أبتسم فأنت على أرض منتدى العلوم

زائر

أبتسم فأنت على أرض منتدى العلوم Confused

أبتسم فأنت على أرض منتدى طلاب العلوم
أبتسم فأنت على أرض منتدى العلوم Tongue

مرة اربع صاعيدة داخلين امتحان كان سؤال الامتحان كام
عددارجل المعزة ؟ فكلهم سألو صاحبهم حسنين وما كنش بيرد عليهم ف لما خلص
الامتحان قالولو انتا ما قولتيلناش لية قالهم المراقب كان جنبى ومعرفتيش اطلع
المعزة هههههههه

حد محشش قاعد مع صحابه و بيحكي لهم: انا مره طلع لى اسد و كان فى ايدى
كباية ميه رميته بيها،الأسد طلع يجرى رد عليه واحد من اللى قاعدين قاله صح
انا قابلت نفس الأسد ضربته بالقلم ايدى اتبلت.

مرة واحد ركب دش فوق السطح فعلشان ماحدش يقرب منه من السكان بنى حواليه
كوخ وقفله وقال للسكان انا حاطط أسد في الكوخ ده فمحدش يقرب منه أحسنله ،
السكان فضلوا خايفين يطلعوا السطح لحد مايوم الشجيع بتاعهم طلع وراح فاتح
الكوخ راح نازل جري ووشه أصفر السكان قالولوه ايه شوفته !! قالهم لأ أنا
شوفت الطبق اللي بياكل فيه بس

اسد وكلب اتفقوا ان كل واحد يضرب الثاني علي قفاه بدأ الكلب وضرب
الاسد ولما جاء الدور علي الاسد الكلب جري والاسد بيجري وراءه الاسد سال قرد
بيقرا الجريده مشفتش كلب جري من هنا رد القرد وقال الكلب الي ضرب الاسد
علي قفاه غضب الاسد و قال الله يخرب بيوتهم هي لحقت تنزل في الجرايد.

كان فى مرة واحد صاحب مزرعة جزر وكان بجانبه واحد صاحب مزرعة ارانب كان كل يوم يجى صاحب مزرعة الجزر
يلاقى الارانب اكلوه الجزر بتاعوه كل يوم كل يوم لحد مازهق وقرر ان هوه
يروح عند مزرعة الارانب وبعد كده راح عند الارانب وجاب شاكوش وكسرلهوم كل
اسنانهم جاه تانى يوم الصبح لقى الجزر بتاعوه بردوه حد اكلوه راح عند
الارانب ومسك واحد فيهم وقالوه :واديتوه الجزر فين قالوه الارنوب :عملنا
عثير وثربناه

مرة مذيع راح يسأل واحد فلاح فاز بمسابقة اكبر انتاج لكمية اللبن للبقر سنويا لكل المزارع فسألو المذيع
السؤال الأول:ايه اللي انت بتأكلو للبقر فرد الفلاح:انهو واحدة البيضة ولا
الحمرا فقالوا المذيع البيضا فرد الفلاح:البيضا بأكلها برسيم فقالو
والحمرا قالو بردو برسيم فقالو:طيب انت بتعملهم نشاطات ايه في اليوم قالو
البيضا و لا الحمرا قالوا لا البيضا فقالوا البيضا بمشيها عالترعة كل يوم
قالوا طب و الحمرا قالوا كمان عالترعة كل يوم
فلما زهق المذيع قام قاله كل ما اسألك سؤال ترد وتقول انهي واحدة وفي
الاخر يطلع نفس الجواب قام الفلاح قالوا:اصل البيضا بتعتي قام قالو
والحمرا؟؟؟؟؟؟؟؟؟؟؟؟ قالوا كمان بتعتي

مرة واحد غبي راح حديقة الحيوان فضل واقف امام قفص النسر عدت ساعة
والثانية و الثالثة الحديقة هتقفل رحله الحارس وقلة انت و اقف ليه كدة من
الصبح ,, الغبي قاله ادفع نص عمرى و اعرف بيختمو بيه الورق ازاى
مرة اتنين أغبية كانوا ماشيين في الصحراء طلع عليهم اسد راح واحد رمى عليه
طوبه وقعد يجرى وبص وراه لقى زميله واقف ما بيجريش قاله ما بتجريش ليه ؟
قاله واجرى ليه هو انا اللى ضربته

خروف بيسأل خروف "مر عيدين ومذبوحكش ليه؟" قال اصل انا متسجل في شهاده الميلاد حمار

في مجموعه نمل كل مايعدي الفيل عليهم يكسر بيوتهم فالملك بتاع النمل قال
نتجمع في مكان ونعمل اجتماع فاتفقو انهم لما يعدي الفيل ينطو عليه فعدا
الفيل عليهم اليوم الي بعده وهما كانو واقفين فوق الشجره فنطو عليه فالفيل
حرك زلومته يمين وقع نصهم حركها شمال وقع نصهم التاني ومبقاش غير واحد بس
اسمه فوزي فالنمل كله قالوله اخنقه يافووووزي !

