصفحة اذهب الى الأسفل
http://www.google.com
????
زائر



جميع اصناف البيتزا على طريقه المحلات العالميه Empty
مُساهمةموضوع: رد: جميع اصناف البيتزا على طريقه المحلات العالميه   جميع اصناف البيتزا على طريقه المحلات العالميه Emptyالإثنين أبريل 19, 2010 3:38 pm

هوة انت فكرنى انا اللى كاتب الوصفة
ههههههههههههههه
انشاء الله اجيبلك من طازج
الرجوع الى أعلى الصفحة اذهب الى الأسفل
????
زائر



جميع اصناف البيتزا على طريقه المحلات العالميه Empty
مُساهمةموضوع: رد: جميع اصناف البيتزا على طريقه المحلات العالميه   جميع اصناف البيتزا على طريقه المحلات العالميه Emptyالخميس يونيو 03, 2010 8:17 am

ايه ده يا علاء انت اشتغلت فى المهنة من امتى ؟
طيب يا سيدى عموما ربنا يسهلك وبعد كده لو انا جوعت اكيد انت اول واحد انا حرحله عشان يعملى اكلة كده تظبط المعدة والدماغ
سلام يا شيف
قصدى يا طباخ
جميع اصناف البيتزا على طريقه المحلات العالميه 229921
الرجوع الى أعلى الصفحة اذهب الى الأسفل
 
جميع اصناف البيتزا على طريقه المحلات العالميه
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى كلية العلوم بدمنهور :: قسم البيت والاسره Department of Home and Family :: منتدى المطبخ Forum cuisine-
انتقل الى: