مشؤوع رئيس جمهورية فاشل

[مشروع رئيس

بالليل علي المصطبة ف الكفر جنب الدار
لقيت دماغي تقيله ! متعشي فول وخيار
الا ولقيت البلد ف ايد شجيع طيار
طاير بنا طير فعله كما السحار
عمل في وسط البلد وفي كل ركن مطار
واحنا نسافر ونجري والشغل ليل ونهار
وانا عندي فدان سليم والبقرة والدوار
ومعادش ف بلدنا صحره وعرفت اسوق جرار
وادانا لحمه هوبر وحرم البيصار
وولادي ياكلوا ف طبق مليان فراخ وخضار
ودقيق كتير والفرن. شغاله ليل ونهار

من فرحتي باللي حاصل قلبي مني طار

معدش فيه امن دوله ولا ضبط ولا احضار
واتهد سجن دمو معدش فيه مسمار
عملوا عايه منتزه مليان درة وفشار
وكل من يلبس ابيض ف السجون احرار

من فرحتي باللي خرجوا عقلي مني طار


ولا فيه مدير يرتشي ولا مسئولين شطار
ولا فيه وزارة بتنهب ف الناس صغار وكبار
واختارو للشوري مجاس ناس نضاف اطهار
اعضاء تفكر وتدرس والنوم بقي ف الدار
وهوه يقرا ويكتب . فارس كبير مغوار

من فرحتي باللي قاله قلت ياناس مفيش اعذار

ام قال عمار يابلدنا يكفي بقي استهتار
لازم نصلح ونكير ونكمل المسوار
و فيه معاهده عبيطه عملها واد سمسار
خربت بيوت الناس جلبت علينا العار
قرب جوار الكلاب خلي العرب مش جار
والناس في غزة تجوع والحال خراب ودمار
ال راح ماسكها بيمينه وشط فيها النار
لا جاز ولا ميه نديها للمكار
ملعون ابو اللي يسلم ارضه للكفار

من فرحتي باللي حرقه قلت الضعف ولي وغار

وعمل عزومه كبيره وصلت لمليون جار
حكام ووزرا كتير زوار ورا زوار
وقال هنية واهله يقعد ف وسط الدار
اللي يمسه بميه هينضرب بالنار
قعدوا ف مجلس كبير وعملوا احلي حوار
وقاموا ايد وحدة يومها ع المفتري الغدار
واتفقوا ان اليهود ملهمش بينا قرار

من فرحتي بالطبيخ بقيت اكل ولاالمنشار

وف عز مجده وخيره قا (يارجاله)
ادي الدفاتر وليكم ف الرياسةخيار
قامت الولية مراته قادت ف جلده نار
عايز تسيب الرياسه واحنا نتسوح
والواد ده ايه يشتغل بعد ما فهم الكار
عبده الزفر لما مات ساب وراه جزار
وابن المعلم شحاته سايق الجرار
بعد الرياسة تسبلي واد موظف عار؟
اللبو بعده شبل يكمل المشوار.........
ام قال عليا الطلاق عمري ماابقي رئيس
ولااكون كابوس ع البلد ولا عمري ها ابقي حصار
خلي البلد مرة تكبر والرئيس تختار

من فرحتي بالطلاق كان البقرة عندي عشار

انا قلت ادور علي نفسي واوراقي
لقيت بطاقتي مركونه عليها غبار
دا انا ممكن اترشح وابقي رئيس
او حتي استنخب وانا اللي اختار
الا وصوت الوليه….. (اقوم اترمي جوه )
عمال بتهزي وترزي فكر ليل ونهار؟
قلت لها ياوليه اصبري عليه عندي ليكي حوار
دا انا هبسطك م البلد بس اسمعي الاخبار
دا انا شفت طيار ومطار وعيش كتير وعمار
وصلح بين العرب ...فتحوا الحدود ع الجار
معرفش ليه زعقتلي والدم فيها فار
شدتني من عز نومي وقالت لي قوم يا.....................
انت اتخبط ف نفوخك ....م النوم دماغك دار

لما صحيت ع الحقيقة ركبت الجحش بالمندار

(ونفسي انام تاني)

جاااااااااامد يا محمد

توبيك مالوش حل واللهى الله ينور يابرنس

توبيك جامد ميرسى ليك