فار وخطيبته ماشيين,شاف الفيل فحب يعمل منظر اودمها,فقعد ينده علي الفيل
ويقولو "خد يا فيل انت أيوة انت يا عجل" واقعد يهزء فيه تاني يوم راح
للفيل وقالو "معلش سامحني انا كنت بعمل منظر قدام خطيبتي وهطلع أبوس
دماغك" وهو فوق دماغه لقي خطبيبته معدية قالوا يعني أكسرلك دماغك دلوقتي"

تلاتة صقور أغبية اتراهنوا على الى يصطاد أكبر حاجة، الأول راح وجه وفى
منقاره حبة دم قالهم شايفين الجبل الى هناك ده قالولوا أيوه قال قتلت وراه
غزال والتانى راح وجه وفى منقاره حبة دم كتير قالهم شايفين الشجرة الى
هناك دى قالولو أه قالهم قتلت وراها نمر والتالت راح وجه وكله دم فى دم
وقالهم شايفين العمود الى هناك ده قالولوا اه قالهم أنا ماشفتوش

زرافة و فيل وأسد وفأر وثعلب وارنب ماشيين في الغابة , وقعوا كلهم في حفرة
إلا الزرافة ,قالولها :جيبي لنا حبل. قالتلهم :ما فيش. قالولها :إحنا
جعانين عايزين ناكل، قالتلهم: ماعرفش أجيب لكم أكل. قالولها: والعمل؟ قالت
لهم: كلوا أضعفكم .. قام الفأر نط مفزوع وقال لهم : اللي حيقرب من الأسد
حيعرف شغله

بيقولك كان فى واحد عنده كتكوت مفترس كل مايخش قفص الفراخ ياكلهم والقرود
ياكلهم المهم راح الراجل خده و رماه فى الصحراء، جه بعد كام يوم الكتكوت
صعب عليه رجع يجيبه لقاه نايم والنسور بتحوم حواليه قام قايل ياحبيبى انت
مت قام الكتكوت قايم قاله يا راجل كده ينفع بوظت الكمين

مرة فار راجع بيتهم مسطول فتعب في السكه فنام تحت الرصيف شافته القطه قالت
اروح اكله وهى بتعدي ريحاله خبطتها عربيه فماتت جنب الفار ولما الفار صحى
ولقي القطه ميته جنبه قال الله يخرب بيت الخمره اللي بتخليني اموت في
مخاليق ربنا

كلب قابل كلب تاني فى الشارع فبيقوله هو فرد عليه الكلب التاني وقاله هوهو رد عليه الكلب الاول وقاله بقولك اييه ما تغيرش الموضوع

مره واحد صعيدي لقى مصباح علاء الدين قعد يفرك فيه لحدما طلعله العفريت
قله شبيك لبيك تطلب ايه قله عاوزك تعملنا كوبراى ايوصل ما بين مصر
وامريكاه راح قيله لا ياعم صعب اوي قله طييب عايزنك اتخليلي كل الصاعايده
ازكيه قله عايز الكوبري رايح جاي ولا رايح بس

صومالى ركبه عفريت العفريت مات من الجوع

بابا نويل بيوزع هدايا على الاطفال فى راس السنة وشاف بنت حلوة عندها
25سنة فاعطى لها هدية فقالت لة شكرا بابا نويل قلها نويل بس بلاش بابا

مرة واحد غبي ابنه قاله انا عاوز موبايل ابوه قاله موافق بس بشرط تركب اخواتك معاك

واحد غبي عنده ارق ومش عارف ينام....قال له صاحبه عندي لك طريقة للنوم
مؤكدة...عد من واحد الى خمسميه... أخونا مكدبش خبر... وأول ما الدنيا ليلت
راح للسرير وبدا يعد .. واحد .. اثنين .. ولما وصـل الى ميه وتسعة وتسعين
...كبس عليه النوم … قـام جري غـسـل وشه ورجــع للـسـريـر يـكـمـل الـعـد

