رخااامة عالاخر .....

***********

إنتى في أوضتك .. على السرير وطافيه النور ومتغطيه
ييجي أخوكى الظريف ويفتح الباب عليك ويقولك : ايه ده انتى هتنامى ولاّ ايه ؟
(( أظن ده مش وضع الرقص !!! واضح ان انا هنام ))

***********

انتم معزومين عند ناس ورحتو لبيتهم وأول ما فتحولكوا الباب يقول ابنهم الصغير: انتوا جيتــواااااااااااااااا ؟

(( لا لسه ))

***********
والعكس : انت لابسا هدومك و متأنتكه و على سنجة عشرة وريحة البارفان واصله لاخر الشارع .. وخلاص بتفتحى باب الشقة,, يجي حد من أهلك وينادي بصوت عالي : انتى خااااارجه ولاّ اييييييييييه

(( !!! لاء دانا لسه راجعه ))

***********

أو مثلا راكبه العربية ودوّرتيها وخلاص هتطلعى ... يجيلك البواب ويخبطلك على الزجاج,, انتى بكل ذوق تفتحى الزجاج وتقوليله : خير في حاجة؟
يقولك : انتى رايحه الشغل يا هانم ؟

(( لا.. العربية واحشاني ))

***********

مثلا ماسكه سماعة التلفون وقاعده تضغطى الارقام يجي حد من أهلك ويقولك: انتى هتتكلمى في التليفون ؟

(( لا.. بتفرّج عليه ))

***********

مثلا : ماسكه مذكرة أو كتاب وقاعده تحفظى ومتحمسه (أول مره بقى) .. جه حد وقالك: هاه.. قاعدة تذاكرى ؟
(( تقومى راميه الكتاب و تقولى لااااااااء ))

***********

ربنا هاديكى كده ... ماسكه سبحة و عماله تسبّحى ، يجي حد من البيت يعدي عليكى ويقولك: هوّه انتى بتسبحى ؟
(( لاء.. هفرطها و أسلقها ))

***********

ولاّ تعالــو شوفو قنواتنا واسئلتهم البديهية البايخة
برنامج اهداءات يتصل واحد يطلب أغنيه
ترد عليه ست الكوتكوته (المذيعة) بكل خفه ورشاقة : إنتا بتحب الاغنيّة ديه ولا ايه ؟

(( لاء.. طالبها اخنق على نفسي ))

***********
أو مثلا في العيد

المذيع : هههههه هههههههه هههههه نتعرّف بيك
المواطن : فلان الفلاني
المذيع :هههههه هههههه هههههه بتقول ايه للأهل ههه و صحابك ههه وقرابيك هههه و للناس اللي انت مخاصمهم كمان ؟ هههههه هههههه ههههههه
المواطن : أقولهم كل عام وأنتم بخير

(( أكيد يعني مش هيقولهم البقاء لله ))

***********

,,,المذيعة الظريفـة : وياترى بقى هتعملوا ايه العيد ده هتقضوه ازاي ؟
أكيد بيبقى زيارات الأهل و الصحاب و تخرجوا تشوفوا مظاهر العيد في الشوارع و تفسحوا أولادكم ونتصل بالمعارف نعيّد عليهم و نقولهم كل سنة و انتو طيبين
(( سبتيله ايه يقوله يارخمة ؟ ))

***********

والأسخف بقى ... الشلل الكبير.. لما المذيعين يكلّموا الاطفال
يقول المذيع للطفل : إنت بتحب ماما وبابا ؟

(( يعني أساسي الواد لسه ما طلعلوش عرق الندالة علشان يقول لأ
[size=21]))

م ن ق و ل
[/size]

جاامد الموضوع يا قمر

والعكس : انت لابسا هدومك و متأنتكه و على سنجة عشرة وريحة البارفان واصله لاخر الشارع .. وخلاص بتفتحى باب الشقة,, يجي حد من أهلك وينادي بصوت عالي : انتى خااااارجه ولاّ اييييييييييه

(( !!! لاء دانا لسه راجعه )) رخااامة عالاخر ..... Diablo2

تسلميلي ياجميل.....

اية الناس الي مش طيقا نفسها دى