بسم الله الرحمن الرحيم
الاول قبل اى حاجة انا بجد سعيد انى اتعرفت هنا على ناس حسيت بجد انى اخ وصاحب ليهم ده غير كمان الجدعنة اللى شفتها من اعضاء هنا معانا بدون ذكر اسماء
معلش بقى انا كمان مضطر اغيب عن المنتدى كده فترة ويارب مطولش اكيد مسيرنا نتلاقى تانى هنا فى منتدانا الجميل اللى لمنا كلنا واعتبرنا اسرة واحدة
محمد الطباخ
والله انت احلا مدير عام شفته يا مان فى المنتديات بجد انت طلعت كفائة وجدع قوى مع كل الاعضاء يا بوب
راضو
رضا حبيبى انت فعلا تستحق انك تكون شاعر المنتدى وكمان انت انسان طيب قوى وجدع وده اللى شفته فيك رغم معرفتى بيك البسيطة بس الانسان بيبان من اصله الطيب ومعدنه الكويس
النجار
والله انت دايما وحشنى فى المنتدى وبرا المنتدى وده لأنك طلعت اخو على الفرعون الصغير اللى كنت عايز اقع معاه :lol:
بس بجد والله العظيم انت واخوك طلعتوا شخصية ممتتازة جدا ورجالة بجد وتعرفوا تسدوا فى وقت الشدايد والازمات
ويكا
من معرفتى البسيطة بيك حسيت انك واد روميو بجد :lol: بس كمان حبوب قوى وطيب جدا ومحترم وتعرف معنى الاخلاص الحقيقى
الماجيك
انا بقى مش حقلك انك حتوحشنى وده لأنى خلاص عرفت اراضيك ومش حسيبك وحقرفك منى من يوم ورايح لحد ما انت اللى تقلى حل عنى يابنى ان زهقت منك
بس بجد يا علاء انت برده طلعت صاحب قوى وانشاء الله على الدراسة يا مسهل الحال يارب
طبعا فيه شباب كتيرة قوى هنا بس معلش انا متكلتمش الا عن اللى شفتهم شكلا وعرفتهم شكلا اما الباقى فربنا اللى يعلم برده انى بعزهم قوى وبحبهم كلهم
البنات بقى
روزة او نقدر نقول روز دريم او نقدر نقول روزى
بصراحة انا خبطت معاكى كده شوية فى ردود على مواضيعك بس طبعا انتى عارفة ان كل ده كان هزار وانا بحب الهزار قوى عشان كده ياريت متزعليش منى مهما حصل والمسامح كريم واحنا ولاد النهارده ورمضان كريم
جود جيرل
انا حسيت بجد انك اطيب بنوته عرفتها فى المنتدى وكمان قلبك كبير قوى وبتعرفى تسامحى وتنسى اى شيئ زعلك من اى حد فى يوم ما كل سنه وانتى طيبة برده ورمضان كريم
سنيوريتا
اكتر عضوة كانت دايما بترد على مواضيعى انا بشكرك بجد على الثقة الغالية وعلى اهتمامك بتوبيكاتى خلال اى موضوع كنت بكتبه فى المنتدى
شكرا بجد ليكى ورمضان كريم وكل سنه وانتى طيبة
جولييت
عضوة جميلة قوى ادبا واخلاقا وعقلها كبير قوى ومبتحبش تزعل اى حد منها عشان كده بترد على كل المواضيع اللى بتتكتب فى المنتدى
كل سنه وانتى طيبة ورمضان كريم
بنت لذيذه
ربنا يوفقك يارب فى حياتك وتعرفى دايما توصلى لأى هدف بتتمنيه من ربنا فى الحياة
شكرا جدا على انك دايما كنتى منورانى فى كل مواضيعى
دعاء سعد
احسن واجمل شيفة عرفناها فى منتدانا الجميل بجد حتوحشينا كلنا وحيوحشنا طبخك الجميل واكلاتك اللذيذة وانا اول شخص حيفتقد اكلاتك الجميلة ربنا يرجعك لينا تانى بالسلامة للمنتدى
الخاتمة وليست بالخاتمة
انا انسان دخلت المنتدى هنا بجد عشان اكسب اصحاب واكسب ناس محترمة بجد نادر وجودها وصعب دلوقتى فى الزمن ان الواحد يلاقيهم والحمد لله لقيت الاصحاب دول وكسبتهم
حتوحشونى قوى لو عرفت انى ادخل قريب جدا خصوصا فى رمضان اكيد حخش وحكتب مواضيع وترجع تانى الاعضاء فى المنتدى بلعبة المفتش كرومبو عشان اللعبة بعد كده مسارها حيتغير وحتلم كل الاعضاء
سلام يا احلى اعضاء
mms : 