إتنين أغبية إشتروا حصانين وعاوزين يفرقوهم عن بعض راح الأولاني قطع ديل
حصانه وقال لزميله أنت حصانك ديله مش مقطوع قاله لا مش باينه، راح شوية
ورجع راح قاطع رجل حصان زميله وقال له حصانك رجله مقطوعة قال له لا مش
باينه، راح قاطع راس حصانه ورجع قاله حصانك راسه مش مقطوعة قاله بيتهيألي
أوضح حاجه إن حصانك بني وحصاني أبيض

مره اتنين مجانين اتفقوا انهم يهربوا من المستشفى واحد قال للتانى لو
لاقينا الصور عالى هنهده لو لاقيناه واطى هنط من فوقيه التانى قاله ماشى
راحوا مالاقوش صور خالص قالوا يخساره المهمه فشلت

واحد غبي جاله عقد عمل فى الكويت، يوم السفر قاعد فى المطار فالمذيع
الداخلى بيقول : "على ركاب الرحله 770 المتوجهه الى الكويت التواجد بصاله
الدخول"، "النداء الاخير لركاب الرحله 770 المتوجهه الى الكويت التواجد
بصاله الدخول." فموظف المطار بيقوله "رحله الكويت هتطلع يا أستاذ" ، فيرد
عليه ويقوله : "يا عم دول طالعين رحله .. انا طالع شغل."

مره واحده حامل ابنها الصغير بيسألها:ايه اللي في بطنك ده يا ماما قالتله
:ده أخوك يا حبيبي...تاني يوم و هوه في المدرسه المدرس سأله:انت عندك
اخوات؟ قاله:كان عندي واحد بس ماما أكلته.

وحده حامل راحت تولد عند الدكتور طلع اول طفل ضربه على ظهره وحطه على جمب
جه وطلع التانى وحطه على جمب جه التالت ومرضيش يطلع فقال للمرضه تعالى
كملى أصلى أنا تعبت قالها الطفل التالت : الراجل اللى بيضرب العيال مشى
ولآلسه

مرة واحد غبى واقف في الشارع وبيتكلم فى المحمول وعمال يزعق ويقول : بس
دورى تانى...معلش دورى كويس ..واحد معدى فى الشارع سأله : فيه ايه؟؟ راح
واخد المحمول منه وبيسمع .. لقى (الرقم الذى طلبته غير موجود بالخدمة من
فضلك اعد المحاوله)

مرة واحد غبي ماشى فى الشارع قال يارب يااااارب احط ايدى في جيبى الاقى
10جنيه يااااارب، حط ايده في جيبه لاقاه مخروم رجع يدور عليها لتكون وقعت

مرة واحد محشش لقي كنز قال: كويس فاضل الخريطة!!

مرة واحد راح يخطب واحده، باباها قال له بس البنت لسة بتدرس، قال له خلاص اجلها في الفسحه

طلع مجموعة صيادين يصطادو وكل ما يصطادو حاجه كلابهم تجري تجيب الفريسه ما
عدا كلب واحد بيخاف من صوت الرصاص فقالو لصاحبوه خده الافراح اللي بيحصل
فيها ضرب نار كتير عشان يتعود على الرصاص وبعد ما اخده لمدة 6 شهور رجع
يصطاد تاني أول ما ضرب نار الكلب اعد يزغرط

مره كان فى فار قاعد فى خمارة وبيسكر وهو بيشرب اول شفطه ويبص على
الحيوانات ولما يجى عند الاسد يبص له من فوق لتحت ويقول حد هيطلع عينه
انهارده وفضل كده لمدة يومين ففى ثالث يوم الاسد قال الواد ده بيبوص لى
كدا ليه فقام شده من ديله فقال الفار انا مش قلت حد هيطلع عينه انهارده

واحد راكب عربية صغيرة جدا ماشى بيها فى شارع صغير و و احد تانى راكب
عربية كبيرة جدا وكل واحد عاوز يعدى من الشارع حدثت خناقة كبيرة ...المهم
صاحب العربية الصغيرة بكل فخر قال لصاحب العربية الكبيرة:انت عارف العربية
دى فيها ايه رد و قالوه لا قلوه العربية دى فيها عفريت قالو ورينى كده دعك
العربية طلع منها عفريت كبير وقال:شبيك لبيك تطلب ايه قالو 2شاى و جاب
الشاى المهم صاحب العربية الكبيرة أشترى العربية الصغيرة مقابل الكبيرة
ودعك العربية بعد ما أشتراها و طلع العفريت قال صاحب العربية انا عاوز دهب
وفلوس و عربيات زد العفريت:انا بعمل شاى بس

