الــــــحــــــــكــــــــــــــايـــــــــه

ودى اول حكاية
الحكاية الاولى(حدثت بالفعل)



حب الوصول (حدثت بالفعل)











هي : انا عاوزة جرد لكل المصروفات الزيادة اللي حصلت في العملية اللي فاتت ..
هو : انا تحت أمرك يا انسة .. هو إنتي إسمك إيه ؟
معجبهاش طريقة كلامه خاصة إنها اعلي منه مكانة ..
قالتله بحدة : الجرد يكون عندي بكرة ع مكتبي ..
سأل هو عنها : قالوله دي بنت البوس بتاعنا و سيبها هي لا بتكلم حد و لا بتحب حد يكلمها .. شغل وبس
هي : شغلت دماغ هو .. و قرر إنه يوصلها و يعرفها بأي طريقة ..

بدأ يتلكك في حوار الجرد ده كتير .. و بعدها بقي يتلكك بأي حجة يدخل بيها مكتبها بس بدون جدوى .. الشغل ثم الشغل عندها .

لحد ما في يوم كانت الشركة بتعمل حفلة سنوية فيها أعضاء من جميع فروع الشركة ..
وبيختار كل فرع 10 موظفين فيه يروحوا الحفلة وكان من ال 10 دول هو و هي كليدر لباقي الموظفين ال 10
و في الأتوبيس اللي رايح للحفلة اتفاجأت هي بهو جاي يقعد جنبها و لسا جاية تقوله إيه اللي جابك هنا

قالها : إستنى إستنى بس ..
لسا الطريق طويل نتكلم شوية نسلي بعض ..
قالتله : عايز تتكلم عن إيه ..
قالها : عنك ..
قالتله : عنى انا !
قالها : إنتي ليه كده بعيدة عن الناس و دايما كلامك في الشغل و بس ..
قالتله : هو ده المهم ..
قالها : مهم و علي عينى وعلي راسى بس برده ميمنعش إننا نعرف بعض برده ..
قالتله بإستغراب : إيه ؟
قالها : مش انا و إنتي بس انا قصدي كلنا يعنى ..


و دار الكلام بينهم طول الطريق لحد ما وصلوا الحفلة ..
و طول الحفلة مشالوش عينهم من علي بعض ..

هي بدأت تحس بإنجذاب ناحيته .. بس كل شوية تقول لنفسها ده زميل و انا ماليش دعوة غير بالشغل .. بس برده حاسة بإنجذاب


عدي وقت كبير و في كل الوقت ده قربوا لبعض اوى ..
وبقي هو الوحيد اللي بتقابله بابتسامة و بيطول الحوار معاه سواء في الشغل او في غيره ..
هي حست احاسيس كتير اوى ناحيته .
و في يوم و بينهم حوار عادي بيدور و هما خارجين من الشركة ..

بتقوله : انا عامة بحب العمليات اللي بتكون علي المدي الطويل و ..
قاطعها و قالها : انا بحبك ..

البنت اتفاجأت من كلامه و بصتله بصة كده ..
و قالتله بس : سلام دلوقتي ..

و في الفترة دي وصلها كلام إنه كان بيحبها بس عشان منصب باباها ..
و ناس كتير قالتلها إنتقمي منه و وصلي الموضوع ده لباباكي و خليه يشوف يعمل فيه إيه ..
و فعلا بدأت تفكر في كده ..

لحد هنا حكايتنا و قفت ..
يا تري لو كنتي مكان هي كنتي فعلا هتوصلي الموضوع لباباكي و تشوفيه يعمل إيه .. ولا هتسبيه و خلاص و تقولي ده كان حبيبي في يوم ..
ولا هتعملي إيه بالظبط ؟؟

عاوز اعرف رايكم
وبعدين نكمل حكايتنا(حب الوصول)

مــــــــــع تـــــــــحـــــــــيــــــــــاتــــــــى

قصه جميله جدا ياعلاء
هى المفروض مش تقول لوالدها لان دى غلطتها من الاول
بس تنسى وتعتبره مش موجود اساسا

ياما تتاكد من اللى كانت بيخرج معاها مش يمكن تكون اخته
وكلام الناس مش بيرحم برضه

شكرا لمروركم

لا قصه جامده
وانا رأى من رأى بسمه امل

قصة جميلة جدا
وفعلا تعتبره مش موجود اصلا ومش تقول لباباها زى ما قالت بسمة
دى غلطتها من الاول

وفى انتظار باقى القصة

شكرا جود جيرل