بخصوص الرسايل اللى بين البنات والشباب فى المنتديات

النهارده انا جايب موضوع هو يمكن يزعل ناس هنا منى شوية بس موضوع صريح قوى ولازم كلنا نقراه عشان نعرف نحكم كويس على انفسنا وضمايرنا هو الموضوع ده اغلبيته كان مكتوب فى منتديات مختلفة بس انا حاولت اجيبه واكتبه بأسلوبى مش كوبى ولا بست يعنى
الموضوع بقى عبارة عن الرسايل الخاصة اللى فى المنتديات بين الاعضاء يعنى اغلبيتهم عن الشباب والبنات
الحكاية بتبدأ من هنا
عضوة سجلت فى المنتدى وكل يوم تخش تكتب توبيكات جميلة قوى ومشاركات اجمل وطبعا فى قسم الشعر وقسم الحب وفى القسم العام اللى معروف دايما بالمواضيع اللى بتختص بالعقول المفكرة جدا والواعية فى كتابة مواضيعها
وهنا بقى بتبدأ الحكاية عضو معين يفضل يراقب العضوة دى وبعد كده لما يحس انها بجد كبرت فى نظره يبدا يبعتلها فى رسايل خاصة ومن هنا بقى تبدا الحكاية ممكن يكون العضو ده مجهز شوية كلام من اللى بيخدر العقول واللى بينيم بيها عقل البنات وهنا بقى يبدا الكلام اللى يجذب العضوة ليه ويخليها تنشد ليه حتى لو العضوة دى مرتبطة وعلى وش زواج الكلام ممكن يكون امثلة من دى
1- على فكرة انا مش عارف والله انا ايه اللى خلانى ابعتلك رسايل خاصة كده واخلى نفسى وحش قوى قدامك كده وكمان ممكن تفهمينى غلط
2- بجد انا حسيت انك انسانه عاقلة قوى وبتفهم وممكن تكون هى نصف دينى اللى بدور عليه بس كنت اتمنى ان العلاقة متبقاش بالطريقة دى ولا من على النت بالشكل ده
3- على فكرة لو عايزانى مبعتلكيش رسايل تانى مفيش مشاكل ومستعد فورا انى مبعتلكيش تانى اى رسايل خاصة وكمان لو عايزة
تسمحى اميلى اللى ادتهولك اوك امسحيه من عندك وانا مش زعلان وبالعكس دى وجهة نظر وقرار انا احترمه فى البنات

وطبعا فى كلام كتير وكتير قوى متعدوش
تفتكروا بقى بعد كلام زى ده ممكن العضوة دى تعمل ايه ؟
هنا بقى الفكرة بترجع لعقلها قبل تربيتها

يعنى ممكن تكون مثلا وافقت واقتنعت انه انسان شاريها بجد رغم انها ممكن تكون مرتبطة بشخص تانى غيره فى واقع الحياة وتبدا هنا بقى تتعذب وتعذب نفسها برده

وممكن يكون ردها بالطريقة دى

بص ياريت تكون علاقتنا محدوده جدا وياريت نفضل اصحاب واخوات فقط على المنتدى وهنا بقى الحكاية تبدأ انها تتطور واحدة واحدة

وممكن يكون ردها بالطريقة دى

لو سمحت مبتعتليش رسايل تانى من الكلام ده لأن الشيئ ده زاد عن حده قوى ولو فضلت تبعت رسايل تانى انا حتصرف معاك وحقول للمدير العام وهو بقى اللى يشفلى صرفة معاك وياريت متبعتش رسايل تتأسفلى فيها تانى
كلام كتير وكتير قوى بس هنا بقى

البنات اللى دايما تحب تقنع عضو معين انها مبتديش اميلاتها لحد وهى معاها اميلات فلان وفلان فى المنتدى يترى العضوة دى تتسمى ايه
من الكلمات

انا سايب الجواب ده ليكم انتم

ارجو اجوبة مقتنعة وصريحة

الاول شكرا لحضرتك ولمتابعتك بس الموضوع ده انا مش كاتبه عشانى اناوبس انا كاتبه عشان شباب كتيرة قوى وقعت فى الفخ ده وكانت سبب انهيار وتحطم كبير قوى من الحواديت اللى البنات بيعملوها عليهم دى
وبعدين انا لسه من شوية واحد صاحبى حكيلى ان فيه واحدة معينه بتقله انا مبديش اميلاتى لحد وهى معاها اميلات ناس يعرفهم :سس: :سس:
تخيلى بقى طيب انا راضى زمتك الانسانه دى تتسمى ايه من الكلمات