بلدياتنا نجح في انتخابات مجلس الشعب، ففي اول جلسة قاعد جنب واحد افندى
فالأفندى عزم عليه بسيجارة مارلبورو، وبعد شويه بيسالوا إيه رأيك في
الديمقراطية ياحاج؟؟.. فرد الحاج : والله أحسن من الكيلوبترا

واحد محفظته اتسرقت راح يبلغ الظابط قاله هنجبها ليك من تحت الارض وهو
راجع كان في الناس الي بتحفر عشان المجاري راح قلهم الهمه يارجاله سوده
وبسوسته

واحدة نايمة جنب جوزها فسمعت صوة خروشة على السلم قالت لجوزها الحق ياراجل انا سمعت صوت
خروشة قالها ماتخفيش انتى معاكى راجل شوية وسمعت صوت خروشة على الباب قالت
لجوزها رد عليها وقالها ماتخفيش انتى معاكى راجل شوية ودخل حبة حرمية
وشلوها من جنبة قامت قالتلة الحق ياراجل دول حايخدونى قام رد عليها وقالها
ماتخفيش انتى سايبة مكانك فى البيت راجل

مرة واحده بتخون جوزها وجوزها عرف
راح أستخبا تحت السلم و أول منزل عاشقا قال له بخ رد عاشقها يامامى
رد زوجها كل يوم من ده

مرة واحد بخيل ماشى مع صحبه دخل فى عمود
صاحبه قال له اوديك المستشفى قاله لا شوف حد يشترى الدم الى نازل دة

مرة نملة ماشية بتعيط فمسكها راجل على كفه وسألها "انتي بتعيطى ليةيا
نملة؟" قالتله "علشان بابا وعيلتى كلهم ماتوا" حط كفه على كفه وقال "لا
حول ولا قوة الا بالله"

صرصار قاعد مع مراته بيتفرجوا على التليفزيون جه إعلان البيرسول قالها اقفلى بسرعة مبحبش أفلام الرعب

مرة اتنين أغبية طالعين رحلة فالسواق نزل استراحة ورجع لقى الفتيس مش
موجود قالهم الفتيس راح فين...قالوله لقينك يا عم طول الطريق عمال تشد فيه
مش عارف تخلعه قولنا نشلهولك

واحد فشار اوي جاله واحد صحبه قعد يقوله امبارح جالي ابو لهب و حنظله و
كنا بنتغدا مع بعض قاله يا عم انت هتشتغلني قاله و هشتغلك ليه امبارح كنا
على طرابيزه واحده صحبه كان هيتجنن المهم نزل من عنده لقى ابن الراجل قاله
صحيح الكلام ده قاله كلام ايه يا عمو قاله ابوك امبارح جاله ابو لهب و
حنظله وكانو بيتغدو مع بعض؟ قاله بصراحه يا عمو مش عارف بس انا امبارح
لقيت موكب من كام ناقه كده وكان مكتوب عليهم ملاكي قريش

ولد بيقول لابيه عايزة2جنية علشان رايحة عند محمدين فقال الاب تاخد جنية وتروح عند محمد

مرة ولد صغير سأل والده: باب انت جبتني ازاي؟ قال ألأب: بص يا حبيبي احنا
جبنا شوية سكر و حطناهم تحت السجادة جينا تاني يوم و رفعنا السجادة
وجدناك. ففكر الابن فيها "إيه لو أبقي أب من الأن" فجاب شوية سكر و وضعهم
تحت السجادة صحي تاني يوم وجد صرصور فقال:"لو ماكونتش ابني انا كنت قتلتك."

واحد اخترع حبوب للحامل علشان المولود يطلع مؤدب وكل مولود فعلا نزل مؤدب
واحدة أخدت الحبوب وماولدتش في المعاد فراحت للدكتور عملها ولادة قيصرية ،
لقى توأم كل واحد بيعزم علي التانى ويقول له "اتفضل" التاني يقوله "لأ
اتفضل إنت الأول."

