بمناسبه ليله النصف من شعبان

ليله عظيمه الشان
النص من شعبان
وبعدها رمضان
شهر الهدى والخير
فيها دعانا مجاب
للاهل والاحباب
بتتفتح له ابواب
للتوبه للجماهير
الاقصى كان قبله
للمسلمين قبلة
دعا النبى المولى
الكعبه تبقى نظير
ربه استجاب لدعاه
ولقبلته اهداه
الكعبه بيت الله
للمسلمين لاغير
فى الارض والسموات
قبلتنا فى الصلوات
بنطوف سبع مرات
بالسعى والتكبير
ياليله مسك ختام
لامه الاسلام
هديه من العلام
بشرط حسن السير
احنا خلاص نوينا
نتوب مع التايبين
وحسابنا يوم الدين
حايبقى فيه تيسير
العبد فى التفكير
زالمولى فى التدبير
واى ذنب كبير
الرب فضله كبير
ارحمنا يارحمن
بشفاعه القران
والمصطفى العدنان
جه بالهدايا بشير
اغفر لنا ذنوبنا
واستر على عيوبنا
تبنا اليك تبنا
يارب يامجير



على فكرة ده مش من تاليفى
ده من تاليف جدى العزيز الله يرحمه هو كان شاعر
وعلى فكرة ليه كتب عندنا فى بيت الثقافه اللى عندنا فى بلدنا
وفى النهايه كل سنه وانتوا طيبين ياحلى اعضاء فى احلى منتدى

جمييله يا قمر

جدك الله يرحمه كان اسمه ايه ؟؟

شكرا روزة على فكرة اسمه شعبان خميس
شكرا شاعر الازمان
نورتونى والله

ربنا يرحم جدك و يسكنه فسيح جناته

بس كلام رائع و جميل

شكرا لوله نورتينى

ربنا يرحمه ويسكنه فى فسيح جناته
اشكرك الله ينور

شكرا سنيوريتا نورتينى

ربنا يرحمه
بجد كلمات روعه

شكرا فلورندا
شكرا علاء
مروركم اسعدنى

شكرا يا دعاء ابدعتى فيما قاله الغائب الحاضر بقلمك المبدع جدك
الله يرحمه ويرحم جميع المسلمين امين

شكرا جوليت نورتينى