حكاية الربع جنيــه

حكاية الربع جنيــه

كان مرة فى واحد معاه ربع جنيه
ففكر يعمــل بيـه ايه
يشرب بيه عصير قصب
ولا يركـب الاتوبيس
فقال انا لو ركبت الاتوبيس
هيبقى قدامى حل من اتنين
يا اما هقف يا اما هقعد
لو وقفت مفيش مشكلة
لكن لو قعدت هيبقى فيه حل من اتنين
يا اما يقعدجنبى ست يا اما يقعد جنبى راجل
لو كان راجل مفيش مشكلة
لكن لو ست هيبقى فية حل من اتنين
يا اما هنعجب ببعض يا اما مش هنعجب
لو ما اعجبناش مفيش مشكلة
لكن لو اعجبنا هيقى فيه حل من اتنين
يا اما هنتجوز يا اما مش هنتجوز
لو متجوزناش مفيش مشكلة
لكن لو اتجوزنا هيبقى فيه حل من اتنين
يا اما هنخلف يا اما مش هنخلف
لو مخلفناش مفيش مشكلة
لكن لو خلفنا هيبقى فى حل من اتنين
يا اما هنجيب بنت يا اما ولد
لو جبنا بنت مفيش مشكلة
لكن لو جبنا ولد هيبقى فيه حل من اتنين
يا اما هيبقى مستقيم يا اما منحرف
لو استقام مفيش مشكلة
لكن لو انحرف هيبقى فى حل من اتنين
يا اما هيدمن او مش هيدمن
لو مأدمنش مفيش مشكلة
لكن لو ادمن هيبقى فيه حل من اتنين
يا اما هيبقى معاه فلوس يا اما ممعوش
لو معاه مفيش مشكلة
لكن لو كان عاوز فلوس
هيبقى فى حل من اتنين
يا اما هيسرقنى يا اما هيقتلنى
لو سرقنى مفيش مشكلة
لكن لو قتلنى
يقتـــ ــــلنى
لا ياعم انا اروح اشرب عصير احسـن

لما دخلت المنتدى كنت عايزة اقرا الصفحة دى
لو ما قرتهاش مفيش مشكلة
لكن لو قرتها هيبقى فيه حل من الاتنين
يا اما ارد يا اما ما اردش
لو ما ردتش مفيش مشكلة لكن لو رديت.......................
ايه ده انا باين عليا اتعديت من الراجل بتاع القصب