مرة تلميذ بيسأل الأستاذ بيقول له:هو ممكن يعاقب الإنسان على حاجة
معملهاش؟قال له:لا طبعا . ففرح التلميذ اوى و قال له خلاص انا معملتش
الواجب

مره صرصار طلع من الخلاط قال يخرب بيت إللى يدخل الملاهى تانى

صرصارين في العناية المركزة الاولاني بيسأل التاني بيرسول قالة التاني لا قبقاب

واحد لقى صرصار بيجرى وراء مكنسة فسأله بتجرى وراها ليه قله أحسن المغفل شفط المدام

حية قرصت محشش فجلس يضحك الحية سألته ليش تضحك أجابها وهو يضحك أصل عندي إيدز

مرة واحد مسطول مروح البيت وبقالو ساعة مش عارف يفتح الباب مراتة من
البلكونة بتقولو ارميلك المفتاح قالها لا المفتاح معاية ارميلى خرم الباب

واحدة نايمة جنب جوزها الكسلان سمعت صوت في الصالة قالت لجوزها قوم شوف يمكن حرامى.. قالها قومي شوفى انتى يمكن حرامية

ندل ابوه طرده من البيت
وهو طالع كتب على السور ، مقر حركة طالبان

واحد فات على مطعم يريد ان ياكل وليس معه نقود. فرفضوا اطعامه فقال : اذا
لم تطعموني اعمل مثل ما عمل اخي فخافوا منه واطعموه وبعد ان انهى طعامه
سألوه : ماذا فعل اخوك؟ فقال: نام بدون عشاء .

واحد مسطول بيقول لصاحبه مش عارف يا أخي عود الكبريت ده ما بيولعش ليه مع إنه لسه مولع من شوية!

قابلت مذيعة اتنين مساطيل سالت الأول : مصر بالنسبة لك ايه؟ فقال: مصر دى
امى، بعدين قألت للتاني: :وانت مصر بالنسبة لك ايه؟ قال:ما قدرش اتكلم عن
أم واحد صاحبي

فية محششين جالسين في خيمة قالوا نبغا كبريت راح واحد منهم قال انا
اجيبلكم طلع ودخل مع الباب الثاني قال شباب ماعندكم كبريتة قالو استرح
تونا مرسلين واحد بيجي ونعطيكم

مره واحد محمل فراخ وهوه معدي علي كمين سأله الظابط محمل ايه قال فراخ
يابيه قالو بتاكلهم ايه رد عليه السواق باكلهم علف ودره الظابط لا الفراخ
مايكلوش علف و دره دول بيكلو لانشون وبسطرمه وراح عامل له مخالفه فالسواق
بعد مامشي جه عالكمين التاني فالظابط بيسالو محمل ايه قالو فراخ يا باشا
قالو بتاكلهم ايه قالو لانشون و بسطرمه قالو ازاي الفراخ بتاكل دره وعلف
مش لانشون وبسطرمه وراح عملو مخا لفه وبعد السواق مامشي وجه عالكمين
التالت فالظابط بيسالو محمل ايه يا اسطي قالو فراخ يا باشا قلو بتاكلهم ايه
بص يا باشا انا بدي كل فرخه نص جنيه وهيه تاكل اللي علي مزجها

مسابقة بين برازيلى و المانى و صعيدى الى هيطلع 100 سلمة و يقتل الوحش و
يتجوز الأميرة له 1000000 جنيه طلع البرازيلى 30 سلمة و مات والألمانى 40
سلمة و كسرت ساقه و الصعيدى طلع كل السلالم و قتل الأميرة و تزوج الوحش

واحد شكله غلبان ويصعب على الكافر قاعد على قهوه باصص لكوبايه شاى قدامه
ومتنح ! شافه واحد رذل عامل نفسه فتوه , فقال اما اروح اتتنطط عليه شويه
,راح داخل عليه وشادد الكوبايه من قدامه وشربها على بق واحد , وحطها قدامه فاضيه وقال له :
ماتنساش تدفع البقشيش !
الراجل راح منفجر فى العياط والنهنهه! لدرجه انه صعب على الفتوه , فخبط على كتفه وقال:
ياراجل ماتعملش فى نفسك كده, معقوله راجل بشنبات يعيط علشان كوبايه شاى بخمسين قرش؟ رد عليع وقاله :
انا مش باعيط علشان الشاى , بس انهارده اسؤا يوم فى حياتى !
صحيت الصبح متاخر , فاخذت الموتوسيكل بتاع اخويا علشان الحق الشغل بس برضه
وصلت متاخر وصاحب الشغل أهاننى ,ماستحملتش ورديت عليه راح طاردنى !جيت اخد
الموتوسيكل واروح لقيته اتسرق , رحت ابلغ اخويا اتهمنى بالسرقته ! وبعد
ماضربونى فى القسم علشان اعترف طلعونى بكفاله مش عارف هسددها ازاى , وحتى
لما قررت انتحر , جيت اشرب كوبايه السم , جيت انت وخطفتها من ايدى

مرة ندل ماشى مع واحد صاحبه قاله ارهنك على كام ان اللى ماشية مع الراجل هناك دى اسمها فوزية قاله وانت عرفت ازاى قاله اصلها مراتي

عريس بيقول لعروستة لازم تعرفي ان كلمتي في البيت زي الساعه بصتلو بنظرات غضب...قالها يعني لا بتقدم ولا بتأخر

واحد بيقول لصاحبه :امبار ح خليت مراتي تركع علي رجليها....قله صاحبه ليه؟...قاله كانت بتقولي اطلع من تحت السرير

سألو واحد بخيل طحن: تعمل ايه لو الدنيا برد؟ قال: أروح جنب الدفاية.
قالو: ولو الدنيا بردت أكتر؟ قال:أقرب من الدفاية. قالو: ولو بردت أكتر؟
قال: ألزق في الدفاية. قالو: طب ولو نزل تلج؟ قال: أشغل الدفاية بقى وأمري
لله

مرة واحدة بتخون جوزها فسمعتة طالع على السلم فقالت اخبيك فين اخبيك فين
راحت مخبياة ورا التلفزيون فجوزها كان جايب سمك فقالها خدى جهزى السمك ده
وراح فاتح التلفزيون يتفرج على المطش الست جاية تقولو ا اية دة ياراجل
انتا جايبلى السمك صاحى قالها امال انا اعمل اية كل ما الاهلى يجيب جون
يطلع واحد من الجمهور يبوسنى ويرجع تانى

مرة واحد مسطول راجع البيت متأخر قعد يخبط مراته قالتله ارجع مطرح ماكنت
راح شايط صفيحة الزبالة خبطت في الباب ورجعت قطعت ودنه راح مزعق و مخبط
أجمد قالتله برده مش هافتحلك راح شايط الصفيحة تاني خبطت في الباب و رجعت
قطعت ودنه التانية راح مصرخ و قالها افتحي يا ولية الصفيحة
هاتموتناااااااااااااييييييييييي

واحد متجوز وقاعد في البيت وبيبص كتير في عقد الزواج، مراته قالت له: بتبص
في عقد الزواج ليه يا حبيبي؟" قالها: مش عارف يا حياتي المأذون كتب تاريخ
انتهاء العقد فين

مرة واحد قال لصاحبه "عاوز أعمل لمراتي مفاجأة فى عيد جوازنا" صاحبه قالوا
"هتعمل إيه؟" قالوا "هوديها الصين" قالوا "يا راجل فى جوازكوا الخمسة و
عشرين توديها الصين، أومال فى عيد جوازكوا الخمسين هتعمل ايه؟" فقالوا
"هروح اخدها"

مرة واحد عصبي اتجوز وحدة عصبية الدكتور جاى ينزل الولد قاله اوعى ياعم انا نازل لوحدى

واحد جدته عيانة و رافضه الاكل فسألها تاكلى مهلبية والا اجوزك.. قالت له لأ يابنى المهلبية ناشفة على سنانى

في المدرسه استاذ الحساب بيسال التلميذ بتاعه: لو باباك استلف الف جنيه من
البنك والف جنيه تانيه من جاركم يبقى هيرجع كام الف، التلميذ: مش هيرجع
حاجه يا استاذ ، الاستاذ: ياابني استلف الف وبعديها الف تانيه التلميذ :
مش هيرجع حاجه يا استاذ، الاستاذ: اقعد يا ابني انت متعرفش حاجه في
الحساب، التلميذ: انت اللي متعرفش ابويا يا استاذ

مرة اتنين أغبية كانوا ماشيين في الصحراء طلع عليهم اسد راح واحد رمى عليه
طوبه وقعد يجرى وبص وراه لقى زميله واقف ما بيجريش قاله ما بتجريش ليه ؟
قاله واجرى ليه هو انا اللى ضربته

أبتسم فأنت على أرض منتدى العلوم Tongue

هما حلويين
بس حاول تنساهم

زائر

قصدك ايه

» *•~-.¸¸,.-~* خريطه منتدى طلاب كلية العلوم*•~-.¸¸,.-~*
» الصور جديدة النادرة فى منتدى العلوم
» حديقه منتدى كليه العلوم بدمنهور
» ابتسم انت معنا فى منتدى كليه العلوم بدمنهور
» ذا استطعت أن تعرف 25 شخصية منهم ,,,, فأنت مثقف!!!!